近日很多人的話題總離不開香港藝人許志安及黃心穎的「安心」出軌事件，因為某個的士司機的「車Cam」片段，曝光了兩人的出軌行為，然後事件不停發酵，引發一連串的娛樂桃色新聞，也牽連了兩人身邊的家人及藝人朋友。

其實藝人出軌行為一直不少，為何這一次大家對兩人的反感（尤其是女方）那麼大？原因可能在於「車Cam」片段中女方的過份積極主動、步步進迫及男方的「欲拒還迎」。

先講女方，她的過份積極主動、步步進迫及令人覺得不雅，一些站在道德高地的人更會覺得她「狼胎、不檢點、不知足」，因為眾所周知她已有一位外間認為是「專一好男仔」的男友馬國明，卻不只一次出現桃色緋聞，當中有些更是有婦之夫，而這一次更是「有圖有真相」地向社會大眾顯示了她的主動出軌行為，令她一直以來本就不太好的印象毀於一旦，被人覺得她是「進擊的小三」。

再講男方，和太太鄭秀文一起廿幾年間經歷過不少離離合合、高山低谷，近年才走向婚姻開花結果。他雖然屹立於香港演藝界多年，但名氣聲勢一直被外界視為不及他的太太，未知是否因此而積聚無形壓力。而當時面對女方主動溫柔示好，他把持不住地欲拒還迎，由被動變為半主動，令出軌行徑變為「一隻手掌拍不響，兩隻手掌『啪啪』響」。無獨有偶，他太太正在備戰她的演唱會，這個時間點令他的出軌行為更見突兀尷尬。

他們的出軌行為令社會大眾對她反感，連帶「愛屋及烏」地對他們身邊的家人及藝人朋友都反感，即是有些只是精神上稍為支持他們及他們另一半去作出回應的人。

此外，不論他們兩人是否已有另一半，作為公眾人物，一舉一動都隨時被放在鎂光燈下，因此在公眾地方時行事必須小心謹言慎行，事件反應他們作為公眾人物的自覺性不高。大家可能會說，的士司機利用「車cam」片段去謀利甚至公開侵犯藝人私隱也有不對，小編絕對同意，因為任何人也不能以「公眾有知情權」為由而侵犯他們的私生活，因此其實的士司機的行為絕對並不值得效法。

最後，不論他們之後能如何善後及修補和另一半的關係，他們的另一半之間的感情都必然會掉了色，而更可惜的是，相信他們經已很大機會因為出軌行為而斷送了他們二人的演藝生涯，即使仍能在演藝圈立足，地位也會大不如前……

讀者如喜歡這篇文章 ，可於文章最下方按下Likebutton以示鼓勵及支持（若LikeCoin用戶請先登入再按下Likebutton ，最多可按5下，而其他人士也可以了解LikeCoin及考慮是否註冊使用LikeCoin ）

而加入 LikeCoin 回饋創作者計劃，更有免費獲得coin的活動：

1. 註冊一個 LikeCoin ID (邀請人請填： tracy2018)
2. 確認已登入 LikeCoin (確認方法)
3. 點擊五下拍手(操作參考)
4. 完成後，你我都會獲得免費的 LikeCoin (可用來交換以太幣或現金)

#香港 #娛樂 #社會 #化讚為賞 #化like為coin

早前寫過有關斜摃族的粗略分享︰

今回再詳細一點分享一些日常斜摃族備受的「關心慰問」。

雖然人常道「條條大路通羅馬，行行出狀元」，但對於從事日常固定工時工作的親朋戚友來說，認為從事固定工時及收入的工作才是王道；斜摃族的工作在他們眼裏無疑好像是「誤入歧途」的感覺。因此，他們雖未至於想把斜摃族「導入正途」，但也禁不住想從斜摃族的直系親屬入手，表達他們對「關心慰問」。

以下是一些綜合各方所得出的對斜摃族「關心慰問」的例句僅供參考︰

你找不到正職嗎？為何要「做炒散」？

不少人對斜摃族的其中一種誤解，就是以為他們因為能力不足找不到正職（固定工作及收入的職業），因此就一直從事freelance或part-time工作，把這些較浮動的工作當為「好過冇的水泡」；在他們眼裏，斜摃族等於「做炒散」。

其實斜摃族並不是能力不足，有很多更是有很多經驗及技能，甚至比不少打工仔女更優勝。而斜摃族只是不想受到固定工時的束縛，想更自主地分配自己的時間及生活，才給他們的人生作出的一個重要選擇罷了。

你當斜摃族的收入足以糊口維持生計嗎？

當然斜摃族因為工作時間及收入不穩定，未必都能做到風山水起、豐衣足食；但他們會懂得量入為出、會懂得知足常樂，即使再艱難也足以糊口維持生計。正如某歌曲歌詞一樣「鹹魚白菜也好好味」，只要身邊有能夠充分理解並認同自己的人，即使每餐飯平淡如鹹魚白菜，也會更勝品嚐山珍海錯。

你的收入這麼少，如何養家「俾家用」呀？

對小編來說，這個問題是「你地問遲左啦！」。

誠然，對於要養家的人來說，當原本有固定工作收入的人變成斜摃族，他們的收入將會大減，生活會多了不少負擔。因此他們在決定當斜摃族之前，大多都已分析過家庭生活收支能否長期勉強維持平衡，也已作出相應的安排；否則，他們大多會繼續「每日返工放工打工仔女生活」，而不會冒險行出「當斜摃族」這一步。

你人脈又不夠廣泛，生意從何來？

雖然斜摃族未必有廣泛人脈，但斜摃族因為是自僱行業，即「自己當老闆」，有的是本著「有麝自然香」的精神，對每份工作都盡力做到最好，慢慢積聚口脾、積聚客人、積聚人脈、積聚生意。

你不要「份份工都做唔長」然後想「做炒散」但美其名為當斜摃族，要學習努力忍耐完成工作，否則會讓你未來的老闆看到你CV覺得太jumpy，對你印象不好。

小編個人認為，當斜摃族選擇不再過「每日返工放工打工仔女生活」的那一刻開始，他們便已經有一種「不會回頭返番長工」的覺悟。斜摃族不是因為學習努力忍耐完成工作而令自己「份份工都做唔長」，而是因為他們在學習努力忍耐完成工作的過程中，更清楚全面地了解自己更適合當斜摃族而不是普通上班族；因此他們也不須再理會未來的老闆看到他們CV覺得太jumpy而印象不好，因為他們未來的老闆，只有他們自己及每次找他們提供的服務及技能的顧客們。

不如我或我朋友介紹工作給你吧！不要再這樣任性逃避、吊兒郎當、不負責任、不切實際地生活了。

對於說類似的話的親朋戚友們，斜摃族真是「除左多謝及『乜你地咁有心呀』」之外，就只是得啖笑或是得一啖難以發作、難以宣洩的怨氣。

為何當斜摃族就要被誤解標籤為「任性逃避、吊兒郎當、不負責任、不切實際地生活」？他們沒有因為討厭工作而「三分鐘熱度」一時衝動去當斜摃族，反而當了斜摃族後更熱愛工作，因此不是任性逃避；他們沒有因為想做就做、得過且過、見步行步而當斜摃族，反而當了斜摃族後變得對工作更用心更負責任，因此不是吊兒郎當、不負責任；更重要的是，基於收入大減及不穩定，他們的日常開支變得更量入為出變得更有規劃，因此不是不切實際。總括而言，種種標籤只是表現出那些人對斜摃族的不求甚解。

你一直這樣做斜摃族是沒有將來及沒有前途的，你還是盡快正正經經、老老實實找一份長工吧！

若「正正經經、老老實實做長工」就會有將來及前途，那麼，為何世上這麼多的打工仔都感受不到他們有將來、有前途，而只是「為左搵到兩餐溫飽而打份工」？而為何當斜摃族就是不正正經經、不老老實實？他們是去打家劫舍嗎？當然不是！只是他們和傳統一代人士心中對「正正經經、老老實實」的看法有所不同。

你當斜摃族的工作及收入這麼不穩定，還想要捱多久？還可以捱多久？

為何要用「捱」來形容斜摃族的工作生活？難道「每日返工放工打工仔女生活」就不是「捱」而是享受？其實不論是普通打工族還是斜摃族在工作上都要下苦工去捱，都有各自的「捱」。而斜摃族通常都會較普通打工仔捱得更久，因為前路是自己真心選擇的。

其實，老老實實，若親朋戚友是真心關心斜摃族，他們只需做一件事，少一點自以為的「關心慰問」便可。

讀者如喜歡這篇文章 ，可於文章最下方按下Likebutton以示鼓勵及支持（若LikeCoin用戶請先登入再按下Likebutton ，最多可按5下，而其他人士也可以了解LikeCoin及考慮是否註冊使用LikeCoin ）

而加入 LikeCoin 回饋創作者計劃，更有免費獲得coin的活動：

1. 註冊一個 LikeCoin ID (邀請人請填： tracy2018)
2. 確認已登入 LikeCoin (確認方法)
3. 點擊五下拍手(操作參考)
4. 完成後，你我都會獲得免費的 LikeCoin (可用來交換以太幣或現金)

#工作 #生活 #社會 #斜摃族 #化讚為賞 #化like為coin

近日Uber及的士業界分別推出的士call車apps，如果Uber或的士之中二者選其一，你會選擇前者定後者？

以目前來說，相信大多人會選搭Uber而非的士，因為的士司機的「友善」待客事蹟實在太多了！

的士司機們大多會揀Job︰他們大多不肯接載短途客，因為他們覺得收入太少；他們有些又不肯接載長途客，因為令他們變相接少了幾單生意。地點有點僻的地方他們不肯接載，或者在接載中途拒載並請客人於另一個的士站下車嘗試另搭其他的士，即使是三更半夜也不理客人的死活，因此很多時候人們在街上都難以截到並乘搭的士。更甚的是，的士司機會「割客」，會濫收車資。

如此「好」的服務態度，令人人對搭的士都為之卻步。

Uber不會有以上的士司機的「優質」服務態度，因Uber是在確認有司機會接載及明碼實價列明車費後，客人才下單要求Uber司機接載，不用怕難截車，因為車一早已call，而Uber司機對客人的能度大多良好友善有禮，相比起司機的大多無禮有很大的分別。不過，Uber司機因為沒有乘客相關的保險，萬一遇到交通意外，不能像搭的士般有乘客相關的保險賠償。

而若要小編於Uber或的士之中二者選其一，小編多數會選擇前者，因為前者 者較少有交通意外新聞，而後者則間中會有交通意外新聞，Uber司機的駕駛技術由此可見相對較安全。

讀者如喜歡這篇文章 ，可於文章最下方按下Likebutton以示鼓勵及支持（若LikeCoin用戶請先登入再按下Likebutton ，最多可按5下，而其他人士也可以了解LikeCoin及考慮是否註冊使用LikeCoin ）

而加入 LikeCoin 回饋創作者計劃，更有免費獲得coin的活動：

1. 註冊一個 LikeCoin ID (邀請人請填： tracy2018)
2. 確認已登入 LikeCoin (確認方法)
3. 點擊五下拍手(操作參考)
4. 完成後，你我都會獲得免費的 LikeCoin (可用來交換以太幣或現金)

#香港 #社會 #生活 #化讚為賞 #化like為coin

最近因為工作上的身心疲累，令我突然飄出一個念頭︰何不辭工去當「斜摃族」呢？

所謂「斜摃族」，是擁有最少一技之長，相比起刻板的辦公室打工仔生活更愛能自由分配時間的自僱人士生活，按自己的時間分配需要去承接Freelance或Part-time工作。有些人會覺得「斜摃族」即是「炒散」（打散工），因為兩者都是做Freelance或Part-time工作，但前者主要是從事一些較專門的工作如化妝師，興趣班導師、網頁設計師、電腦維修員等，而後者多從事飲食業或Sales。

「斜摃族」生活比辦公室打工仔生活較好的地方是，前者不會受公司複雜的政治關係而影響工作進度，也不會上司突然要求的加班而打亂自己的其他計劃（尤其是無謂無工作急切需要的加班），更不會被公司高層或上司安插「莫須有」罪名或被他們將自己的過錯轉嫁給自己。

但「斜摃族」生活比辦公室打工仔生活較差的地方是，工作及收入不穩定，及所有事情都要靠自己一人去處理並解決。若家中有一定的經濟壓力，誰人敢說他們可無後顧之憂、放手一搏去當「斜摃族」將自己的興趣技能成為自僱維生的工具？此外，「斜摃族」多為一人自僱工作的，凡遇有和客戶的分歧甚至爭執都只能自己想方設法去處理，因為身邊不會有同事及上司等提供意見，更不會天降救星為自己解決任何難題。

因此，要成為「斜摃族」，技術、勇氣、決心及經濟後著缺一不可，這也是小編不論目前工作上的身心有多疲累也尚未辭工去當「斜摃族」的原因。小編也希望終有一天可有能力當上「斜摃族」，可惜，距離此目標還有一段很長的路要走……

讀者如喜歡這篇文章 ，可於文章最下方按下Likebutton以示鼓勵及支持（若LikeCoin用戶請先登入再按下Likebutton ，最多可按5下，而其他人士也可以了解LikeCoin及考慮是否註冊使用LikeCoin ）

而加入 LikeCoin 回饋創作者計劃，更有免費獲得coin的活動：

1. 註冊一個 LikeCoin ID (邀請人請填： tracy2018)
2. 確認已登入 LikeCoin (確認方法)
3. 點擊五下拍手(操作參考)
4. 完成後，你我都會獲得免費的 LikeCoin (可用來交換以太幣或現金)

#工作 #生活 #社會 #斜摃族 #化讚為賞 #化like為coin

早前香港有不少聲音都反映香港公立醫院「越迫越爆」，而政府的處理措施是︰加完又加的醫院員工的人工及津貼。可惜的是，政府可能不知道，加人工加福利雖然可以解決很多工作問題，但是不代表可以解決一切工作問題，包活香港公立醫院越迫越爆的問題。

要解決香港公立醫院越迫越爆的問題，先要了解香港公共醫院越迫越爆的根本原因，就是「病人太多、醫護人員太少」。

何解「病人太多、醫護人員太少」？

「病人太多」，是因為有部分港人（尤其是老一輩港人）覺得公共醫院急症室的診症費用是180元，較私家診所看病的診金250元便宜，而且若初步檢查有甚麼特別不適的地方還可即時住院，而不須到私家診所診症後再拿著私家診所的轉介信到公共醫院等待長時間的排期，因此他們往往選擇去公共醫院急症室求診。

「病人太多」，病人中有更多的其他國藉的病人，如內地來港新移民、中國同胞、南亞裔等，當中以內地來港新移民及中國同胞尤甚；而中國同胞中有些可能是為了看急症然後留醫接受香港公立醫院診治而特地專程由內地來港，令病人人數一直有增無減。

在病人不斷有增無減而醫護人員人數增幅有限的情況下，平均每位醫護人員要照料約12位病人，比正常標準的每位醫護人員照料約6位病人多出一倍，沒錯，是超出標準一倍！加上有不少公立醫護人員因心灰意冷轉投私營醫護行業，變相造就「醫護人員太少」的情況。醫護人員面對越來越長的工時、越來越多的工作、越來越多的病人，但慢慢減少的人手，身心壓力可想而知。因此近日有醫護人員因捱不住壓力而在家突然身亡，雖然未知死因是否因壓力大而過分吸毒減壓提神所致，但不能否認沉重的醫護工作間接令他走上不歸之路……

如何解決「病人太多、醫護人員太少」的問題？

依小編的愚見，香港政府的「加人工加福利」的措施未能解決問題，若能解決問題，香港政府便不須短期內一加再加都未能令醫護人員的怨氣減少，因此「加人工加福利」可能連「治標」也未能見效；因為醫護人員他們最需要的不是金錢上一時三刻的支持，而是增加足夠的、符合資歷及經驗的人手去分擔他們繁重的工作，減輕他們的身心壓力。

若要「治標又治本」地處理「病人太多、醫護人員太少」的問題，只能從「減少病人」及「增加人手」兩方面出發。

在「減少病人」這方面，香港政府是無能為力的，因為它們不能「趕客」強行要求病人離開香港公立醫院去其他診所或醫院就診，而病人去了其他醫院路程較遠也會有延誤治病的危機（因此之前有政府官員提出此建議時也不被大眾接受）。另一方面，香港政府在推行家庭醫生及分流病人方面的措施也不見得對減少病人有成效，而每遇到長假期都只有少量診所繼續開放給病人治病，令病人只能傾向去香港公立醫院求診。因此香港政府只能在「增加人手」這方面出發，引入英聯邦醫生及其他外國合資格的醫護人員來分擔醫療工作，否則香港公立醫院「越迫越爆」的問題很難解決，香港公立醫院很難走出目前的困局。

讀者如喜歡這篇文章 ，可於文章最下方按下Likebutton以示鼓勵及支持（若LikeCoin用戶請先登入再按下Likebutton ，最多可按5下，而其他人士也可以了解LikeCoin及考慮是否註冊使用LikeCoin ）

而加入 LikeCoin 回饋創作者計劃，更有免費獲得coin的活動：

1. 註冊一個 LikeCoin ID (邀請人請填： tracy2018)
2. 確認已登入 LikeCoin (確認方法)
3. 點擊五下拍手(操作參考)
4. 完成後，你我都會獲得免費的 LikeCoin (可用來交換以太幣或現金)

#香港 #醫療 #社會 #化讚為賞 #化like為coin

除著世界人口老化，近年在世界不少發達國家都陸續推行「時間銀行」，究竟何謂時間銀行？在香港又是否能夠推行「時間銀行」？

根據Wikipedia（https://zh.wikipedia.org/wiki/%E6%97%B6%E9%97%B4%E9%93%B6%E8%A1%8C），「時間銀行」模式是︰
– 勞動不分貴賤，每個人的工作時間都是平等的，不管是蓋房子，還是照顧小孩，這些工作都是平等的
– 目前，北美、歐洲和亞洲等國家的多個社區企業都採用了這個系統；中國的南寧、南京、重慶等城市也零星出現了這種模式
– 目前，時間銀行主要是依託於居民小區，重點的服務對象是老人
– 而台灣省新北市則推行佈老時間銀行，民眾可以到社福中心、社會局、里長服務處進行申請加入佈老志工，接受訓練實習受訓完畢領取結業證書，日後照顧別人可累積時數，以後可以照顧自己。

而在香港，上一年才有第一個「時間銀行」，而且還是由老人家自發出心出力地推行︰
將軍澳首推「時間銀行」長者做義工換服務：有人幫不用入老人院
https://www.hk01.com/%E7%A4%BE%E5%8D%80%E5%B0%88%E9%A1%8C/211375/%E5%B0%87%E8%BB%8D%E6%BE%B3%E9%A6%96%E6%8E%A8-%E6%99%82%E9%96%93%E9%8A%80%E8%A1%8C-%E9%95%B7%E8%80%85%E5%81%9A%E7%BE%A9%E5%B7%A5%E6%8F%9B%E6%9C%8D%E5%8B%99-%E6%9C%89%E4%BA%BA%E5%B9%AB%E4%B8%8D%E7%94%A8%E5%85%A5%E8%80%81%E4%BA%BA%E9%99%A2

而小編則覺得，雖然「時間銀行」的理念不錯，連中國及台灣都已推行，而在香港這個步向人口老化的社會也需要有「時間銀行」的推行，但在香港卻短期內難以推行……

在香港對「時間銀行」有認識的人始終不多，難以有效地把「時間銀行」推展致各個社區。

而且香港人只是照顧自己一家已十分吃力，再沒有多出的時間去幫助他人，再加上基於各種環境因素的影響，香港人早成了「驚弓之鳥」，情願「各家自掃門前雪，休管他人瓦上霜」也不想因為幫助他人而「好心做壞事，結果還苦了自己害了自己」。

更重要的是，難以有人可說服一位「秒秒鐘幾廿萬（元）上落」的大商人說他的時間和一位每天工作朝不保夕的「打工仔」相等，因為每人心中各有一把長度不一的「尺」，各人的價值觀也不同。

此外，於各個社區推展「時間銀行」需要一定的人力物力作長期支援︰需要有人、物資及辦公室負責記錄、核實、管理所有時間銀行的出入帳記錄以及其他相關事務；需要有一定參與者在「時間銀行」開設戶口並進行出入帳（花時間幫助人然後在有需要時被幫助）；需要有良好的策劃者去推行各種活動去維持「時間銀行」的支持度及參與度。

而在香港的各個社區中，可用的社區資源原本就十分有限，如何能再騰出資源去推展「時間銀行」，並讓「時間銀行遍地開花、成行成市」？若要等待政府有政策在各個社區推展「時間銀行」，又不知要等到何年何月，就算推出了政策也不知是否務實全面地貼切社會需要……

因此，若要香港普及化地區區有社區的「時間銀行」，還有很長的時間要等，還有很長的路要走……

讀者如喜歡這篇文章 ，可於文章最下方按下Likebutton以示鼓勵及支持（若LikeCoin用戶請先登入再按下Likebutton ，最多可按5下，而其他人士也可以了解LikeCoin及考慮是否註冊使用LikeCoin ）

而加入 LikeCoin 回饋創作者計劃，更有免費獲得coin的活動：

1. 註冊一個 LikeCoin ID (邀請人請填： tracy2018)
2. 確認已登入 LikeCoin (確認方法)
3. 點擊五下拍手(操作參考)
4. 完成後，你我都會獲得免費的 LikeCoin (可用來交換以太幣或現金)

#香港 #社會 #時間銀行 #化讚為賞 #化like為coin

一年一度既中國農 曆新年，除左係大家出動去拜年逗人利是既時節之外，仲係俾你做一次「特首」––– 俾 D 親戚係咁問 D 你每年都唔想答既問題，感覺就好似特首每年施政報告俾 D 議員係咁問野咁，仲要問完都係唔會有 D 乜野建設性既結果。小編只能勸大家︰冇計架，睇開 D 啦，過幾日之後佢地最快都要出年至再有機會再 loop過問你地多一次，最重要係可能一年只能見果兩、三次架咋 ~~~ 更重要既係，佢地除左問你果D 都唔知同你講乜好~~~ 但有得見總好過突然冇得見，老人家既野，你懂的~~~總之，就算再煩再唔願俾人問都好，每年見得一次得一次啦~~~~

講真，香港人個個日日為賺錢而生活忙碌，連平常約朋友甚至同另一半拍拖既時間都未必成日有，更何況係約埋 D 相對冇咁熟既親戚！所以親戚多數一年只見一次，次次見親都多數係農歷新年。咁見得果一次又唔熟，若再加上老一輩唔係咁好「篤手機過日晨」既話，為免會出現尷尬 Dead Air，咪冇野搵野來問囉！咁長輩通常諗到乜野來問而你又多數要焗住答完佢又有得再講或再問呢？咪又係例牌果堆，「你畢業 / 出社會做野 / 拍拖 / 結婚 / 生仔 / D仔女出來做野未呀？」，「你份工點呀？好唔好做？人工好唔好 Pay 呀？」；再唔係就講 D 後生一輩唔會搭到咀既親戚八卦野。冇計架！親戚佢地唔問唔講上面果 D，唔通問你睇開乜野電視節目、睇開邊個國家既節目、玩開邊隻電腦 / 手機 Game咩，佢地都冇接觸過問完又點搭咀落去喎~~~~ 咪戥又係 Dead Air ！

不過，雖然每年農曆新年都要「被舉行新春親戚答問大會」，但農曆新年的初心就在於你每年見一班平常少見既親戚一次，親眼親耳見證到佢地仲健在， 雖然唔係個個都「熟口熟面有水吹」，但難得可以見到面，見得一次咪得一次囉，咪俾人煩幾日囉~~~~ 你地估個個人都可以「長命百二歲，年年有得見」架咩，有得見、大家要珍惜呀~~~！

讀者如喜歡這篇文章 ，可於文章最下方按下Likebutton以示鼓勵及支持（若LikeCoin用戶請先登入再按下Likebutton ，最多可按5下，而其他人士也可以了解LikeCoin及考慮是否註冊使用LikeCoin ）

而加入 LikeCoin 回饋創作者計劃，更有免費獲得coin的活動：

1. 註冊一個 LikeCoin ID (邀請人請填： tracy2018)
2. 確認已登入 LikeCoin (確認方法)
3. 點擊五下拍手(操作參考)
4. 完成後，你我都會獲得免費的 LikeCoin (可用來交換以太幣或現金)

#香港 #社會 #農曆新年 #化讚為賞 #化like為coin

之前香港政府在預算案承諾向俗稱「N無人士」津貼4000港元，但最近香港政府推出既「關愛共享計劃」，似乎有 D 弄巧反拙，不得民心。

By the way，何謂「N無人士」？

Wikipedia大約係咁寫既（https://zh.wikipedia.org/wiki/N%E7%84%A1%E4%BA%BA%E5%A3%AB）︰
「N無人士」多為收入低微的社會草根基層，由於不同原因而未能享用各種社會福利，當中包括政府對基層的援助，以及由公共機構在經濟環境不佳之時推出的為民抒困措施。

簡單直接咁說，「N無人士」就係乜野政府福利都「益」唔到佢！
一係冇車冇樓，就算有樓都只係用來自住的基層住屋而唔係豪宅；
一係冇得退稅，就算有都唔係退得好多稅；
唔係冇工做到要拎失業綜緩，亦唔係人工低到要拎低收入綜緩，但人工cover唔到開支，日日冇得溫飽但又餓唔死；
未老到退休夠期拎「生果金」，又唔係傷殘人士冇得拎傷殘津貼；

俾「N無人士」係咁嘈左好幾年，政府上年至話津貼4000港元，話下話下卒之到左今年至出到相關既政策，咁都未算，仲要連申請都好似要過幾關咁！

先講拎申請表，雖然「N無人士」可以去民政事務總署各區民政諮詢中心度拎申請表，但 D 中心都唔夠「貨」冇準備足夠既申請表俾人拎，「N無人士」平時冇受惠於福利已經慘，點知山長水遠兼分分鐘要請假去長時間排隊，諗住會有申請表拎但又得個「吉」，係「混吉」個「吉」，仲慘！

點知原來咁都未夠慘，民政事務總署各區民政諮詢中心仲要叫「N無人士」要拎表就自備白紙去佢地度等佢地幫手上網印申請表，要人地去搵間文具店去用廿幾蚊港紙買一疊一百張白紙，然後抽幾張出來去印申請表，其他果九十幾張白紙唔知做乜好，就算你想即場搵夠人團購一疊一百張白紙再每人分幾張咁分哂佢，都未必即是搵夠人啦，三唔識七鬼同你一齊團購白紙咩？

點知原來咁都未夠慘，政府諗住人地自己可以走去上網印，但政府有冇諗過，「N無人士」唔係人人家中都會有能力負擔到買電腦打印機，就算去圖書館度預約電腦去印都要同其他後生仔後生囡爭預約，仲要「N無人士」唔係人人識上網，咁你叫佢地點樣自己走去上網印呢？

咁你話，呢個4000元津貼對「N無人士」係幾咁「關愛」哩！

點知原來咁都仲未夠慘，填表也慘，果份申請表主要係要申請人填個人資料既，例如要寫︰
你叫乜名呀？
你住邊呀？你聯絡地址係乜呀？
你電話幾多號呀？
你身份證no.係乜呀？你幾時生日呀？
你戶口no.係乜同埋邊間銀行呀？
你乜野國籍呀？（唔一定要答）
你做「盛行」呀（你做乜野工架）？（唔一定要答）
剔格仔聲明你冇樓或只係有樓自住、退稅退唔夠4000蚊港紙。

大家就不禁會諗︰

其實我身份證no.係乜、生日係乜、叫乜名，呢D政府入境處一早有齊哂資料啦，點解唔去入境處拎資料呢！做乜要我特登填呢？

我戶口no.係乜同埋邊間銀行，仲有我地址係乜，呢D我影印張銀行月結單或銀行卡俾政府都見到啦！做乜要我特登填呢？仲有，你估奉旨人人都會有個人銀行戶口架，有D冇戶口有D又只有聯名戶口，若果冇個人銀行戶口果D就出支票俾，咁做乜唔統一咁全部出支票俾人呢？戶口資料都慳番唔使問啦！

既然我打乜野工同我係乜野國籍係唔一定要答，咁問來做乜，就算做統計，唔通我填「南非藉」又真係南非人咩？我填與唔填，政府係咪就可以「疊埋心水」唔同入境處拎個人資料對番國藉呢！如果唔係，咁我填來做乜呢？政府自己直接去入境處度check嘛！

剔格仔聲明果度又係，我點剔，政府係咪就可以「疊埋心水」唔同去稅局度拎資料對係咪退好少稅，政府係咪就可以「疊埋心水」唔同田土廳或其他相關部門度睇我有冇自住物業！如果唔係，咁我填來做乜呢？政府自己直接check嘛！仲有D選項既字眼點解唔到以寫直接D講重點呢？而家咁樣兜大圈咁寫你覺得低學歷既「N無人士」自己識剔到？到時咪又要搵社工幫手睇教佢地填，你電話熱線又打極唔通！

問我電話幾多號唔係唔ok，但政府D「關愛共享計劃」就長期「Jam線」唔慌搵到人啦，唔係諗住你打來我會隨時收到call呀，最後咪又係用我地址寄信去我度，問我拎電話來做乜呢？

成份申請表8樣有至少7樣就算唔使申請人填而政府都有方法可以搵到資料，咁搞咁大陣仗又咁混亂咁來要人拎呢份表、填呢份表，仲要就算填左表又怕貼郵票貼少左郵費寄唔到添（最近至話至少要貼3蚊郵票至寄到呀）……究竟係為乜呢？搞到花費左咁多人力物力，都仲未即刻津貼到人，仲差過之前上手「財爺」直接派錢（人地話哂都唔使花費咁多人力物力又唔使搞到人人勁麻煩咁填表完又仲要等）！

結果，成件事就係，為左政府「千呼萬喚始出來」俾「N無人士」果個好過乜渣都冇既4000港元津貼，「N無人士」就要山長水遠兼分分鐘要請假去長時間排隊等拎表，仲要未必拎到兼要為左有幾張白紙來俾政府部門幫你印表而要買一疊一百張白紙，然後仲要填一份可能俾唔少人覺得係「填來把撚」既申請表（因為政府有方法去拎相關資料而懶得去拎，搞到要要申請人自己拎表填完交上去），仲要等到4月申請期完左之後唔知等幾耐至正式批到呢4000港元津貼去申請人手度……咁你話，呢個4000元津貼對「N無人士」係幾咁「關愛」哩！

Anyway，香港政府剛剛話會改進一下︰

加印一百萬份中文版申請表格，分批送去派發點；增加24小時熱線由28條增加至34條；無須提交住址證明；郵資不足，寬鬆對待。

政府呢D臨時增加既措施係咪幫到手就仲未知，但今次政府俾人既感覺係，佢地似乎低估左香港既「N無人士」人口有幾多（預唔夠申請表派俾人）、低估左佢地既學歷（字眼兜哂大圈咁仲以為人人都會睇得明份表點填）同經濟負擔力（以為人人會好容易找到電腦同打印機用）！

更重要既係，政府俾人既感覺其實呢……政府係有幾了解民情同體恤民情呢？咁你話，呢個4000元津貼對「N無人士」係幾咁「關愛」哩！

讀者如喜歡這篇文章 ，可於文章最下方按下Likebutton以示鼓勵及支持（若LikeCoin用戶請先登入再按下Likebutton ，最多可按5下，而其他人士也可以了解LikeCoin及考慮是否註冊使用LikeCoin ）

而加入 LikeCoin 回饋創作者計劃，更有免費獲得coin的活動：

1. 註冊一個 LikeCoin ID (邀請人請填： tracy2018)
2. 確認已登入 LikeCoin (確認方法)
3. 點擊五下拍手(操作參考)
4. 完成後，你我都會獲得免費的 LikeCoin (可用來交換以太幣或現金)

# 香港 #社會 #生活 #化讚為賞 #化like為coin

由於《香港你、我、他》是圍繞香港的「低俗貼地」短篇單元故事，是發生在你、我、他身邊的日常，因此內容多為港式口語及粗言穢語，敬請留意。

我係順嫂，全家一齊住o係屯門舊式公共屋邨，不論係舊陣時定而家，屯門呢區俾我呢個十世都唔會點出市區既人來講感覺係好大，同埋好四通八達。

我覺得好四通八達，係因為衣、食、住、行都可以o係屯門呢區度解決。

先講「衣」︰

講到買衫，呢區真係行到你唔想行都仲得。

想要買有牌子既衫咩？可以坐輕鐵去屯門市中心同V City果一帶去行大型商場，順便行埋去後面舊式既商場 — — — 錦華花園商場。

唔介意無牌子只係買來「粗著」既衫咩？求其去區內任何一條屋邨入面的屋邨商場都有得你買，價錢質素豐儉由人。

再講「食」︰

講到飲飲食食，呢區除左食屎尿屁同食奇珍異獸之外，度度都有大把野食俾你揀，只係睇你肯唔肯搭輕鐵或港鐵巴士或用對腳去行下。

你要夠Grand咩？去屯門市中心同V City果帶D大商場一定大把唔同類型既食店過你揀。

你要夠貼地夠戶外、茶記或大排檔Feel咩？都有唔少選擇架，去三聖食海鮮又得、去蝴蝶灣BBQ又得、去友愛邨安定邨食新式同舊式大排檔又得……多野揀到你暈。

再講「住」︰

不論係租屋住定買屋住你都有唔少選擇，你可以因應你自己荷包既負擔去揀，你可以揀住新款豪宅、舊款豪宅、新式或舊式私人屋苑、新式或舊式居屋、公屋、村屋、割房等，乜都有，就算連工廠入面既割房都有得你揀，只係會唔方便同保安冇正常房屋咁好。

再講「行」︰

呢區交通真係好方便，你坐輕鐵或港鐵巴士就可以o係區內遊走超過八、九成既地方，區內離市中心較遠既地方如村屋都有小巴可以去到。你要搭車去BBQ又得、你要去行海灘又得、你要去市鎮公園行都得。

而如果你要出九龍或其他市區去玩呢？可以搭巴士或搭輕鐵/港鐵巴士再轉西鐵。

而如果你要去澳門玩呢？可以去屯門碼頭搭船。

而如果你要去內地呢？可以去坐B字頭巴士去深圳灣。

如果你問我屯門呢度有乜唔好唔方便既地方呢？我覺得除左多左好多自由行搞到屯門市中心果一帶同埋附近市鎮公園果一帶一年365日都多左勁多又拖行李箱、又冇乜禮貌既人塞住商場同埋塞住條路同埋開哂大聲喇叭唱歌跳舞係咁嘈之外，都冇乜唔好唔方便既，反正我都好少出去果頭行街買野就算去果度附近既新墟買”食送”都唔算多人到迫死行唔到，咪暫時由得佢地先囉；總之「佢地不犯我、我就不犯佢地」，香港人就係咁架啦。

讀者如喜歡這篇文章 ，可於文章最下方按下Likebutton以示鼓勵及支持（若LikeCoin用戶請先登入再按下Likebutton ，最多可按5下，而其他人士也可以了解LikeCoin及考慮是否註冊使用LikeCoin ）

而加入 LikeCoin 回饋創作者計劃，更有免費獲得coin的活動：

1. 註冊一個 LikeCoin ID (邀請人請填： tracy2018)
2. 確認已登入 LikeCoin (確認方法)
3. 點擊五下拍手(操作參考)
4. 完成後，你我都會獲得免費的 LikeCoin (可用來交換以太幣或現金)

讀者在看完這篇文章以後，若有興趣也可以閱讀其他相關的分享文章︰

#香港 #社會 #生活 #化讚為賞 #化like為coin

（為求貼地到肉，以下文章使用港式口語）

唔知大家平時出街或者返公返學有冇搭過開車程有一小時或以上既巴士呢？如果有既話，大家又有冇留意架車裏面係咪多左人會全程坐樓梯直到佢地自己落車或者上層有人落車？

小編近年因為工作需要，需要每日搭車程有一小時或以上既巴士往返市區，就發現每日都會有唔同既人因為巴士上下兩層都已經冇位坐而索性坐樓梯直到佢地自己落車或者上層有人落車；當中有內地人（大叔同大媽都見過）、南亞裔人、外國男士甚至係香港本土大叔。

你地以為巴士司機「闊佬懶理」咩？少年，你地都太年輕太唔了解佢地「啦」！小編見過巴士司機佢地唔只一次勸過D坐樓梯既人落番巴士下層企，但D人唔聽同埋一於少理，一副「放棄接受治療」咁既款，咁巴士司機佢地咪焗住「放棄治療」囉！唔通要巴士司機佢地唔開車企正樓梯口度話到D坐樓梯既人肯企為止咩，唔得架嘛，想佢地俾全車人因為趕時間而粗口問候同拍片上網咩！

或者你地會話，巴士公司加密D班次等少D人坐樓梯咪得囉！講就易，做就唔係咁易啦！同埋問題都唔關巴士班次事！

點解巴士公司唔係咁易加密D班次？巴士公司要夠巴士司機用至得架。

搭巴士同搭港鐵唔同，D人有機會兜口兜面見到個巴士司機，咁自然D人有機會兜口兜面對果個巴士司機打打鬧鬧，尤其是當搭車D人係唔理智既「怒漢」型大叔、「野蠻」型大媽，甚至係精神唔多好唔多清醒既人。

巴士司機開左好耐車之後，再埋站後去廁所大小二便，痾耐左至再開下一轉車，又有機會俾人話；

巴士司機埋站耐左少，又有機會俾人話；

巴士司機唔開遲少少剛剛遲來趕到搭車既人，或唔開番車門俾剛剛遲來趕到搭車既人，又有機會俾人話；

巴士司機開遲少少預埋遲來趕到搭車既人上埋車至開車，搞到其他趕時間既人變相遲左到目的地，又有機會俾人話；

話、話、話、話、話，巴士司機日日都有機會俾人話，人工福利又唔係特別多，仲可能分分鐘一日開車十幾粒鐘，更可能會隨時遇著郁D就出手打人既「野蠻」型大媽兼俾佢地打到差D入醫院「度假」……你以為拍戲至有呀？近期就已經有一單︰

火爆大媽狂毆巴士司機 被扯頭髮撼頭司機痛苦慘叫︰
https://topick.hket.com/article/2253664/%E7%81%AB%E7%88%86%E5%A4%A7%E5%AA%BD%E7%8B%82%E6%AF%86%E5%B7%B4%E5%A3%AB%E5%8F%B8%E6%A9%9F%E3%80%80%E8%A2%AB%E6%89%AF%E9%A0%AD%E9%AB%AE%E6%92%BC%E9%A0%AD%E5%8F%B8%E6%A9%9F%E7%97%9B%E8%8B%A6%E6%85%98%E5%8F%AB

巴士車長被摑扯髮 警通緝兩惡「大媽」︰
http://hd.stheadline.com/news/realtime/hk/1413231/

【欺凌車長】搬行李碰撞爭執 國語大媽愉景灣狂扯司機髮撼頭埋窗︰
https://www.hk01.com/%E7%AA%81%E7%99%BC/283788/%E6%AC%BA%E5%87%8C%E8%BB%8A%E9%95%B7-%E6%90%AC%E8%A1%8C%E6%9D%8E%E7%A2%B0%E6%92%9E%E7%88%AD%E5%9F%B7-%E5%9C%8B%E8%AA%9E%E5%A4%A7%E5%AA%BD%E6%84%89%E6%99%AF%E7%81%A3%E7%8B%82%E6%89%AF%E5%8F%B8%E6%A9%9F%E9%AB%AE%E6%92%BC%E9%A0%AD%E5%9F%8B%E7%AA%97

咁你地叫巴士司機仲點會好聲好氣呀，有時你地搭車好彩仲會聽到巴士司機燥底到會細聲爆「粗口」添！唔係講笑，小編唔只一次搭巴士見識過！

有D巴士司機若然更唔好脾氣，仲會引發交通意外架！2018年2月就已經有一單交通意外係因為巴士司機疑似故意撞車，仲好似係香港史上第二嚴重既巴士事故添呀！

唔信？大家不妨睇番以下既新聞報導回顧一下︰

兼職車長與客爭吵發脾氣 意外後只顧WhatsApp 留言「聽朝會報紙A1」︰
https://hk.news.appledaily.com/local/daily/article/20180211/20302145

死亡九巴：乘客狂插車長發脾氣 「揸到似舞龍」︰
https://hk.on.cc/hk/bkn/cnt/news/20180210/bkn-20180210200320562-0210_00822_001.html

車長出事前疑與乘客爭執 發脾氣開快車︰
http://news.wenweipo.com/2018/02/11/IN1802110003.htm

香港奪命巴士19死 疑司機賭氣超速釀禍︰
https://news.tvbs.com.tw/focus/869781

香港雙層巴士翻覆案19死65傷 乘客：司機好像在賭氣︰
https://dq.yam.com/post.php?id=8825

唉，一份咁吃力不討好既工，仲邊有新人肯入行呢？除非為左好深既愛同埋為左好深既責任囉！咁冇新人肯入行可以點？咪D舊人（現職巴士司機）一更開越來越多鐘數頂硬上囉，然後捱到開車冇精神增加撞車交通意外風險囉！冇計架，佢地唔開車，唔通你地去開車咩？

點解問題唔關巴士班次事？

咪玩啦，俾盡每隔3分鐘一班巴士好未？類似既「坐樓梯」事件都係會時有發生架！因為香港流動人口只會不斷增加，除左香港人仲會有大量內地人、大量南亞裔人同其他外國真、假難民、仲有外國居港人士及外國遊客，只要佢地嫌貴夾轉車唔方便而唔去坐港鐵，咁自然係去迫巴士啦，咁搭巴士既人只會有多冇減，咁就算加得再密都唔會點樣疏導到迫車情況。

同埋最重要既係，只要架巴士上下兩層都冇位坐，而D人又唔想企住搭車，咁佢地自然會坐樓梯，甚至坐巴士下層既地下！好出奇咩？小編見唔少內地人咁樣坐地下坐巴士啦！

所以問題唔係好關巴士班次事，而係睇搭巴士D人有幾勁腳骨力、有幾勁毅力去企足全程咁滯、同有幾文明幾有品！唔係既話，佢地話之你地話佢咁坐會增加炒巴士風險啦，不於少理照坐樓梯坐地下，真係出事再算！

以後大家出街或者返公返學搭D開車程有一小時或以上既巴士果陣，就留意下架車裏面係咪有人會全程坐樓梯直到佢地自己落車或者上層有人落車啦！無他既，有留意咪有D野會有心理準備囉！

讀者如喜歡這篇文章 ，可於文章最下方按下Likebutton以示鼓勵及支持（若LikeCoin用戶請先登入再按下Likebutton ，最多可按5下，而其他人士也可以了解LikeCoin及考慮是否註冊使用LikeCoin ）

而加入 LikeCoin 回饋創作者計劃，更有免費獲得coin的活動：

1. 註冊一個 LikeCoin ID (邀請人請填： tracy2018)
2. 確認已登入 LikeCoin (確認方法)
3. 點擊五下拍手(操作參考)
4. 完成後，你我都會獲得免費的 LikeCoin (可用來交換以太幣或現金)

#香港 #社會 #生活 #化讚為賞 #化like為coin