在某年11月13日至11月30日, 去左日本18日, 諗住睇紅葉, 除左去左d”大路”地方如東京, 京阪神, 奈良之外, 仲同朋友去左九州, 中間有一個人四圍行既時候, 亦有與伴同行既時候

係呀, “又”係去日本呀, 唔少人都問我, 點解成日去旅行都去日本唔去第二度, 點解有時都要獨處好寂寞無聊咁呀~~~

我鐘意去旅行, 一來因為我想去一個”我聽唔明人地講乜, 而人地聽唔明我講乜”既地方, 因為做乜都唔使理其他人點睇, 只需在乎自己點睇; (但不是去胡作非為) 二來係因為去旅行會令到我可以唔使好似平時咁考慮太複雜既野, 只需好簡單咁考慮每日大約要去邊幾度玩, 然後再隨機應變轉plan, 雖然中途有唔少地方或見聞可能同想像中有落差, 但就係因為呢d落差, 可能會引發出一些意外驚喜

而我鐘意去日本, 有少部分原因係因為我鐘意睇日劇同日本組合Speed, 所以鐘意去日本旅行一下; 而大部分既原因, 可能係同我第一次去日本既經歷有關

呢個經歷要講番我上年4月既第1次日本旅行, 當時我係人生第1次去外國旅行, 因為要靠自己賺錢用自己既錢去旅行, 所以廿幾歲人至第1次去外國, 當時第1日到果度, 人生路不熟, 唔識講兼唔識睇日文, 就在我當時企o係火車同地鐵賣票機望住路線圖諗緊點買車票果陣, 有一個素未謀面既日本女仔, 佢見我on居居一丁友, 居然主動走來用日文問我有乜野佢可以幫到我, 當時我雖然唔識聽佢講日文, 但從佢既身體語言get到佢想幫我, 但我唔識用日文答佢, 唯有用爛英文同佢講我唔係日本人唔識日文

當時我心諗, 聽完我咁講, 果個女仔應該都唔會理我了, 點知, 佢聽完我講英文, 居然試圖用英文同我溝通想睇下有冇野幫到我, 最後仲向佢男友求救同我講英文睇下有冇野可以幫到我, 佢男友英文好少少, 當佢地知我唔識點買車票去hostel附近果個車站, 佢地就即刻教我點用賣票機, 然後仲帶我去車站月台, 仲因為順路同我一齊搭車tim~~~

全程車, 我都用英文或少少爛日文同佢地chat, 其實係佢地知我第1次去日本乜都唔識好緊張, 主動搵話題同我chat, 佢地應該係兩公婆, 另外仲有佢地兩位既媽媽, 四個人剛剛由上海去完旅行番日本, 我仲同佢地講我會去日本邊度玩, 幾多歲, 做邊行; 而最重要既係, 過程中我久唔久就流露出我第1次去旅行要獨處的擔心, 但果個女仔不斷同我講”大丈夫”(日文”冇問題, 冇事既”咁解), 仲同我講”su哥而” (話我要獨處都敢去旅行好勁), 唔知點解, 平時呢兩句我覺得好hea聽到唔會太上心既野, o係果一刻, 聽完產生左少少安全感同安心左少少 ~~~

之後佢地仲好詳細咁講我知, 我hostel附近有d乜野車站, 有supermarket, 仲講我知由hostel可以點轉車出市區玩, 之後去中途轉車站, 佢地仲好好人咁帶我到要轉線既月台, 仲幫我”meat”走我揹在背後backpack上面既飛機寄艙招紙至走~~~

就係因為呢個經歷, 令我對日本有一種情意結, 之後每次去旅行都諗去日本先~~~~ 因為每次去日本, 間中都會有日本人主動來問有冇野要幫手, 甚至會主動出手幫忙 (除左幫忙dig大行李上落樓梯…=.=)

好~發表完大家可能會得無聊既旅行”偉”論(可能在大家眼中係歪理)之後~唔少朋友都可能好奇我今次去日本又做左乜野呢~~留待下回分解

P.S. 身處日本果陣, 睇日本新聞話十月打過大颱風之後, 打傷左日本d楓樹, 仲要話冇上年咁靚, 另外, 今年既紅葉唔知點解遲左大半個月去到十一月尾至開始變到全紅, 果陣我已近日本旅行尾聲見唔到全紅既紅葉景, 反而見到好正既銀杏樹黃葉景~~ 

讀者如喜歡這篇文章 ，可於文章最下方按下Likebutton以示鼓勵及支持（若LikeCoin用戶請先登入再按下Likebutton ，最多可按5下，而其他人士也可以了解LikeCoin及考慮是否註冊使用LikeCoin ）

而加入 LikeCoin 回饋創作者計劃，更有免費獲得coin的活動：

1. 註冊一個 LikeCoin ID (邀請人請填： tracy2018)
2. 確認已登入 LikeCoin (確認方法)
3. 點擊五下拍手(操作參考)
4. 完成後，你我都會獲得免費的 LikeCoin (可用來交換以太幣或現金)

#日本 #旅遊 #遊記 #Travel #化讚為賞 #化like為coin

1/10

經過之前一晚”颱風17的洗禮”同”hostel staff的恐嚇”之後, 都好擔心呢一日會bad weather….

好彩地, “颱風17″只係掠過日本, 呢一日已經走左la~~~ 不過為免再做”落湯雞”, 都係近近地去銀座hea影下先, 銀座早上除左返工一族在街上之外, 都冇乜其他人行, so好快hea影完就轉場去築地市場開餐~~~果度就多人咯~~~由車站沿路去築地市場都有唔少遊客, 因為我聽到d人講廣東話, 英文, 台灣話, 韓國話同強國話

我在成個場周圍”貢”勻哂之後就去左一間小店度食dinner, 叫左一個魚生飯, 碗飯唔係好大碗, 但我食左之後, 飽到連夜晚果餐都飽到慳番唔使食, 堅講真係好飽~~~

之後見依然陽光普照, 咁就去左台場度睇海景同行商場window shopping, by the way果度個高達真係好大件 :P, 不過我唔識欣賞呢d “男人的浪漫” — 高達動漫 :P, 得左個幾鐘, 就走左去東京鐵塔度睇東京全景la ~~~ 果度個景真係幾正架~~~如果你未去過skytree的話你會咁諗 :P, 但如果你去哂skytree同東京鐵塔, 你會發現其實d景都係差唔多, 反正我就係咁覺得了 😛

之後就”搵自己笨”, 一連去左”行街”, 去左行表參道, 青山同原宿一帶, 都係window shopping, 同感受下果度晚上既街景, 不過個人覺得, 表參道同青山都同銀座一樣有好多名店, 都係啱OL去行多d :P, 反而原宿就比較大眾化, 不論日夜都多人行 XDXD

全日行街街之旅完滿完成, 希望其餘兩日都係好天啦~~~ ^^

2/10

呢一日唔知點解, 唔使鬧鐘響就勁早自己自然醒, 反正d shops都未開門, 就決定遊下車河, 去坐下東京最古老既電車 — 荒川電車~~~如果你本身唔趕時間, 都可以做下呢個幾悠閒活動, 不過個車站好隔slip, 我找左好一陣子至找到…=.=

之後一口氣去左池袋, 代代木公園, 涉谷呢三道地方, 池袋只適合去shopping掃貨既人, 對我呢個唔愛shopping既人來講冇乜吸引力 :P, 反而代代木公園間中有roadshow有年青地下樂隊唱下歌仔我就有少少興趣留多一陣聽下歌, although唔知佢唱乜 :P, 之後就由代代木公園搭車去涉谷度食”一蘭拉麵”, 因為之前在代代本公園行路來回涉谷, 上落長命斜, 行死人咁滯, so最後番去涉谷果程點都要搭車, 唔係行到腳斷都似 😛

唔好講少, 涉谷下午放學放工時間真係超級多人, 在十字路口一路望去, 除了人, 還是人, 迫爆十字路口, 多人都好似身處迫爆既紅館咁 :P, 最搞笑係, 路中心有個貨Van仔用日文唱衰中國, 因為fishing island issue, 但冇乜人理佢, 個van仔都係留左一陣就消失左 :P, 呢個亦係我日本成個7日旅程唯一見到既反中事件 😛

之後四點幾五點, 去左六本木度諗住行下六本木公園, 因為之前睇書話呢個公園好大同埋可以訓下草地休息下, 所以想去訓一陣 :P, 不過唔知係咪我唔識行, 我發覺個公圍好細唔係書入面張相咁 :P, 唯一有d印象既係果隻大spider雕像 :P, 去到入夜, 就去左上野車站附近既旅遊街度dinner 同行下, 不過可能佢地太早收舖, 我去到七點幾八點, d shops都已開始陸續收爐了, 咁我食完行一陣都返hostel訓覺準備第二朝走人了

3/10

今日諗住7點幾起身起程搭車去機場, 最遲十一點半要到機場check-in, 諗住咁早搭車實冇死啦, 點知….去到車站, 撞正返工peak hour…..我拖gip一抽二”lun”咁款當然係等左幾架都上唔到車啦, 於是就諗住坐後兩三個站兜遠少少咁搭車啦, 點知都係勁迫, 不過都夾硬slip到入去, 不過全程係俾前後左右夾住凌空離地咁企囉, 仲要我見到隔離企我冇幾遠既姐姐仔俾附近既人夾到連塊面都睇唔到, 抖唔到氣果隻囉 😛 XDXD, 不過當時我趕頭趕命冇心情笑, 之後返HK每次諗起都有少少覺好笑 :P, 中途我仲差d俾人迫到差d PK在車上, 好彩最後都冇PK到, 不過可能撞到一個日本女人俾佢怒睥, 咁我份人咁”有禮”當然梗係”回禮式”咁好串咁睥番佢啦, 果一刻我第一次覺得日本人乞我憎  😛 , 好彩之後再去日本都冇乜類似的不快事件發生, 呢個都未算慘, 最慘係d路線亂到我暈, 雖未知於搭錯車, 但每次轉車都要搵一陣至搵到要轉乘既月台….

好la, 輾轉咁去到新宿車站….諗住搭機場快線啦, 但反轉成個新宿車站咁滯至找到個指示貼在一條柱背後好唔當眼既地方, 真係”俾鬼睇咩~~~!?”, 算!? 咁諗住快快手咁落月台啦, d班次疏到要等大半個鐘至有下班車, 趕唔切, 咁就唔搭快線搭其他去機場既路線啦, 真係黑開有條路, 架車唔係好快, 搞到我越坐越worry趕唔切, 之後決定中途跳車冒雨飛的去機場, 飛的既代價係, 盛惠JPN$12000, 冇錯!? 係 JPN$12000 !? 係我成個日本7日行程最貴既開支~~ > ~ <

我中途在車上用好爛既日文加埋指手劃腳咁問司機大佬”Airport, 大丈夫?”, 當時佢fing頭, 我已知道趕唔切好沮喪了, 司機大佬見到我咁, 佢好好人, 佢即刻開turbo飛車諗住幫我搏下盡量趕得切去機場, 全程我間中會聽到佢因為超速而trigger到佢架車既warning system係咁”b~~b~~”響 ~~~ 雖然…最後我十一點半~~過左三分鐘~~~至到機場, 趕唔切, 但都好感激個司機大佬為左我呢個只係見一次既外地客而超速飛車, 不過…如果可以收得平d就更加感動啦 😛 😛 :P, 可惜真係太貴la….

之後諗住”唉…..今次要重新買過一張機票la….Orz…”, 好彩地, 因為我今次搭國泰, 佢全日唔知一班機飛HK, so我miss左第一班機, 只要加幾百蚊港紙, 就可以搭下一班機返HK, 於是我就等左個幾鐘等佢counter開就九秒九去補錢買機票, 然後在機場四圍”貢”hea下, 最後更加hea用機場電腦上網, 不過每十分鐘JPN$100…, 而機場出面既雨, 一直都未停過 ….

最後在日本四點幾上機, 返到HK八點幾, 在機場食完野就搭巴士返屋企, 真係攰到冇朋友, 成個人散哂, 即刻沖完涼吹完頭就上床訓了, 後來發現原來走果日搭車果陣碰撞間整親對腳, 有幾撻瘀傷 😛

唔知點解, 去左兩次日本, 每次去親都會有sudden issues發生o係我身上, 仲要係”黑仔”果隻issues….唉…真係唔該哂~~~!?

過一排我會同老mum去日本玩, 今次係我第三次去日本, 因為係老mum極力要求要在佢隻腳仲未勞損到行唔到路既時候同佢去一次日本睇花, 咁啱coming三月尾至四月頭多紅日可以有多d空間去耐d, 22/3晚飛, 去到7/4清晨返到HK, 前後玩15日, 先後去和歌山, 名古屋, 大阪, 奈良, 神戶, 宇治, 京都, 東京, 目的主要係睇花, 其次係sightseeing :P, 不過都未必夠時間玩哂咁多度地方既所有我覺得值得去既景點, 尤其是老mum對腳係唔可以好似我咁勁趕路mode ge, 同埋如果要佢勁趕路, 佢會變左去日本係”受難”多過”享受”, so到時盡量慢慢行, 去得幾多景點得幾多啦 XDXD

讀者如喜歡這篇文章 ，可於文章最下方按下Likebutton以示鼓勵及支持（若LikeCoin用戶請先登入再按下Likebutton ，最多可按5下，而其他人士也可以了解LikeCoin及考慮是否註冊使用LikeCoin ）

而讀者在看完這篇文章以後，若有興趣也可以閱讀其他相關的分享文章︰

#日本 #旅遊 #遊記 #Travel #化讚為賞 #化like為coin

29/9

呢日既行程我個人覺得係”失手勢”既…

呢日我全日既行程係去左一個地方 — — 甲府昇仙峽

由箱根hotel出發去甲府昇仙峽, 單程都要四個幾五個鐘….最慘既係諗住搏佢開左紅葉, 因為之前睇旅遊書話九月尾開….點知行哂全程, 一條紅毛都搵唔到, 唔好話紅葉la…原本諗住行完呢度會有時間去高尾山…最後都係去唔到之餘, 臨尾五點幾在甲府走, 要十一點幾至搭到返箱根湯本車站, d巴士又下午六七點已尾班車, 搞到要在車站”飛的”返Hotel, 仲差d搞到過左hotel門禁冇得入咁滯…=.=

不過如果鐘意行山睇奇石同睇樹木既, 而又唔怕單程都要四個幾五個鐘既, 呢度會係一個錯既choice, 不過我當時行行下見到”熊出沒注意”告示都冇少少scared 😛

以為呢一日行程”失手勢”已夠黑仔啦….點知之後果日仲黑仔…=.=

30/9

呢一日係農曆八月十五中秋節, 我一早就在hotel check out 左, 之後搭車去箱根湯本車站找locker放行李, 諗住later返東京時至take out, 呢日上午都好陽光普照既, 所以我又好似第一日在東京咁, 去左行公園, 第一日落機上午去”新宿御園”, 入面有乜人行, 呢一日上午行”箱根恩賜公園”, 又係冇乜人行…..不過在公園上面遠眺箱根盧之湖個view幾正架 XDXD 不過唔知點解, 公園上面個涼亭會有一班人”一字排開”咁訓覺 :P, 之後去左箱根”關所遺跡”度”到此一遊”, 同行箱根既”並木杉道”, 之後就塔車去箱根溫泉樂園度浸溫泉了

個人認為, 入面似係一個swimming pool多過溫泉場所, 因為有好多一家大細帶埋泳鏡水泡去swimming :P, 不過因為入面有好多唔同type既溫泉池, so我試哂咁滯至走 :P, 試左紅酒池, 日本清酒池, “死水”池(會令到成個人點都浮起既勁鹼水既池), 我仲要唔小心成個人”反艇”, 搞到”la”到對眼好痛睜唔開十幾分鐘… :P, 仲吞左兩啖”死水”, 真係”la”到有想死既感覺…可惜冇得帶水入去飲, 而果度既食用水又幾貴, 就唯有忍耐下了 😛

overall在溫泉玩左個幾鐘, 走果陣見出面個天開始黑同下大雨, 當時睇錶係當地時間十二點三左右….咁咪諗住快d搭車去箱根湯本車站度食lunch再搭車去御殿場outlet囉, 果陣諗住只係過雲雨….點知我食完野d大雨都一直係咁落, 冇停過亦冇雨勢減弱過….都打定輸數睇唔到富士山了….不過都諗住搏下去下outlet…點知…..我在車站搭車去轉車站, 一個人好kai咁在轉車站等左大半個鐘…去outlet架公車都冇照原定班次出現, 都等到又down又冇mood…咪唯有搭巴士返箱根湯本車站take行李再搭火車返東京囉…因為果陣已經知道趕唔切去御殿場度用箱根周遊pass搭長途巴返新宿la, 亦已give up左唔咁做, 在箱根車站下車之勢….個司機同我講左一大堆日文, 我只估到佢話尾班車就開, “大丈夫?” (日文”有冇問題?”), 我都奇怪點解尾班車咁早開…但都應左佢”大丈夫~~”就下車take行李, 入到車站就即刻見到尾班車去新宿就開, 九秒九一抽二”lun”咁急跑過去上車….好彩趕到咋….=.=

之後一路在車入面見到出面都係橫風橫雨…之後再睇車內的電子告示板, 至知”Typhoon №17″打到來日本, 搞到火車陸續提早”收爐”…=.=, 頂!? 六合彩又唔見我中, 中秋節打風又關我事!? 😛

之後去到最近我在東京住的Hotel果個車站果陣, 已經九點幾十點….在日本買果把長遮已經一出車站冇耐就吹爛左 (呢個好正常, 因為日本唔知點解下下一大風都會吹爛遮, 仲要周圍見到爛遮殘骸在路邊 :P), 之後就”懶”型咁, 其實係勁”火羅”咁…, 在颱風下大風大一抽二”lun”下拖gip咁上路去hotel…點知去錯左hotel…仲要由間hotel既staff俾地圖我去搵番我真正book果個hotel…本身個staff提議我去搭的士, 但一路所見, 的士車尾都見唔到一個….唯有自己行過去了…..天黑黑, 橫風橫雨, 仲要成條街得我一個咁上路…中途見到一兩個疑似”short”左自言自語既外國人, 一路scared一路唔理佢自己keep on moving…短短十五分鐘既路, 中途反gip幾廿次行左成五十分鐘至去到….我最後仲要好型咁將”渣”到又爛又濕既地圖紙同自己既行程紙飛左落地至入去 [呢個錯誤示範大家唔好學], 諗住有理冇理都向d staff發下脾氣 (因為之前去錯左間hotel’s staff打過去問佢地可唔可以找人去接我呢個唔識路既遊客, 佢居然叫我自己截的士過去!?) 點知一去到, 見到個Staff係”六張幾”既女人, 仲要九秒九咁在counter衝出來問我呢個”落湯雞”有冇事…

而最重要一點~~~係我見到呢間hotel係有lift ga~~~!!! Lift對住拖gip一抽二”lun”既人來講好重要架, 尤其是當你見識得多冇lift得樓梯既hotel同車站, 自己要”的”住個gip同時又拎住其他野上上落落幾十級樓梯幾十次既人來講, 當然包括我啦!!!

果下我直情條氣順左好多, 不過個staff話evening果陣聽天氣Report話個typhoon第二日仲要打落去…..我心諗: 下…咁我第二日咪冇得出街去…? =.=

不過唔理了….成身濕到可以”渣”到成桶水出來…即刻去take a bath….take完返房check下個gip入面d野整濕左幾多…=.=, 好彩~~~只係個notebook bag入面d野get wet, 仲係可以抹番乾淨果隻 XDXD, 而個gip防水力強, 入面d野一D事都冇, 連notebook都冇因為反gip幾十次而撞hang :P, 不幸中之大幸 😛 之後折騰左成日damn tired, 就火速去sleep了

估到再之前既中秋同朋友在台南墾丁死過翻生…今次中秋自己在日本連番折騰~~~天呀~~~why me !? ~~~ 😛

讀者如喜歡這篇文章 ，可於文章最下方按下Likebutton以示鼓勵及支持（若LikeCoin用戶請先登入再按下Likebutton ，最多可按5下 ）

而讀者在看完這篇文章以後，若有興趣也可以閱讀其他相關的分享文章︰

#日本 #旅遊 #遊記 #Travel #化讚為賞 #化like為coin

果日一早就由東京hostel出發搭車去新宿車站, 由南口行左一天段路去西口買箱根周遊pass, 個staff可以講爛英文, 但好串囉…..原本買左pass係臨尾要去御殿場outlet搭車返新宿既, 但幾日後因為天雨關係去唔到搭車…呢個要下回分解了…

買左車飛之後就即去搭長途火車去箱根了, 點知坐左之後車長check飛果陣至知上錯左架要加錢既車, 無奈加左錢之後就去左另一卡車廂坐, 當時前面有幾個HK人chating

一到箱根, 天氣好好, 但我一抽二”lung”咁好唔方便, 於是就即刻搭巴士去B&B Pension Hotel了, 不過冇直車去, 要轉車, 仲要辛苦咁拖行李上斜找車站….好彩唔係行左好耐jei, 之後一到Hotel因為未到check-in time, 即刻同佢講要行李寄存,之後就在箱根周圍遊了~~~ ^^

我先坐巴士返箱根湯本車站, 再搭上山火車去早雲山, 車上有好多Korean, Taiwanese/強國人, 之後冇cable car可以坐去大涌谷果邊, 沿途d景都ok ga, o係大涌谷果度, 見到個死火山係咁bill煙~~~勁多人影相, 之後就食左果度既”大涌谷黑雞蛋”, 話食左會長壽七年, 都係吹水咁吹啫, 不過果度冇水買, 我果日冇自備水去開餐…..食到喉嚨有少少痛 :P, 不過夠頂肚當lunch

之後就慢慢行落去搭cable car去桃源台, 去果度坐海盜ship遊盧之湖~~~ 架ship幾靚架, 在ship上沿路風景超級正, 去箱根一定唔可以錯過架~~~ XDXD, 坐ship到箱根町, 果度我只去箱根神社, 中途經過水中鳥居, 但因為我唔想對腳”let’s get wet”, so冇行到落去, 而箱根町其他景點no interest冇去到 😛

晚上搭番車去番箱根湯本車站, 好似早上咁搭車去Hotel, 中途等車無聊, “到此一遊”咁影左第二日會去既溫泉樂園門口個logo (因為係在果度門口轉free stubble 去hotel的) 😛

讀者在看完這篇文章以後，若有興趣也可以閱讀其他相關的分享文章︰

#日本 #旅遊 #遊記 #Travel #化讚為賞 #化like為coin

前序 某年九月二十六日

前一晚執好一箱行李後, 晚上收工回家食完dinner就出發去機場等到半夜飛去日本了, 今次又是有”萬能既家中大內總管”送我都車站, 之後去到因為十點幾, 要坐足個幾鐘才可以入閘,唯有坐低hea下 la, 之後入左閘因為又未有耐上機坐, 就係咁facebook同call朋友吹水啦~~~

某年九月二十七日

到了某年九月二十七日, 人在機上果陣, 唔知點解, 好似訓下醒下咁, 唔係訓得好好, so之後六點幾七點到日本之後, 但唔係咁精神, 仲要在火車上訓左一陣tim :P, so果日已經唔會太chur咁去行景點, 反正火車係去到新宿, 咁咪行下新宿先囉 ~~~

第一站 — — 新宿御苑

呢個king size 公園, 如果有櫻花同紅葉睇既日子會係一個好正既景點, 不過, 因為我去果陣乜都冇, so真係一個green到爆既公園only~~~, 冇乜人行, 只有零丁老人家行同埋一些媽媽帶佢地”未夠秤”讀幼稚園”既仔女入來公園行, 不過對於我晨早流流唔太好精神既人來講在呢度hea下都ok ge~~~係悶左少少jei 😛

之後去左歌舞伎町, 係!, 我係日頭無厘頭咁行歌舞伎町, 因為晚上一丁友既話會唔太想行 :P, 不過果日人煙稀少, 街上除左一兩個”爸爸生”級既大叔週圍Beer人之外就冇乜人行了, 咁我就唯有留意d poster睇下有乜睇啦, 嘩~~~真係……唔知係因為歌舞伎町係牛郎專區, 所以d女性吸引男士既poster俾我地祖國既”北方佳麗”差少少, 反而d動漫情色poster有睇頭d, 不過因為我想趁附近冇人諗住影相果陣, 俾”爸爸生”離遠不友善地beer住, 影唔到相就走左了 😛

之後去左新宿都廳睇日本東京wide view, 留左好耐咁睇景, 不過之後幾日睇得多, 後期對上塔睇景已沒有咁大passion了….再之後去左淺草雷門寺, 呢度係全日行程既其中一個亮點, 因為都幾多野睇, 同幾多人去, 不過冇買野意欲 😛

最後去左Skytree (晴空塔)睇東京黃昏至晚上既景色, 好靚架~~~ 由上面望落去d街燈同著燈既buildings既feels都ok正架 ^^, 睇左一輪之後就落番去Skytree附近的food shop開餐食拉面for dinner la ~~~ and then拿拿淋塔車番hostel了, 跟手第二日就入左箱根玩了 XDXD

讀者在看完這篇文章以後，若有興趣也可以閱讀其他相關的分享文章︰

#日本 #旅遊 #遊記 #Travel #化讚為賞 #化like為coin

呢兩日因為在同一度地方sightseeing於是一齊寫了

第六日早上, 因為突然當地時間六點幾醒左訓唔番, 於是就出發去遊大阪了, 因為我上午重點既大阪城天守閣要八九點至俾人入去, 於是就去左中之島公園行下運下吉了, 果度係我繼神戶港之後見到既又一個大笪地地帶, 上午好多攤檔都做緊開檔準備, 作為休閒公園佢都夠哂大ge

之後見冇乜野行就出發去左大阪城天守閣了, 天守閣作為日本古堡之中算係外型我最buy的, 上到係望到大阪城公園既四周, 其實唔係好多野睇 :P, 最搞笑係, 因為當時人迫得滯要用單手影相, 之後隔離有一對日本夫婦唔知係咪覺得我影得ok, 佢地居然唔搵身邊既國內日本同胞幫手, 而叫我幫佢地影相, 果下都幾surprise ga, 最後我用日文講”一, 二, 三”去幫佢地影相 😛

之後去番中之島公園閒遊兼掃街食lunch, 果度都算幾多野睇架, 不過如果當時天氣好d就更好了, 因為係咁毛毛雨同勁陰天囉….

而第六日最後一個重點就係”步行街連環遊”了, 遊完中之島公園之後就殺落去行心齋橋筋, 難波, 黑門市場, 由兩點幾三點, 行到七點幾八點至走, 行到腳都斷咁滯, 不過都買左頂帽同my favourite concert DVD, 返到我落腳hostel之後, 我既”私家11號巴士”, 好勁抽, 係”好勁咁狂抽筋”囉, 真係唔該哂 ~~~ =.=

第七日

最後一日 (其實得番半日), 去左梅田city天台既瞭望台都睇大阪市, 個360度景好正, 不個呢個景點都幾僻下, 都唔係咁易行到過去, 之後臨尾去左梅田商場地下步行街同梅田食街度行同食lunch, 最後返hostel執野去airport走人了, 真係有d唔捨得日本,當時真係諗住下一年有機會再去日本, 去京阪神又好或者去日本第二度都好 XDXD

讀者在看完這篇文章以後，若有興趣也可以閱讀其他相關的分享文章︰

#日本 #旅遊 #遊記 #Travel #化讚為賞 #化like為coin

呢一日又係當地時間七點左右起身, 之後就起程搭火車去神戶一日遊了

神戶本身有一架好特別既Cityloop bus, 係可以買一日票行遍全神戶景點的, 只要下車時要買一日票就得了, 幾抵架

一開始去左一個細細地既工作坊行左一陣, 之後諗住去行北野異人館果邊d有外國特色既houses, 但點知佢無啦啦無左北野異人館個站, 搞到我o係原本北野異人館之後果個站”布引公園”落車, at that moment, 因為我人生路不熟, 又唔識用日文問路, 於是就走去坐cable car上山行下”布引花園”了, “布引”係日文”瀑布”咁解, 不過在cable car上一見, 個瀑布同水灞都唔係好大jei 😛

布引花園係一個high tea好景點, 因為果度會俾到人一陣可以好free咁嘆tea欣賞神戶景既地方, 又有一個小型香水museum可以行下, 不過布引花園唔係好大, so我一個鐘左右行完, cable car來回盛惠1400yen, 臨走時門口的staff都認得我出奇地用日文問: 乜你咁快行完架la? :P, 冇計, 個場細而我又行得太快了 :P:P:P

之後搭番Cityloop bus諗住在車上再諗下一站去邊度行, 點知架車在新神戶火車站門前大塞車~~~!? 點塞車法? 你可以imagine下, Cityloop bus相隔十幾至三十分鐘一班車, 當你在車上等塞完車果陣, 見到前面冇幾遠有一架Cityloop bus未走到, 而後面好快跟手有兩架Cityloop bus在不遠處在隊尾”塞車ing”, 我當時情況就係咁了, 仲要得我一個人坐車, 因為我上車果陣全車人在布引花園落左車了

塞左大半個鐘, 終於去到神戶港了, 我先上去神戶搭度睇下神戶景, 原本應該夜晚去神戶港仲正既, 不過, 因為我唔想太夜番去旅館, so日間去sightseeing, 之後在神戶港度周圍度, 果度地方好大, 係好有規模既大笪地, 因為果日有好多攤檔, 有d檔主仲成架van仔泊在大笪地度全家大細賣野tim ga ~~~ 果度仲有個露天大food court, 不過因為太crowd冇去到食野, 最unforgetable係由神戶港去附近一個大shopping mall果陣, 中間在露天廣場有一個外國人做街頭表演, 佢既表演精彩就唔使講架la, 佢最attractive既係佢好識搞氣氛同爛gag, 仲要佢d日文係好鬼流利, 流利到native japanese咁, 果下至shock嘛, 就係因為咁, 我停低睇左佢半粒鐘 XDXD, 之後再shopping mall入面行左一陣, 冇乜野睇, 就走左去搭車去北野異人館了

北野異人館果度好多唔同國家特色既houses, 真係目不睱給, 不過沿路的亡命斜仲攞命, 我全程行左個幾兩個鐘, 慘過行山咁行完野人館之後開始冇乜energy兼”怒火街頭”, 真係命都俾埋佢咁滯 😛 (請原諒本人身子實在太”虧” =.=) , 之後在北野異人館Cityloop bus車站等左五分鐘, 至醒起呢個站今日stop service, 之後睇番bus stop notice真係今日唔經呢個站, 於是又要行一段長亡命斜去原本上來既車站度等車去神戶唐人街掃街食野了, 果度d野食真係又好食又抵食, 中途在唐人街廣場度等買野果陣, 有位日本婆婆指住兩個”請請”中國娃娃人像同我用日文講: 這個用中國話講是”謝謝” (“謝謝”佢係用putonghua講架~~~ XDXD), 咁我就用日本同佢講: hai, ai li ga dor (是, 謝謝) 😛

掃完街仲有少少energy, 就行埋神戶步行街至走, 返到去旅館都九點幾了, 果陣對腳係行到勁抽筋勁痛勁唔屬於我了 :P, 好在~~~所有京阪神之旅我已經去左京都, 奈良同神戶了, 剩番兩日就留番在我旅館身處既大阪度sightseeing了

讀者在看完這篇文章以後，若有興趣也可以閱讀其他相關的分享文章︰

#日本 #旅遊 #遊記 #Travel #化讚為賞 #化like為coin

前一日幾乎全日在嵐山渡過, 而呢一日就周圍去幾度地方了

唔講唔知, “黃金周”並不是”強國人”的專利, 在日本都有”黃金周”, 不過日本既”黃金周”比較特別, 特別在佢夠”ka la”, 先放四月廿八至三十日, 之後五月一至二日要返工, 然後再放五月三至五日, so前一日同呢一日在車站搭車都超多人,尤其是好多清一式”黑老西” (著黑色西裝外套的男白領)同清一式在車上坐低化”行”庄的OL, 在車站同車廂人迫人既程度, 你會覺得身處平時繁忙時間既香港車廂咁

呢一日, 唔知點解, 突然好早就起身, 醒果陣只係當地時間六點幾, 跟住我就好慢條絲理咁梳洗出發去京都銀閣寺了, 經過前兩日在京都車站搭車的經驗, 我去到京都站已好快咁找到我需要搭車既車站了, 之後就一路坐到銀閣寺落車

其實呢幾日真係乜都唔使諗只係日日粗略plan下一日想去邊度再到時自己執生 re-schedule, 真係好enjoy, 如果佢唔係日日落雨, 我會更enjoy, 去日本果六七日, 除左到達同離開日本果兩日之外, 日日都落雨, 落雨都唔重要, 仲要勁大風咁”pit”雨果下至”攞景”嘛 ~~~ > <

呢一日都係一樣, 我一起身已經係落緊雨了, 但冇計, 電波旅行就係要風雨不改嘛, 到左銀閣寺, 發現其實銀閣寺相對其他京都寺廟真係”小兒科”, 冇乜野睇, 唯一可取之處係在銀閣寺的山邊小徑上可以遠望京都市, 好快就行完左銀閣寺走去第二度了

可能因為日本人返五月一至二日又放假啦, 前一日同呢一日都見到唔少中小學生搞學校旅行, 由銀閣寺走返去車站一路都見到, 之後見有路行”哲學之道”, 就諗住睇下何謂”哲學之道”了一路行其實越來越覺得冇櫻花開既”哲學之道”其實真係好深奧, 佢深奧在我唔知佢”哲學”在邊一度, 一路行我亦唔知在”哲學之道”入面行左幾遠, 全程又冇乜人行, 之後, 由於冇櫻花下的哲學之道實在哲學得滯, 唔係我呢個凡夫俗子可以理解, 最後我在哲學修左一半就修完去第二度了 😛

之後搭車返京都站中途見到一個巨型既紅色鳥居, 俾佢attract 左下車去平安神社行下, 間神社”紅當當”咁幾有特色架, 入面係好空曠既沙地同寺廟, 但我只係行左一陣就走了, 因為冇乜野好睇 😛

之後轉去行清水寺, 對於呢個寺廟, 我只可以用”鬼斧神工”來形容, 真係好古僕同好宏偉, 我個人覺得佢直情係”京都寺廟之最”, 不論係寺廟建築定係在寺廟眺望既京都景觀都係好正的 ~~~ ! 清水寺亦係我在京都留得最耐的寺廟, 下次有機會都會再去過 ^^ 在清水寺草草食完幾個飽仔做lunch就繼續搭車向京都站出發了

之後見順路, 就中途去埋三十三間堂, 三十三間堂我冇記錯佢係因為係一間有三十三間房既寺廟而聞名的, 唔知係咪三十三間個勢太勁, 加上強風細雨, 我果把跟左我好耐既”城大短遮”, 在三十三間堂門前”壽終正寢”了 =.=, 由行三十三間堂到行完三十三間堂之後都要一路”dup”住雨一路行去車站等車去京都站 =.=, 三十三間堂其實都係一個唔錯既寺廟, 不過對我的吸引力唔大 😛

之前聽朋友講, 奈良途左奈良公園外冇乜野好行, so大約半日就行完, 咁我見返到京都站都只係三點幾, 時間尚早, 就即刻搭車去奈良了, 點知好死唔死, 坐左最快既”特急”車之餘我仲要唔知我手上既”關西三日遊”坐呢d車唔同坐其他車咁唔使錢, 當我上去冇耐俾個大嬸用日文話我坐左佢個位果下, 我就已經知道上錯車, 但我唔想轉車 (因為其他去奈良既車最快下一班車好似要成半粒鐘之後才到京都車站), 於是諗住”博大霧”啦, 點知唔知係果位大嬸報串, 其他人報串, 定係本身就有人會巡查車票, 我就係因為咁, 在架車去左一半路程時俾人”周到”, 好瘀…=.=, 最後俾左五百yen巡查員買臨時票 =.=

[諗住”博大霧”呢家野大家千祈唔好學, 因為在日本咁樣做諗住側側膊唔多覺係唔啱架, 我後生果陣唔生性過呢一次之後亦再冇做過呢D衰野了…=.=]

去到奈良, d雨細到唔使擔遮, 但我都係九秒九行去用五百yen買左把大遮等之後有得用, 日本果幾日陰晴不定嘛, 買定備用安全d, 之後一路行公園, 都見到好多鹿, 仲要見到佢地俾人餵完一次之後係咁跟住果個人唔放, 仲要咬穿人地個袋, 搞到我本身對佢地冇乜野既都變左要”敬而遠之” :P, 不過都俾D鹿迎面嚇左兩次, 好彩佢地都算馴良, 只係在我面前企定定唔郁一陣之後行開唔理我 😛

在奈良公園入面行左東大寺同春日大社, 在春日大社入面見到好多許願木牌俾人許願長壽, 我諗春日大社應該係管長壽既寺廟了, 於是我都趁熱鬧咁用左200yen買左個木牌為家人許願了, 我稱呼呢d木牌叫”傻仔牌”, 因為掛上去冇耐就會俾果度既工作人員”除牌”架 la, 但依然仲有好多傻仔, ofcoz包括左我啦, 會照許願既, 就係因為果日冇為自己許願長壽健康, 搞到而家病鬼左俾老朋友”死氣喉”（氣管敏感）來探我了 ~~~ > ~ <

之後已經feel到對腳行到用”勁痛”來向我投訴, 放是我就春日大社慢慢咁行去奈良車站了, 中途經過五重塔, 又係冇乜野好睇, 睇左一陣就繼續走去奈良車站行步行街兼dinner就返民宿旅館了, 果陣又係好早咁唔知七點幾定八點幾返到去, 於是又有得借PC上FB同check email XDXD

讀者在看完這篇文章以後，若有興趣也可以閱讀其他相關的分享文章︰

#日本 #旅遊 #遊記 #Travel #化讚為賞 #化like為coin

日本之旅去到第三日, 前一日買左九點零七分既頭班嵯峨野列車既車票, 諗住呢日搭”晨光第一線”去嵐山sightseeing, 點知訓過”龍”, 搞到去到已經miss左班車, 之後唯有博下問車站staff姐姐可唔可以搭下一班車啦, 點知可以搭下一班車, 不過係企位, 咁都無計了, 照搭過去了, 點知到左嵐山站到唔知, 一次過去到尾站 — 龜崗, 一個冇乜野睇既地方, 因為下一班車要等成粒鐘, 於是我就在車站附近hea行一陣就搭番去嵐山了

去到嵐山已經十一點幾十二點, 跟住去左行嵐山竹林, d竹林入面行果個feel都ok正架, 之後因為想行去大覺寺, 但唔識行, 於是就問果度既人力車伕啦, 好彩問下咋, 原來要行去大覺寺好難架, 最好搭車過去, so我即刻行番出去搵車站搭車去大覺寺了, 去到大覺寺, 呢間寺廟行得有少少似迷宮咁, 因為我兜兜下都唔邊兜左去邊 :P, 不過間寺廟起得幾靚架 (從寺廟建築角度上睇), 之後行完在車站等車返去嵐山渡月橋果陣就順便開餐食少少野當lunch了, 之後因為上錯車去左另一個地方, 咁我就唯有在果度等另一車去返嵐山了, 返到嵐山都三點幾了, o係果度, 我行左一陣附近既商店街, 之後行埋渡月橋同嵐山公園, 雖然果度d櫻花已經開完得番一大片綠色既樹葉, 但果度依然有好多中學生去學校旅行, 仲有一班唔知係柔道, 空手道定”抬”拳道既人在水中修行兼大叫口號tim, 不過嵐山遊全程都下住毛毛雨, 係美中不足的地方, 行到五點幾左右, 就在嵐山車站搭車返去京都河原町同錦市場度掃街搵食同行河原町步行街, 總結呢日全日都在嵐山度過, 回到旅館竟然係唔知七點幾定八點幾, 第一次咁早返到去, 好彩冇再見到前一晚跟住我果個大叔jei

返到旅館, 諗住去沖個靚涼啦, 但老闆話有人用緊, 咁我就返房等消息了, 冇幾耐, 老闆俾左旅館澡堂既鎖匙我話俾我用澡堂, 嘩~~~一個人包哂成間澡堂仲要係free果隻呀~~~~ 勁正囉 ~~~ 跟住我就九秒九行入去浸了, 一浸就浸左大約半個鐘, 當堂感覺個人好舒服, relax, 同特別乾淨 XDXD, 之後見住在旅館的大叔冇圍埋在旅館PC前傾偈, 咁我膽粗粗咁問老闆可唔可以用PC上網啦, 嘩~~~原來都係free to use PC ga~~~ great ~~~ 不過因為唔係自己私伙, 都唔敢用太耐, 只係上左一陣FB同check email就算了 😛

讀者在看完這篇文章以後，若有興趣也可以閱讀其他相關的分享文章︰

#日本 #旅遊 #遊記 #Travel #化讚為賞 #化like為coin

在日本的第一晚, 唔知係咪因為”生保”床既關係, 在床上攤左幾個鐘至訓到, 諗住較左鬧鐘日本時間五點半起身, 最後訓到日本時間七點幾至醒, 之後果六日幾乎每日都係日本時間七點幾醒, 不論有冇較鬧鐘 😛

是日出發去京都 ~~~ ^^, 由於我呢次電波之旅是以sightseeing為主, so我係完全冇去到任何既shopping mall既, 在京都果三日都係參觀寺廟居多 😛

其實尋日去大阪通天閣前, 已o係旅館附近行下認下路, 仲俾我發現比第一日來果個火車站更方便既地鐵站, 於是, 我呢一日開始日日去第二度玩都用呢個地鐵站出發 😛

第一日搭車由大阪去京都, 如果精神好既話, 都可以望下出面既景物既, 不過我朝朝都訓唔醒咁款, 所以在車度幾乎全程”釣魚式”訓覺 :P, 而因為日本的黄金周hoilday (4月28日至4月30日, 5月3日至5月5日) 關係, 車站入面的步行道雖然好多人但未至於迫死你果隻 ^^ btw, 黃金周hoilday係尋日同”貴人”在車上chat果陣傾開而得知的 ^^

坐左成粒鐘, 終於到左京都站了, 於是我就走去找車站轉車去京都第一站 — — 金閣寺, 因為我係一個唔鍾意太多planning局限既人, so我冇plan到take bus要幾耐至到金閣寺, 亦冇預算會在寺內行幾耐, so我已決定下一站未必會跟原有的plan上的次序做, 只係睇下邊個plan左既景點順路就下一站去果度 :P, 坐左個幾鐘左右, 到左金閣寺, 原來都有唔少人去的, 除左一定會見到既日本旅客, 仲有些係中國or台灣人tim, ofcoz都有幾個HK人啦, 入面地方唔係好大, so好快行完, 不過個人認為金閣寺坐落在湖中央既園林設計幾好

之後因為回程去京都架車經我另一個想去既景點 — — 二條城, 於是我就下車去京都第二站 — — 二條城, 其實真係冇乜planning, 都係事前plan左initially 去邊d地方, 之後再睇時間做人, 同睇下順路or not

二條城入面真係好大, 佢個城樓同周圍既園林佈局真係幾正架, 不過就係因為地方大, 行到我累死咁滯, 在入面的小食部買少少野食同休息, 是日的lunch就咁草草搞掂; 我係一個對食唔講究既人, 我反而比較著重sightseeing既享受多d :P, 之後見小食部出面有電話亭可以打長途電話, 於是打左返屋企同 老家中的”師奶”報平安同吹水 (前一晚因為冇電話用, 只好硬住頭皮問旅館老闆借電腦的Skype打電話番HK好趕咁報平安 :P)

之後見係日本時間兩點幾, 時間尚早, 於是就去左嵯峨站度買第二日既嵐山小火車既車票了, 沿途轉完地鐵再轉電車 (其實都唔算係電車既, 不過係一架好慢既火車jei), 去到買車票果陣, 今次我試用國語問, 但唔知係佢地唔識聽定係我國語爛, 佢地俾左個”唔明”既反應我, 於是我又本能地用左英文加body language問, 佢地今次俾到反應我同埋好helpful同patient 咁serve我 ^^

之後見係日本時間三點幾, 仲可以去多道地方, 咁就轉完電車再轉地鐵咁去到 祇園了, 祇國行去八”土反”神社果條shopping street兩旁都有唔少店舖俾人買手信同食野, 不過價錢當然係有番咁上下”唔抵”啦 :P, so我都只係window shopping而沒有買, 去到神社, 行左冇耐, 就見到有日本人get married由神社中央行去神社既restaurant了, 果個日本”外父”個勢睇落幾惡下架 :P, 之後我去左神壇前throw some money拜兩拜, 見有占卜機, 咪用左100yen占卜囉, 我占到”吉”簽呀, 果下勁開心 XDXD 在之後既幾日, 有幾次有占卜機, 就用100yen求簽, 全部都係”大吉”同”吉”簽, 勁開心, 雖然唔識睇日文簽文, 但有”吉”同”大吉”就得了 XDXD

之後諗住係日本時間四點幾, 咪諗住行埋神社後面既yen山公園囉, 點知開始行唔夠兩步, 就下雨了….果陣我心諗, 得我一個人在呢度冒雨行yen山, 又唔係好多野睇 (唯有咁安慰自己唔好行 :P), 於是就skip左yen山公園唔行, 行番去祇國附近了

中途唔小心跌左相機落地自己唔知, 好在俾日本人叫停我話我知咋, 不過我部相機雖然係”小學雞”爛鬼DC, 但跌過在地下幾次依然仲用到 :P, 另外又見到一個坐mini cooper的red bull女郎, 佢真人係好nice同幾kawaii的, 最緊要佢係淡庄嘛 (呢個在日本好special ga, 當你發現大部分日本女人都化濃庄 :P), 佢全程保持笑容, 當聽到我唔識日文, 就用英文and body language介紹佢要sell既新款 red bull, 如果HK多呢d sales咪幾好囉 😛

之後見日本時間六點幾, 咪搭車返京都站既地下街度搵食for dinner同行下地下街hea下囉, 巡完d食野店後, 就去左一檔麵店度食冷麵了, 碗麵都幾ok ga, 好快咁食完左之後就開始行地下街, 如果係我HK班成日鍾意shopping既朋友陪我來到行地下街, 我諗冇半日都未必走得 :P, 因為步行街有好多衫褲for返工and leisure, 佢地一定會發左癲咁走去間間入勻去睇同揀 :P, 我乜都唔買齋行步行街, 都行左成個幾鐘 😛

之後我就盡興而歸咁搭車返旅館了

當返到旅館附近果個地鐵站之後, 我開始發現後面有個鴨咀帽大叔跟住我, 由於晚上過左八點鐘, 果個地鐵站係幾乎冇人既, 所以我一見到有人在附近就會好alert, 當然呢個同我本身 行街警覺性高有關啦 :P, 講番果位大叔先, 我本身諗住個大叔只係咁啱順路就冇理到佢, 點知佢好似一路在我身後不遠處follow me咁行, 咁我就急步咁行入附近既supermarket買支裝水兼神隱一下了, 不過就算唔神隱, 我每日都會在呢間supermarket買水同麵包做breakfast or somehow lunch :P, 在supermarket門口撞到旅館另一個老闆 (我住果陣旅館有三個boss的, 以我估計), 但我當時認佢唔到, 佢主動同我say goodnight, 我只有禮上往來同好爛日文同佢講goodnight :P, 之後買左水出來, 唔見左大叔, 以為甩難啦, 就好relax咁行番旅館了, 點知在最後直路, 俾我見到頭先果位大叔在我對面蚊型居酒屋出面扯煙”充電”, 仲要開始由對面向我呢一邊行過來, 咁我就二話不說急步行入旅館了, 當步入旅館果一下, 已經safe了, 總算有驚無險 XDXD

之後因為tired, 即刻去左沖涼洗頭, 但沖涼洗頭完返房後又冇咁tired, 咪開下電視睇下囉

在日本晚晚未tired到去訓覺前都會開下電視轉下台睇下有冇野睇, 果度既電視節目連日文字幕都冇, 真係好難明佢地講乜, 唯一真係識睇既係果邊每日廿四小時全天候播放既免費AV台, 齋睇都知佢做乜嘛 :P, 不過入面既characters係一d都唔出名的, 同埋係冇劇情可言純做千篇一律既動作, 除左悶同突兀之外冇其他feelings, 或者男士會多d feelings 吧 :P, so我睇左一陣都轉台睇第二樣了, 轉左去我唔識睇但又追睇的日本節目, 就係本身在HK追開, 而日本又每week做一集的日劇, 不過因為有時要沖涼關係, 追唔哂成集, 要之後返HK再追過, 而日本同台灣一樣, 幾乎晚晚都播綜藝節目, 我在日本果七日就睇過一小段AKB48 and SMAP主持的節目, 不過冇興趣睇左一陣就冇睇, 如果要睇台劇, 就要過左日本時間十一點後了, 因為果度有個台係十一點後播台劇的, 我在日本果陣做緊台劇”下一站, 幸福”, 但因為太夜同我睇過成套台劇, so睇左五分鐘就訓左

除左睇電視睇到累, 我每晚都會用十幾分鐘諗下第二日大約會去邊幾度地方同點搭車去, 呢個係我在日本電波之旅唯一要諗既野, 所有HK既野可以暫時throw away唔使諗, 可以俾個腦暫時clear哂所有野齋relax, 同埋去旅行冇人識我, 可以好free咁想做乜就做乜, 自己話事^^

做下hea下都左日本時間十點幾十一點, 累到想訓了, 明天再繼續京都寺廟遊 XDXD

讀者在看完這篇文章以後，若有興趣也可以閱讀其他相關的分享文章︰

#日本 #旅遊 #遊記 #Travel #化讚為賞 #化like為coin