某年 11月24日 星期日

果日朝在機場會合左2個朋友S君及K君後, 我即刻搭內陸機到九州福岡展開九州遊了 ^^

果日集中行福岡, 先去中洲川端運河城, 但唔係食拉面先, 而係去朋友S君好想去既姆明cafe食野, 朋友仲好開心咁同姆明公仔影相, 隔離枱既日本人仲好nice咁豪左佢個位既公仔俾我朋友影相tim ~~~ XDXD

之後我地行去隔離既姆明精品店, 俾我見到一個咖啡杯幾正價錢又ok, 咁就買左等俾我另一個朋友做手信 ~~ XDXD

之後我地行左中洲川端商店街同櫛田神社, 果度有唔少著左和服既小朋友同埋家人來參拜, 好得意架~~~ 晚上就去左漫步大濠公園, 最後去左運河城度食拉面la ~~~ XDXD, 晚上回到旅館, 我同女性朋友S君孖鋪, 而另一位男性朋友K君就一支獨秀自己訓

果幾日九州之旅, 我地沿途都不停咁串來串去係咁吹水, 主要都係兩位朋友互串, 唔知點解幾開心見到佢地互動咁好感情 XDXD, 不過間中我同女性朋友S君搭車講野大聲左少少, 俾那一位著重東洋禮儀的朋友K君間中”殊~~~”來提示, haha~~~ 我地太hyber la, 失禮哂~~~ 😛

某年 11月25日 星期一

果日去同兩位朋友去九州郊區睇紅葉, 但我已經唔記得左果度叫乜名了 (請恕我中年腦退化 :P)

果日天氣陰天有點毛毛雨, 但不減我地郊遊既心情, 我地果日在果度留左半日左右, 欣賞到好多唔同狀態既楓葉景致, 我仲記得o係果度見到乳房神社, 俾D媽媽祈求多奶水餵BB既 (好似唔係俾女人求心口大既 :P), o係果度仲可以遠望到九州, 個view唔錯架~~~ ^^

由於呢個郊區範圍大, 我地行完返去福岡市區都夜晚了, 就去搵左路邊檔食拉面, 之後穿過天神地下街到地鐵站搭車返hostel了 ^^

某年 11月26日 星期二

這一天, 出戰熊本~~~~ ^^ 呢日我地幾個坐新幹線去九州行既重點之一 — — 熊本

第一站去熊本城, 成個熊本城範圍好大, 好似仲大過大阪城, 我地果日在城內範圍周圍行同周圍影, 果度冇乜紅葉, 反而有唔少幾靚既黃葉~~~~我都影左唔少黃葉相 😛

在熊本城大約行左兩個幾鐘, 就搭車去第二個景點 — — 水前寺, 果度相對熊本城冇咁多人去, 亦冇東京既公園咁大咁多野睇, 不過果度d 景都唔算差~~~ ^^

晚上dinner完回到博多站, 站外已經著左Xmas燈飾, 我忍唔住影左幾張相至繼續走~~~ 我個人幾愛睇同影日本既燈飾, 所以一見到會忍唔住影 😛

某年 11月27日 星期三

呢一日係最後一日留九州, 由於我對九重夢吊橋既強大好奇心, 於是果一日同2位朋友分開行, 自己去左九州大分行九重夢吊橋, 本身以為去果度都算方便既, 點知….原來唔方便….我來回都要搭的士, 的士費呢d衰野就唔好再提了….

不過不得不讚日本的士大哥大部分都對遊客好好人好helpful, 我去果陣搭的士, 的士大哥好似feel到我緊張, 係咁用佢有限兼唔醎唔淡既英文同我吹水, 仲要話我個樣睇落好後生, 好似16歲, 果下真係開心死我呢個而成年左好耐既人 ~~~ XDXD (事實證明, 我真係好baby face :P); 我走果陣因為冇車, 幾經辛苦至在詢問處找到staff幫手call 的士, 個的士大哥又好好人, 見我全程望住車外既鄉郊景色係咁”嘩~~嘩~~”聲係咁影相, 唔單止唔話我, 而且仲幫手搵靚景指俾我睇等我影相 (之前去果程果位的士大哥都有咁做) ~~~ 真係nice到爆 ~~~ XDXD

去到九重夢吊橋, 同我之前諗既萬紫千紅景象完全唔同, 不過果度係另一種蒼桑壯烈既紅葉景, 係另一番景致, 又唔係冇收獲, 而係另一種體會另一種收獲 ^^, 行行下吊橋, 天氣開始差, 仲下雨, 在果度又大風又下雨, 第一次覺得凍到想講粗口 :P, 但仍然堅持行哂成條橋睇哂d景至走, 話哂山長水遠來到嘛~~~~

行完吊橋之後, 就返去會合兩位久違了的朋友, 一齊搭飛機離開九州返大阪了, 回到大阪關西機場後, 朋友S君就立刻入閘搭飛機返HK了, 而我同另一朋友K君在關西機場食完dinner之後就拿拿淋坐車到大阪難波坐通宵車到東京, 差d趕唔到車 :P, 之後訓下醒下咁坐左8個鐘車, 第二朝醒左都仲好吽, 連朋友K君話到左都冇乜反應 😛

機場插曲, 果晚原本朋友S君可以同我地一齊dinner至入閘飛返HK既, 但因為日本staff好似話佢個行李度有酒 (其實只係得番好少份量, 幾啖左右), 於是就要佢即刻入閘詳細check, 就後check完俾佢throw away盒酒就過到關, 但出唔番閘了….好慘…. 不過我呢一程去日本搭左幾次機都俾人要求詳細check左兩三次, 次次都係佢地d staff反應過敏or check唔好, 每次都搞到唔好意思咁放我走….呢個都算係成個trip入面有點不happy既野了

讀者如喜歡這篇文章 ，可於文章最下方按下Likebutton以示鼓勵及支持（若LikeCoin用戶請先登入再按下Likebutton ，最多可按5下，而其他人士也可以了解LikeCoin及考慮是否註冊使用LikeCoin ）

而加入 LikeCoin 回饋創作者計劃，更有免費獲得coin的活動：

1. 註冊一個 LikeCoin ID (邀請人請填： tracy2018)
2. 確認已登入 LikeCoin (確認方法)
3. 點擊五下拍手(操作參考)
4. 完成後，你我都會獲得免費的 LikeCoin (可用來交換以太幣或現金)

讀者在看完這篇文章以後，若有興趣也可以閱讀其他相關的分享文章︰

#日本 #旅遊 #遊記 #Travel #化讚為賞 #化like為coin

某年 11月23日 星期六

呢一日由於下午要搭新幹線去大阪, 所以唔諗去太多景點

第一站去台場, 晨早流流去台場其實係有d冷門, 但我怕晏少少去到會開始多人, 未必攞到啱feel既位置影景, 所以我早上去, 當係晨運 :P, 果日天氣好好, 可以好悠閒咁行下影下景, 行左大半個鐘至一個鐘左右, 就出發去全日我最想去既地方 — — 新宿御園

呢一度地方好大, 足以行半日至大半日, 雖然佢既景致冇我之前去既國営照和紀念公園咁壯觀咁正, 但都唔係差太遠~~~~ o係公園一路漫步一路欣賞周圍既大自然景色同林林總總既人一家大小咁悠然自得地picnic, 個心真係會舒暢好多架~~~ 至少我就係咁la~~~~ XDXD 就係咁行下坐下再行下影下, 咁就留左半日la ~~~ XDXD

之後三點幾四點, 出發搭新幹線 去大阪了, 經過4個幾鐘既新幹線車程, 終於來到大阪la (應該係回到大阪至啱, 因為之前係在大阪玩幾日先 :P), 之後去買幾日後既通宵巴士飛 (之後會有機會由大阪坐通宵車返東京, 預早買定至有位), 見仲有少少時間, 就去左心齋橋食拉面了, 果晚冇行街只係去左面檔食完就走人了

下一站係大家都估唔到既關西機場~~~何解呢? 我唔係提早著草返HK, 只係在果度過一晚夜jei~~~ 😛

由於第二朝會有兩位朋友由HK飛來日本大阪, 然後我地會三人行跟手飛去福岡展開九州遊, 咁我又唔想waste the money去hostel住幾粒鐘only, 於是就在機場過夜訓機場 la~~~ 大家唔使擔心關西機場過夜唔安全~~~首先我已經冇穿冇爛咁返左來好耐先 ~~~ :P, 其次就係果度真係好安全~~~! ^^ 果度夜晚會有police孖咇每隔個幾兩個鐘就巡場一次, 仲會同所有過夜人士登記資料, 仲會好溫柔咁提示大家要小心財物 (我係講堅架, 真係好nice架~~~), 最重要既係, 過夜人士都為數唔少, 大部分都係HK七八十後, 加少部分係鬼佬, 再加”小貓三兩隻”既台灣人, 所以唔會有事 XDXD 唯一不足之處係, 張長椅唔夠濶, 再加上我好alert自己既財物, 成晚都好醒訓, 訓下醒下咁, 就係咁就過左一晚了 ^^

之後第二朝等到我兩位朋友來到, 就渣渣淋飛去九州 la ~~~

讀者如喜歡這篇文章 ，可於文章最下方按下Likebutton以示鼓勵及支持（若LikeCoin用戶請先登入再按下Likebutton ，最多可按5下，而其他人士也可以了解LikeCoin及考慮是否註冊使用LikeCoin ）

而加入 LikeCoin 回饋創作者計劃，更有免費獲得coin的活動：

1. 註冊一個 LikeCoin ID (邀請人請填： tracy2018)
2. 確認已登入 LikeCoin (確認方法)
3. 點擊五下拍手(操作參考)
4. 完成後，你我都會獲得免費的 LikeCoin (可用來交換以太幣或現金)

讀者在看完這篇文章以後，若有興趣也可以閱讀其他相關的分享文章︰

#日本 #旅遊 #遊記 #Travel #化讚為賞 #化like為coin

某年 11月22日 星期五

呢一日去左東京郊區高尾山一日遊加晚上skytree欣賞夜景

之前已經好想去高尾山, 因為上網睇過資料話呢度無論睇紅葉定睇景都好正, 真係聞名不如見面, 唔係好正, 係超正~~~~ XDXD

由於要由東京市區搭2, 3個鐘頭JR車至去到, 所以果日都七點幾八點出發在東京搭JR火車, 去到十點幾, 一去到高尾山車站已經有唔少人準備行山, 去出名景點郊遊有樣好, 就係跟大隊實冇死錯人, 就算唔識行盲中中咁跟住多數既人行緊既路都一定去到目的地 XDXD

之後跟左大隊去車站度轉車上山, 可以選擇坐cable car或者吊車, 我呢d鐘意搏既當然坐吊車啦 :P, 本身個人有少少畏高 (睇唔出哩~~~), 所以全程久唔久都渣實扶手, 仲要做高危動作 ~~~ 唔係搖來搖去搏跌落車, 而係單手渣相機影相 (睇到呢度大家可能會係咁”車”我~~~ 但我係講堅的, 若果我稍為手震或跣手, 部相機都會粉身碎骨架la…因為我唔係下下渣得穩 :P) 我之所以咁搏咁影相, 係因為由吊車望上去既視野好正~~~不枉我揀坐吊車, 可以影下前面紅葉相, 又可以影下後面東京城市遠眺既風景相 ~~~~ 就係咁一路坐一路影住相咁上到去山上了

上到去, 我見到有唔少人都上去一個小型瞭望台度, 咁我當然唔執輸上埋一份啦~~~上到去一望~~~我係咁”嘩~~~好正呀~~~”咁款, 因為望出去既紅葉城市景觀, 真係正到十級核爆, 可惜我果部只係普通DC, 影出來既相未足以顯示果度有幾咁正爆~~~所以, 大家去日本東京, 尤其是紅葉季節, 真係不妨去下高尾山~~~ XDXD

o係個瞭望台都”嘩~~~”完一輪, 就落台去下一道追紅葉la ~~~ 沿途一路行都會有唔少唔同色彩既楓樹景致~~~之後去到一個廟,去左跟其他人一樣排隊敲鐘轉大石 (HK興轉風車, 果度係轉大石, 都係轉下求好運果d~~~), 冇乜紅葉, 好快去左第二度 😛

一路跟住遊客大隊走, 去到一個景點, 再一次令我”嘩~~~好正呀~~~”, 果度俾我見到一大片高山, 仲要離遠望到富士山, 勁多人停低睇同影相同野餐, 我就先在果度附近既小店度食烏冬填一填肚至出去影相, o係果度又係留左好耐慢慢欣賞完至走~~~不得不提, 果度其實都有唔少紅葉架, 不過俾唔少人佔據哂有利位置影相, 所以唔係影左好多 😛

就係咁留左大半日, 臨走前再坐多次吊車, 再影多幾張相 😛

在東京dinner完, 見時間尚早, 就去左skytree度欣賞夜景了, 果度既夜景個人覺得同東京鐵搭都係差唔多咁正, 但如果二選一我會揀skytree, 因為高d嘛~~~ 😛 (我係一個有少少畏高但又鍾意上高既地方遠眺風景既人~~~都幾矛盾架~~~:P), 欣賞完夜景, 在skytree下欣賞多一陣Xmas 燈飾至走

臨尾諗住搏下去上野睇下仲有冇店開門做生意, 當然係收哂檔咁滯啦, 我去到果陣成八點幾九點了…唯有下回請早啦~~~ :P, 跟住即刻搭車返hostel了~~~ ^^

讀者如喜歡這篇文章 ，可於文章最下方按下Likebutton以示鼓勵及支持（若LikeCoin用戶請先登入再按下Likebutton ，最多可按5下，而其他人士也可以了解LikeCoin及考慮是否註冊使用LikeCoin ）

而加入 LikeCoin 回饋創作者計劃，更有免費獲得coin的活動：

1. 註冊一個 LikeCoin ID (邀請人請填： tracy2018)
2. 確認已登入 LikeCoin (確認方法)
3. 點擊五下拍手(操作參考)
4. 完成後，你我都會獲得免費的 LikeCoin (可用來交換以太幣或現金)

讀者在看完這篇文章以後，若有興趣也可以閱讀其他相關的分享文章︰

#日本 #旅遊 #遊記 #Travel #化讚為賞 #化like為coin

某年 11月20日 星期三

有馬 + 神戶 + 新宿

呢一日係最後一日關西遊, 是日去左有馬同神戶~~~

好多人去有馬係為左浸溫泉, 而我就為左周圍”捐”搵紅葉 :P, 勢估唔到, 呢度紅葉最好睇既地方, 係某間溫泉旅館既停車場 :P, 本身我想去果個公園係好轉折的, 要在有馬車站等免費穿梭小巴上去呢間溫泉旅館, 之後再行山咁行上去公園, 就係溫泉旅餂下車果陣見到個停車場既紅葉幾正, 即刻留低影幾張相至行上去公園

行到上去公園, 入面d紅葉反而有之前停車場咁正, 只算係唔錯jei, 不過難得來到, 當然行一轉同影下相至走啦, 影完返去頭先果個停車場等免費穿梭小巴番去有馬車站, 然後再轉戰神戶~~~~

神戶因為之前去過1, 2次, 所以今次只對神戶港同中華街有興趣~~~去左呢兩度漫遊一番之後, 就番京都開locker攞行李la (由於日本係早上check-out的, 如果唔順路唔會返去hostel攞行李既話, 我都會去大車站既locker度用幾百yen用locker放行李再去四圍遊, 當然會揀是日行程既中轉站啦~~~順路啦~~~), 跟住立即去搭新幹線, 離開關西投奔關東了~~~

等左大約半個鐘 (冇錯, pass可以搭到既車通常都要等咁耐…), 之後坐左4個鐘左右, 到達東京了, o係東京一番街dinner完之後就去新宿hostel落腳, 中途見到新宿站附近既Xmas燈飾開著左好靚 (估唔到咁早就開著左 ~~~ :P), 忍唔住過左去行左一輪兼影左一陣相至走, 不過好大風幾凍下, 搞到我都咳左2聲, 不過第2日已經冇再咳了 ^^

某年 11月21日 星期四

是日箱根一日遊~~~~

果日一早由新宿hostel出發搭JR到箱根, 展開一日箱根之旅, 第一站去左行強羅公園, 呢個公園在我來講屬於中型, 唔大唔細咁, 冇乜紅葉睇, 但d西式庭園view都算係ok ge, 好快行完一round就繼續搭上山電車上去桃源台轉cable car到大涌谷果度, 講開又講, 我次次在日本去親郊區, 無論邊個weekdays都實有好多中小學生去picnic, 我心諗唔使去得咁密呀~~~果次架車除左好多日本本地遊客, 仲有唔少小學生, 架上山電車迫到核爆~~~ > ~

之後轉坐cable car上大涌谷, 沿途風景都好靚, 之後臨到大涌谷果陣, 有個大驚喜~~~俾我見到好清楚既富士山呀~~~之前來東京2次想見都見唔到, 今次無預過既情況下居然俾我見到~~~~~人生真係好盞鬼 XDXD, 果下即刻在架車度係咁”嘩~~~~” (當然平時我唔會咁倡狂, 但我見坐我附近果pair日本拖友都”嘩~~~”, 咁我”嘩~~~”埋一份都唔怕啦~~~隔離一對老年couples只係報以微笑 ~~~係微笑唔係恥笑呀~~o拿~~~日本人呢下做得幾好la~~~ :P)

之後到左大涌谷站, 一出站又係咁影富士山一陣至肯行上大涌谷呢個死火山景點, 仲例牌在大涌谷山頂位食溫泉黑egg做lunch~~~幾正架~~~仲好飽tim ~~~ XDXD 食完落去車站果陣, 撞正日本組合Kat-tun上大涌谷拍野, 可能係拍綜藝節目 (斷估都唔會係上去人山人海咁拍MV la gwa~~~ :P), 本身唔係呢個組合既fans, 所以起初都認唔到佢地, 不過當我同組合成員龜梨和也互望左一陣 (雖然大家三唔識七, 都未至於互睥ge :P), 就認到佢了, 之後再望就認到其他成員, 不過我都只係走遠左之後回頭同佢地既工作人員互望左一下jei :P, 冇再望佢地了 ~~~

之後去左坐好型既海盜船遊箱根盧之湖, 坐住又大又靚既船吹住風望住咁靚既風景, 真係爽夾正架~~~所以我次次去日本都幾乎會去箱根, 次次去箱根都一定會坐海盜船架~~~ XDXD

坐完船到元箱町港, o係果度行下箱根神社就走了 (其實果度我覺得唔係好多野睇~~~), 臨尾在海傍行左一陣就走了, 估唔到呢度都會有小學生來picnic, 仲要全部戴哂小紅帽~~不過係鴨咀帽~~~真係成班”小鴨仔團”~~~搞到我手痕離遠影左佢地一張相 😛

之後坐巴士出番箱根車站, 搭車返東京車站一番街度dinner, dinner完至走人返新宿hostel ~~~ ^^

讀者如喜歡這篇文章 ，可於文章最下方按下Likebutton以示鼓勵及支持（若LikeCoin用戶請先登入再按下Likebutton ，最多可按5下，而其他人士也可以了解LikeCoin及考慮是否註冊使用LikeCoin ）

而加入 LikeCoin 回饋創作者計劃，更有免費獲得coin的活動：

1. 註冊一個 LikeCoin ID (邀請人請填： tracy2018)
2. 確認已登入 LikeCoin (確認方法)
3. 點擊五下拍手(操作參考)
4. 完成後，你我都會獲得免費的 LikeCoin (可用來交換以太幣或現金)

讀者在看完這篇文章以後，若有興趣也可以閱讀其他相關的分享文章︰

#日本 #旅遊 #遊記 #Travel #化讚為賞 #化like為coin

某年 11月18日 星期一

金閣寺 + 祇園

今日係京都一日遊, 晨早八點左右由大阪hostel出發去京都, 然後搭市巴士去金到爆既金閣寺, 原本以為weekday會好少人去, 點知原來都唔少人去行, 入面除左日本人, 仲有台灣人, 強國人, 香港人同Korean, ~~~~ 雖然紅葉未開哂, 但d景觀都唔錯 ^^

之後都將近lunch time, 我去左祇園既八”板”神社同圓山公園度野餐 (所謂既野餐只係食幾件飯糰, 因為袛園d野食幾貴下, 同埋果日可能飲得野多冇乜胃口, 我太愛飲野了 :P), 之後在圓山公園影左一陣就出發去下一站, 亦係是日高潮 ~~~

清水寺 + 二條城 + 京都站地下街

行左一大段斜路上山後, 清水寺地帶就出現在眼前了~~~原本好tired, 但見到清水寺都稍為精神一振, 一條氣慢慢行哂清水寺, 由寺上望落去林林總總唔同色既紅葉, 真係幾正架~~~ XDXD, 搞到我都留耐左慢慢行慢慢睇夠至走人 😛

清水寺下山後, 就去左轉戰二條城la, 果度其實係冇乜紅葉既, 我只係去參觀一下城堡建築jei, 如果對城堡建築一丁點兒興趣都冇既朋友, 可以唔使去呢度的 😛

晚上回到京都站地下街, 去左食大碗麵開餐, and then行左一轉京都站地下街至肯走 XDXD

某年 11月19日 星期二

之前一日去遊完一日返京都站地下街dinner果陣, 望住車站路線指南發現miss左去金閣寺附近既仁和寺, 呢一日第一站就去呢度 ~~~

仁和寺 + 嵐山

唔知係咪因為呢度唔係一個好popular既景點, 呢度唔係好多人行, 但作為晨早活動都唔算差ge ^^, o係呢度留左唔係好耐就去左是日精華 — — 嵐山

去嵐山我一定會坐小火車, 因為由小火車望出去既view對我來講係幾時都咁正既, 仲要陣陣清風咁吹來, 幾舒服架~~~

去到嵐山去左兩個寺, 第一個唔記得個寺既名 (中年痴呆症發作…=.=), 但記得果度既紅葉好正, 正到我留左成粒鐘行下停下睇下同影下相 ~~~~

之後經過竹林去天龍寺, 呢個竹林, 我去嵐山一定會去行一轉, 因為出面無論幾熱幾曬, 身處竹林中都唔會焗親曬親, 因為俾竹林protect住, 同埋沿路兩邊高到你暈既竹林真係咪話唔正斗~~~ XDXD, 我都專登慢慢行出去 XDXD

行完竹林去到天龍寺 (好似係, 又中年痴呆症發作…=.=), 一路行都幾正既, 但唔係影左好多相 :P, 只係臨尾在最靚果度影左幾張相only 😛

之後行完寺出番渡月橋去嵐山公園行左一陣, 嵐山公園d紅葉反而冇咁靚, so都冇乜點影相, 最後返左去京都站, 又在京都站地下街dinner, dinner完就返左大阪hostel了

讀者如喜歡這篇文章 ，可於文章最下方按下Likebutton以示鼓勵及支持（若LikeCoin用戶請先登入再按下Likebutton ，最多可按5下，而其他人士也可以了解LikeCoin及考慮是否註冊使用LikeCoin ）

而加入 LikeCoin 回饋創作者計劃，更有免費獲得coin的活動：

1. 註冊一個 LikeCoin ID (邀請人請填： tracy2018)
2. 確認已登入 LikeCoin (確認方法)
3. 點擊五下拍手(操作參考)
4. 完成後，你我都會獲得免費的 LikeCoin (可用來交換以太幣或現金)

讀者在看完這篇文章以後，若有興趣也可以閱讀其他相關的分享文章︰

#日本 #旅遊 #遊記 #Travel #化讚為賞 #化like為coin

某年 11月16日 星期六

鞍馬 + 貴船

今日諗住去睇紅葉, 最後又係冇乜紅葉睇, 全日變左去行山, 去行鞍馬山, 行左成四五個鐘冇抖過 XDXD, 真係估佢唔到 :P, 好彩之前上網research過, 由鞍馬行山咁行去貴船, 好過由貴船行山咁行去鞍馬, 鞍馬行山果part真係行到攞命的, 好彩行完果part之後冇咁苦

最後由朝早行到去晏晝, 連lunch都係在鞍馬山入面既日本料理店度食, 盛惠2100yen, d野食都幾多幾ok ge, 但如果平d就更好囉… 😛

最後行到三點幾返JR京都站, 再返大阪, 晚上六點幾七點左右由關西機場搭內陸機去東京, 去到成田機場都八點幾九點了, 在東京站商店街dinner完就返東京hostel訓一晚, 準備之後果日去既景點, 果度既Views係全個trip其中一個高潮 XDXD

某年 11月17日 星期日

今日去東京”一天精華遊”, 雖然都plan左十一月尾正式去東京玩幾日睇紅葉, 但係今日想去d十一月中至有但十一月尾就未必會見到既紅葉景, o係成田山公園同國營昭和紀念公園之間, 我揀左國營昭和紀念公園, 最後覺得~~~果然冇揀錯, 果度除左有好多唔同stage既紅葉睇之外, 仲有好多靚到核爆既黃葉 (銀杏葉) 呀~~~真係超正, 係成個trip第一個高潮 XDXD

果日朝六七點左右就起身去東京JR車站轉車去國營昭和紀念公園, 在車站外例牌影番張”車站全相” :-P, 之後”拿拿林”轉車, 八點幾到左公園外, 八點半左右至未開始賣飛, 但已經有唔少人排緊隊等買飛, 我心諗: 難道呢度既紅葉真係正到咁多人來睇? 但o係門外又唔見d紅葉好靚喎…

到買左飛, 九點入場果陣, 我都係半信半疑咁入去, 雖然d紅葉未去到全紅, 但果度既紅葉因為有唔同stage, 所以由綠色, 橙色, 紅色, 黃色, 棕色既楓葉都見到, 個景觀都唔錯, 不過未至於靚到吸引咁多人入場睇喎~~~

之後在公園search紅葉行到有點tired, 在公園內食完便當, 諗住行多一陣就走去成田山公園行下search 紅葉之際, 俾我發現有少少靚黃葉, 於是就o係公園漫步欣賞黃葉, 中間見到有人帶埋monkey仔賣藝, 就坐低左一陣睇show, 真係幾好睇, 不過冇打賞佢地就走左了 😛

之後諗住坐下小火車去番入口位就走, 沿途見到d景都唔錯, 又有天然輕快既微風吹住, 幾正架, 之後見到一道地方有好靚既黃葉, 即刻跳車出去睇黃葉, 見到d黃葉好多好靚, 除左見到幾條好靚既黃葉tunnels外, 仲去到一個好正既公園廣場度欣賞靚到核爆既黃葉公園views, 對我來說真係超正既視覺享受 XDXD, 我o係果度忍唔住慢慢漫步行下坐下咁欣賞黃葉, 又影左唔少相 XDXD

留左好一陣子之後, 再坐一次小火車繞場一周就走了 XDXD, finally果日在果度由八點幾九點留到三點幾四點 😛

然後就坐車返東京JR車站商店街度dinner, dinner完六點左右等子彈車, 跟住開始黑仔了, 點解呢? 因為等左好耐都冇去新大阪既車, 果度月台又無位坐, 我就企左o係度企到七點半左右至上到車….仲要係行得最慢果架車…去到新大阪已經十一點幾十二點, 之後等JR轉車到hostel, 中途由於擔心hostel 關門唔俾入（有些hostel有門禁, 過左十二點就關門唔俾人入, 我呢間都係…）, 係咁打電話去hostel叫等埋我, 但係試左好多次, 都試唔到點打去hostel, 於是諗住用whatsapp找fds諗住d fds諗唔到計都可以吹下水冇咁驚, 最後斷斷續續咁撞方法試打到十一點幾十二點, 終於打到俾hostel當夜班果位台灣藉既伙記, 佢肯等埋我至收工休息, 太好了, 謝天謝地~~~最後將近半夜一點至返到去, 佢同我講我咁夜至搭到JR返到去好正常, 因為新聞話夜晚有人跳軌, 唔知係咪我搭果幾程車其中一程呢…@@

最後雖然黑仔, 但都算有驚無險咁返到大阪hostel, 最後上一陣網hea一陣, 將近半夜兩點訓覺, 訓醒第二日繼續京阪神漫遊 XDXD

讀者如喜歡這篇文章 ，可於文章最下方按下Likebutton以示鼓勵及支持（若LikeCoin用戶請先登入再按下Likebutton ，最多可按5下，而其他人士也可以了解LikeCoin及考慮是否註冊使用LikeCoin ）

而加入 LikeCoin 回饋創作者計劃，更有免費獲得coin的活動：

1. 註冊一個 LikeCoin ID (邀請人請填： tracy2018)
2. 確認已登入 LikeCoin (確認方法)
3. 點擊五下拍手(操作參考)
4. 完成後，你我都會獲得免費的 LikeCoin (可用來交換以太幣或現金)

讀者在看完這篇文章以後，若有興趣也可以閱讀其他相關的分享文章︰

#日本 #旅遊 #遊記 #Travel #化讚為賞 #化like為coin

某年 11月15日 星期五

今日去左京都一日遊, 去左好多地方睇紅葉, 好彩呢一日見到唔少紅葉了

第一站 — 東福寺

呢個地方對日本人來講幾出名, 但唔係好多外國旅客知, 我本身冇諗住咁早行呢度, 但因為我公司有位幾啱傾既senior話呢度d紅葉景幾靚, 值得去睇, 同埋唔係好多外國人知, 唔會太迫, 咁我第一站就去呢度la~~~

去呢度其實好方便, 在JR京都站搭向奈良方向既JR車, 第1站就係東福寺站, 出站後行十分鐘就到了 XDXD

果度雖然只係剛開始有紅葉, 唔係紅當當, 但又紅又綠咁花lee花look都唔錯, 可惜我部相機唔係單反, 影出來既相反映唔到實景有幾靚~~~~行哂成個東福寺影完葉, 出去見到路牌指伏見稻荷大社行十五分鐘就到, 於是就心血來潮行過去了, 本身好似冇plan到行呢度的, 因為以前行過, 不過最後都係行左過去 😛

第二站 — 伏見稻荷大社

沿路望住路牌咁行, 唔知行左幾耐, 不過一定超過十五分鐘, 最後行到大社了, 呢度既”招牌菜”係無盡既鳥居~~~~要行哂所有鳥居要大半日, 所以我行左一半左右就算了 XDXD, 沿途有涼風, 又唔太焗, 都算幾好行既, 行完鳥居就行番去JR東福寺站再搭車去JR京都站, 在京都站地下街食lunch了

第三站 — 御室仁和寺, 哲學之道, 銀閣寺

食完lunch就在JR京都站外面既巴士總站, 搭巴士去御室仁和寺la~~~呢個d景都唔錯, 同埋呢度既紅葉係我全日去過見到最多既紅葉, 我都不期然留耐d影多d紅葉相~~~呢度同東福寺一樣, 好多日本長者同中年人去睇紅葉, 同埋有台灣旅客去, 反而冇乜香港人同強國人, 之後見哲學之道好近呢度, 咁就去左行哲學之道, 可惜上次行呢度諗住睇花但無花睇, 今次行呢度諗住睇葉但又無葉睇….=.=, 我今次行完成條哲學之道, 都依然係”哲學”到我唔明呢條路點解咁出名, 可能我每次來的Timing都唔啱, 領悟唔到佢既”哲學” :P, 行完哲學之道, 見再行一陣就到銀閣寺, 咪行埋佢去埋銀閣寺囉 :-P, 銀閣寺本身冇諗住去既, 因為research過呢度係冇紅葉既, 估唔到呢度又俾我搵到少少紅葉喎~~~~, 真係出乎意料之外了 XDXD, 行完睇完成個銀閣寺, 就行落去搭車返JR京都站, 中途見到平安神宮附近有少少紅葉, 心血來潮下落左車影紅葉, 影完紅葉之後, 排隊等左好耐至上到車返JR京都站, 仲要中間轉左車至返到去JR京都站 (因為開始等車果陣已日本時間五點幾, 果邊d巴士班次開始冇咁密了….), 最後又在JR京都站地下街食完dinner就返大阪既hostel了

總結全日既行程, 有一半都係唔跟plan即興咁去既 :-P, 呢個就係獨行backpacker背包客既好處, set好左大plan之後, 可以到時再根據情況隨機應變改plan XDXD

讀者如喜歡這篇文章 ，可於文章最下方按下Likebutton以示鼓勵及支持（若LikeCoin用戶請先登入再按下Likebutton ，最多可按5下，而其他人士也可以了解LikeCoin及考慮是否註冊使用LikeCoin ）

而加入 LikeCoin 回饋創作者計劃，更有免費獲得coin的活動：

1. 註冊一個 LikeCoin ID (邀請人請填： tracy2018)
2. 確認已登入 LikeCoin (確認方法)
3. 點擊五下拍手(操作參考)
4. 完成後，你我都會獲得免費的 LikeCoin (可用來交換以太幣或現金)

讀者在看完這篇文章以後，若有興趣也可以閱讀其他相關的分享文章︰

#日本 #旅遊 #遊記 #Travel #化讚為賞 #化like為coin

某年11月14日 星期四

這一天集中去了地方。

第一站 — 高野山

今日天朗氣清, 去左行高野山, 一個幾寧靜的郊外地區, 仲要坐登山cable car上斜至去到

本身諗住會見到好多紅葉, 不過, 果度紅葉就冇乜la, 但果度既郊區景色都不過不失, 最後由十點幾行到點幾兩點左右, 終於o係行去最後一個塔果條小路度見到紅葉, 仲幾靚tim, 都算不枉此行了 XDXD

第二站 — 梅田city

由於係郊區, 返到市區都過左五點了, 天都黑哂, 於是我就去左梅田city睇夜景, 我去日本最愛既活動, 就係睇夜景la XDXD, 果度地下仲有Xmas 攤位賣野, 不過冇興趣 :P, 果度既夜景真係好正架, 日間去睇景都好正架, 所以就算要由車站行一大段路至去到, 但我每次去日本大阪都必去梅田city架~~~XDXD

讀者如喜歡這篇文章 ，可於文章最下方按下Likebutton以示鼓勵及支持（若LikeCoin用戶請先登入再按下Likebutton ，最多可按5下，而其他人士也可以了解LikeCoin及考慮是否註冊使用LikeCoin ）

而加入 LikeCoin 回饋創作者計劃，更有免費獲得coin的活動：

1. 註冊一個 LikeCoin ID (邀請人請填： tracy2018)
2. 確認已登入 LikeCoin (確認方法)
3. 點擊五下拍手(操作參考)
4. 完成後，你我都會獲得免費的 LikeCoin (可用來交換以太幣或現金)

讀者在看完這篇文章以後，若有興趣也可以閱讀其他相關的分享文章︰

#日本 #旅遊 #遊記 #Travel #化讚為賞 #化like為coin

某年11月13日 星期三

同之前去旅行一樣, 前一晚飛去日本, 又係我家那位老太送我去車站等機場巴士, 真係好 ~~~ 不過我係唔會唱”世上只有媽媽好, 有媽的孩子像個寶”咁「娘」的 ~~~ 😛

之後十點幾到機場, 打番屋企報平安之後, 就慢慢搵位坐低等check-in然後再等上機, 中間某巴打 whatsapp搵我吹水, 同佢whatsapp左一陣 ~~~

半夜1點幾上機, 全程吊住魚咁fall asleep, 然後日本時間11月13日五點幾六點到左日本, 一到埗即到果邊既JR Green Counter換哂d JR Pass同JR關西Wide Pass, 之後開始18日既行程lu ~~~~ XDXD

因為之前在機上只係吊住魚咁訓覺, 所以唔想太chur, 所以去左hostel放行李先, hostel有得寄放行李好緊要, 因為日本係一律下午十二點後甚至兩三點至有得checkin, 唔係個個都想第一日落機就要的住一抽二lung既野去周圍行, 又唔想俾錢用coin locker嘛 ~~~ XDXD

不論我去過幾多次日本都好, 次次第一轉去hostel都總會在開始階段蕩失路, 就算有地圖都好, 今次都唔例外, 我搭JR去到hostel果區, 找左大半個鐘, 至找到間hostel, 一抽二lung咁搵路好狼狽, 放低行李之後就在hostel附近認路了, 認完路之後發覺其實間hostel都唔係太惡搵, 於是就去是日旅行第一站了

第一站 — 奈良公園

本身上網睇過話呢度開始有紅葉, 於是就諗住過來睇下先, 點知, 行左成個奈良公園, 由十點幾行到三點幾, 都只係見到幾棵樹有紅葉, 唉…..不過都好過一d紅葉都冇既~~~~ 中間仲去左春日大社兼又做左傻仔買左個繪馬寫祝家中老太身體健康, 我每次去春日大社都做的~~~果度又例牌見到好多鹿, 又係成大班鹿圍住同追住d人搵食, 我呢d怕俾佢地追同撞既”笠水之人”, 當然係閃人啦, 全程都ok ge, 只係中途行行下突然落雨, 搞到我要搵地方著雨衣 (果度既遮太弱雞了, 落親雨大風少少都會吹爛, 所以我果日冇買到, 不過後來都先後買左遮)

行完公園就去奈良商店街lunch, 因為有唔少食店唔係摺左就係價錢唔抵, 最後去左一間中國料理店度食野

之後行去JR奈良站, 果陣JR站上空已經一大片灰雲了 (其實果日個天都陰陰地…), 之後就去第二站了

第二站 — 通天閣

每次去大阪都總會去兩度地方睇夜景或日景, 一個係通天閣, 一個係梅天city, 因為通天閣相對比較近我hostel, 所以就去左呢度了

去到果陣只係五點幾, 唔想太早上去, 於是去左通天閣下面最出面既串燒店度dinner, dinner完六點幾天都黑齊就上去通天閣睇夜景 (其實在日本, 每日當地時間五點就已經開始天黑或已經天都黑齊架la~~~ XDXD)

由於唔係weekend, 所以唔係好多人, 唔使同人迫下迫下至去到窗口位睇夜景 XDXD, 果度既夜景都唔錯架, 中間仲俾我見到附近既動物園已經著左Xmas燈飾tim, 不過我對動物園冇興趣 😛

我好鐘意在日本高空睇夜景, 因為由高空望落去會見到好多燈 (唔係睇壞眼既廣告牌果d燈, 係街燈同人地屋企d燈), 閃下閃下, 好似見到好多唔同顏色既星星咁, “萬家燈火”, feeling good ~~~

睇完之後就返hostel休息了, 之前網上睇到話間hostel老闆係台灣人, 點知去到見到個hostel keeper係日本女人兼唔識英文同普通話, 都有點down, 點知~~~原來晚上當值既hostel keeper真係台灣人來架~~~仲要話我既普通話佢聽得明講得ok, 好過好多佢見過既HK住客呀~~~真係開心到呢~~~~最重要係間hostel有lift, 有lift對拖gip去旅行既人好重要架~~~~!

返到房之後就打回家同家中老太報平安 (其實果日一落機已打過番去報平安了), 跟住就去shared bathroom 沖涼流洗了, 所謂shared bathroom, 就係平價hostel入面每層都有既公共bathroom, 每次只能1個人入去沖涼, 有齊沖涼梘液, 洗頭水同護髮素, 仲有風筒吹頭的~~~, 其實間hostel本身係有免費入場劵去附近既澡堂度浸下小溫泉的, 但因為太tired了, 第二日至開始日日攞 XDXD

沖完涼返房用電腦上一陣上網之後就訓覺了, 明天再出發 XDXD

讀者如喜歡這篇文章 ，可於文章最下方按下Likebutton以示鼓勵及支持（若LikeCoin用戶請先登入再按下Likebutton ，最多可按5下，而其他人士也可以了解LikeCoin及考慮是否註冊使用LikeCoin ）

而加入 LikeCoin 回饋創作者計劃，更有免費獲得coin的活動：

1. 註冊一個 LikeCoin ID (邀請人請填： tracy2018)
2. 確認已登入 LikeCoin (確認方法)
3. 點擊五下拍手(操作參考)
4. 完成後，你我都會獲得免費的 LikeCoin (可用來交換以太幣或現金)

讀者在看完這篇文章以後，若有興趣也可以閱讀其他相關的分享文章︰

#日本 #旅遊 #遊記 #Travel #化讚為賞 #化like為coin

在某年11月13日至11月30日, 去左日本18日, 諗住睇紅葉, 除左去左d”大路”地方如東京, 京阪神, 奈良之外, 仲同朋友去左九州, 中間有一個人四圍行既時候, 亦有與伴同行既時候

係呀, “又”係去日本呀, 唔少人都問我, 點解成日去旅行都去日本唔去第二度, 點解有時都要獨處好寂寞無聊咁呀~~~

我鐘意去旅行, 一來因為我想去一個”我聽唔明人地講乜, 而人地聽唔明我講乜”既地方, 因為做乜都唔使理其他人點睇, 只需在乎自己點睇; (但不是去胡作非為) 二來係因為去旅行會令到我可以唔使好似平時咁考慮太複雜既野, 只需好簡單咁考慮每日大約要去邊幾度玩, 然後再隨機應變轉plan, 雖然中途有唔少地方或見聞可能同想像中有落差, 但就係因為呢d落差, 可能會引發出一些意外驚喜

而我鐘意去日本, 有少部分原因係因為我鐘意睇日劇同日本組合Speed, 所以鐘意去日本旅行一下; 而大部分既原因, 可能係同我第一次去日本既經歷有關

呢個經歷要講番我上年4月既第1次日本旅行, 當時我係人生第1次去外國旅行, 因為要靠自己賺錢用自己既錢去旅行, 所以廿幾歲人至第1次去外國, 當時第1日到果度, 人生路不熟, 唔識講兼唔識睇日文, 就在我當時企o係火車同地鐵賣票機望住路線圖諗緊點買車票果陣, 有一個素未謀面既日本女仔, 佢見我on居居一丁友, 居然主動走來用日文問我有乜野佢可以幫到我, 當時我雖然唔識聽佢講日文, 但從佢既身體語言get到佢想幫我, 但我唔識用日文答佢, 唯有用爛英文同佢講我唔係日本人唔識日文

當時我心諗, 聽完我咁講, 果個女仔應該都唔會理我了, 點知, 佢聽完我講英文, 居然試圖用英文同我溝通想睇下有冇野幫到我, 最後仲向佢男友求救同我講英文睇下有冇野可以幫到我, 佢男友英文好少少, 當佢地知我唔識點買車票去hostel附近果個車站, 佢地就即刻教我點用賣票機, 然後仲帶我去車站月台, 仲因為順路同我一齊搭車tim~~~

全程車, 我都用英文或少少爛日文同佢地chat, 其實係佢地知我第1次去日本乜都唔識好緊張, 主動搵話題同我chat, 佢地應該係兩公婆, 另外仲有佢地兩位既媽媽, 四個人剛剛由上海去完旅行番日本, 我仲同佢地講我會去日本邊度玩, 幾多歲, 做邊行; 而最重要既係, 過程中我久唔久就流露出我第1次去旅行要獨處的擔心, 但果個女仔不斷同我講”大丈夫”(日文”冇問題, 冇事既”咁解), 仲同我講”su哥而” (話我要獨處都敢去旅行好勁), 唔知點解, 平時呢兩句我覺得好hea聽到唔會太上心既野, o係果一刻, 聽完產生左少少安全感同安心左少少 ~~~

之後佢地仲好詳細咁講我知, 我hostel附近有d乜野車站, 有supermarket, 仲講我知由hostel可以點轉車出市區玩, 之後去中途轉車站, 佢地仲好好人咁帶我到要轉線既月台, 仲幫我”meat”走我揹在背後backpack上面既飛機寄艙招紙至走~~~

就係因為呢個經歷, 令我對日本有一種情意結, 之後每次去旅行都諗去日本先~~~~ 因為每次去日本, 間中都會有日本人主動來問有冇野要幫手, 甚至會主動出手幫忙 (除左幫忙dig大行李上落樓梯…=.=)

好~發表完大家可能會得無聊既旅行”偉”論(可能在大家眼中係歪理)之後~唔少朋友都可能好奇我今次去日本又做左乜野呢~~留待下回分解

P.S. 身處日本果陣, 睇日本新聞話十月打過大颱風之後, 打傷左日本d楓樹, 仲要話冇上年咁靚, 另外, 今年既紅葉唔知點解遲左大半個月去到十一月尾至開始變到全紅, 果陣我已近日本旅行尾聲見唔到全紅既紅葉景, 反而見到好正既銀杏樹黃葉景~~ 

讀者如喜歡這篇文章 ，可於文章最下方按下Likebutton以示鼓勵及支持（若LikeCoin用戶請先登入再按下Likebutton ，最多可按5下，而其他人士也可以了解LikeCoin及考慮是否註冊使用LikeCoin ）

而加入 LikeCoin 回饋創作者計劃，更有免費獲得coin的活動：

1. 註冊一個 LikeCoin ID (邀請人請填： tracy2018)
2. 確認已登入 LikeCoin (確認方法)
3. 點擊五下拍手(操作參考)
4. 完成後，你我都會獲得免費的 LikeCoin (可用來交換以太幣或現金)

#日本 #旅遊 #遊記 #Travel #化讚為賞 #化like為coin