在日本的第一晚, 唔知係咪因為”生保”床既關係, 在床上攤左幾個鐘至訓到, 諗住較左鬧鐘日本時間五點半起身, 最後訓到日本時間七點幾至醒, 之後果六日幾乎每日都係日本時間七點幾醒, 不論有冇較鬧鐘 😛

是日出發去京都 ~~~ ^^, 由於我呢次電波之旅是以sightseeing為主, so我係完全冇去到任何既shopping mall既, 在京都果三日都係參觀寺廟居多 😛

其實尋日去大阪通天閣前, 已o係旅館附近行下認下路, 仲俾我發現比第一日來果個火車站更方便既地鐵站, 於是, 我呢一日開始日日去第二度玩都用呢個地鐵站出發 😛

第一日搭車由大阪去京都, 如果精神好既話, 都可以望下出面既景物既, 不過我朝朝都訓唔醒咁款, 所以在車度幾乎全程”釣魚式”訓覺 :P, 而因為日本的黄金周hoilday (4月28日至4月30日, 5月3日至5月5日) 關係, 車站入面的步行道雖然好多人但未至於迫死你果隻 ^^ btw, 黃金周hoilday係尋日同”貴人”在車上chat果陣傾開而得知的 ^^

坐左成粒鐘, 終於到左京都站了, 於是我就走去找車站轉車去京都第一站 — — 金閣寺, 因為我係一個唔鍾意太多planning局限既人, so我冇plan到take bus要幾耐至到金閣寺, 亦冇預算會在寺內行幾耐, so我已決定下一站未必會跟原有的plan上的次序做, 只係睇下邊個plan左既景點順路就下一站去果度 :P, 坐左個幾鐘左右, 到左金閣寺, 原來都有唔少人去的, 除左一定會見到既日本旅客, 仲有些係中國or台灣人tim, ofcoz都有幾個HK人啦, 入面地方唔係好大, so好快行完, 不過個人認為金閣寺坐落在湖中央既園林設計幾好

之後因為回程去京都架車經我另一個想去既景點 — — 二條城, 於是我就下車去京都第二站 — — 二條城, 其實真係冇乜planning, 都係事前plan左initially 去邊d地方, 之後再睇時間做人, 同睇下順路or not

二條城入面真係好大, 佢個城樓同周圍既園林佈局真係幾正架, 不過就係因為地方大, 行到我累死咁滯, 在入面的小食部買少少野食同休息, 是日的lunch就咁草草搞掂; 我係一個對食唔講究既人, 我反而比較著重sightseeing既享受多d :P, 之後見小食部出面有電話亭可以打長途電話, 於是打左返屋企同 老家中的”師奶”報平安同吹水 (前一晚因為冇電話用, 只好硬住頭皮問旅館老闆借電腦的Skype打電話番HK好趕咁報平安 :P)

之後見係日本時間兩點幾, 時間尚早, 於是就去左嵯峨站度買第二日既嵐山小火車既車票了, 沿途轉完地鐵再轉電車 (其實都唔算係電車既, 不過係一架好慢既火車jei), 去到買車票果陣, 今次我試用國語問, 但唔知係佢地唔識聽定係我國語爛, 佢地俾左個”唔明”既反應我, 於是我又本能地用左英文加body language問, 佢地今次俾到反應我同埋好helpful同patient 咁serve我 ^^

之後見係日本時間三點幾, 仲可以去多道地方, 咁就轉完電車再轉地鐵咁去到 祇園了, 祇國行去八”土反”神社果條shopping street兩旁都有唔少店舖俾人買手信同食野, 不過價錢當然係有番咁上下”唔抵”啦 :P, so我都只係window shopping而沒有買, 去到神社, 行左冇耐, 就見到有日本人get married由神社中央行去神社既restaurant了, 果個日本”外父”個勢睇落幾惡下架 :P, 之後我去左神壇前throw some money拜兩拜, 見有占卜機, 咪用左100yen占卜囉, 我占到”吉”簽呀, 果下勁開心 XDXD 在之後既幾日, 有幾次有占卜機, 就用100yen求簽, 全部都係”大吉”同”吉”簽, 勁開心, 雖然唔識睇日文簽文, 但有”吉”同”大吉”就得了 XDXD

之後諗住係日本時間四點幾, 咪諗住行埋神社後面既yen山公園囉, 點知開始行唔夠兩步, 就下雨了….果陣我心諗, 得我一個人在呢度冒雨行yen山, 又唔係好多野睇 (唯有咁安慰自己唔好行 :P), 於是就skip左yen山公園唔行, 行番去祇國附近了

中途唔小心跌左相機落地自己唔知, 好在俾日本人叫停我話我知咋, 不過我部相機雖然係”小學雞”爛鬼DC, 但跌過在地下幾次依然仲用到 :P, 另外又見到一個坐mini cooper的red bull女郎, 佢真人係好nice同幾kawaii的, 最緊要佢係淡庄嘛 (呢個在日本好special ga, 當你發現大部分日本女人都化濃庄 :P), 佢全程保持笑容, 當聽到我唔識日文, 就用英文and body language介紹佢要sell既新款 red bull, 如果HK多呢d sales咪幾好囉 😛

之後見日本時間六點幾, 咪搭車返京都站既地下街度搵食for dinner同行下地下街hea下囉, 巡完d食野店後, 就去左一檔麵店度食冷麵了, 碗麵都幾ok ga, 好快咁食完左之後就開始行地下街, 如果係我HK班成日鍾意shopping既朋友陪我來到行地下街, 我諗冇半日都未必走得 :P, 因為步行街有好多衫褲for返工and leisure, 佢地一定會發左癲咁走去間間入勻去睇同揀 :P, 我乜都唔買齋行步行街, 都行左成個幾鐘 😛

之後我就盡興而歸咁搭車返旅館了

當返到旅館附近果個地鐵站之後, 我開始發現後面有個鴨咀帽大叔跟住我, 由於晚上過左八點鐘, 果個地鐵站係幾乎冇人既, 所以我一見到有人在附近就會好alert, 當然呢個同我本身 行街警覺性高有關啦 :P, 講番果位大叔先, 我本身諗住個大叔只係咁啱順路就冇理到佢, 點知佢好似一路在我身後不遠處follow me咁行, 咁我就急步咁行入附近既supermarket買支裝水兼神隱一下了, 不過就算唔神隱, 我每日都會在呢間supermarket買水同麵包做breakfast or somehow lunch :P, 在supermarket門口撞到旅館另一個老闆 (我住果陣旅館有三個boss的, 以我估計), 但我當時認佢唔到, 佢主動同我say goodnight, 我只有禮上往來同好爛日文同佢講goodnight :P, 之後買左水出來, 唔見左大叔, 以為甩難啦, 就好relax咁行番旅館了, 點知在最後直路, 俾我見到頭先果位大叔在我對面蚊型居酒屋出面扯煙”充電”, 仲要開始由對面向我呢一邊行過來, 咁我就二話不說急步行入旅館了, 當步入旅館果一下, 已經safe了, 總算有驚無險 XDXD

之後因為tired, 即刻去左沖涼洗頭, 但沖涼洗頭完返房後又冇咁tired, 咪開下電視睇下囉

在日本晚晚未tired到去訓覺前都會開下電視轉下台睇下有冇野睇, 果度既電視節目連日文字幕都冇, 真係好難明佢地講乜, 唯一真係識睇既係果邊每日廿四小時全天候播放既免費AV台, 齋睇都知佢做乜嘛 :P, 不過入面既characters係一d都唔出名的, 同埋係冇劇情可言純做千篇一律既動作, 除左悶同突兀之外冇其他feelings, 或者男士會多d feelings 吧 :P, so我睇左一陣都轉台睇第二樣了, 轉左去我唔識睇但又追睇的日本節目, 就係本身在HK追開, 而日本又每week做一集的日劇, 不過因為有時要沖涼關係, 追唔哂成集, 要之後返HK再追過, 而日本同台灣一樣, 幾乎晚晚都播綜藝節目, 我在日本果七日就睇過一小段AKB48 and SMAP主持的節目, 不過冇興趣睇左一陣就冇睇, 如果要睇台劇, 就要過左日本時間十一點後了, 因為果度有個台係十一點後播台劇的, 我在日本果陣做緊台劇”下一站, 幸福”, 但因為太夜同我睇過成套台劇, so睇左五分鐘就訓左

除左睇電視睇到累, 我每晚都會用十幾分鐘諗下第二日大約會去邊幾度地方同點搭車去, 呢個係我在日本電波之旅唯一要諗既野, 所有HK既野可以暫時throw away唔使諗, 可以俾個腦暫時clear哂所有野齋relax, 同埋去旅行冇人識我, 可以好free咁想做乜就做乜, 自己話事^^

做下hea下都左日本時間十點幾十一點, 累到想訓了, 明天再繼續京都寺廟遊 XDXD

讀者在看完這篇文章以後，若有興趣也可以閱讀其他相關的分享文章︰

#日本 #旅遊 #遊記 #Travel #化讚為賞 #化like為coin

在出發日前幾日訂左機票之後, 就一路等到4月29日呢一日到來

我仲要前一晚因為心情又興奮又worry, 搞到訓唔著乜滯, 在床上”din”下”din”下咁等到四點左右起身, 跟住搭通宵車出發去機場, 沿途有一個好有我心既師奶訓唔著特登起身主動陪我由屋企過去車站度, 仲要陪我在下雨中等車等到我上到車為止 (當然我地是有天橋檔雨既 :P), 呢個我叫左佢唔使陪我都insist要陪我走一轉既師奶, 就係我家中的”無敵師奶” (my mom) la XDXD

之後, 在車上果個幾鐘, 出面既大雨落下又停下咁, 在清晨五點幾, 去到機場了, 但由於架機係7點半check in, 咁就要等多兩粒鐘, 突然醒起家中師奶話: 你個背囊如果寄”倉”就好用把鎖鎖好個扣呀, 唔好俾人開到個背囊呀 ~~~ ! So我特登帶個鎖在機場鎖住個背囊 😛 😛 😛

之後7點半入閘後, 見悶悶地就霸左入面既PC一路上FB上到八點幾左右, 這是由於上飛機”倉”時間由八點零五分因為大雨關係改到八點二十幾分至上到去, so果日早上係我用FB咁耐以來打得最多FB status的一個早上 😛

之後在機”倉”上, 第一次覺得賣機票既agent係呃我錢, 又話平機位俾人攞哂呀, 好難book到機位呀, 又話呢樣果樣, 我坐去日本架機, 幾乎冇人坐咁滯, 何來機位難求呀~~~!? 把幾火!?

唔講Agent咁掃興了, 講番坐機”倉”先, 在機”倉”因為出面倒水咁落大雨, 由八點機坐到九點幾至可以起飛, 全程接近四粒鐘, 去到日本, 已經係香港時間2點, 即係日本已經三點了 =.=, 之後在日本關西空港 (Japanese “空港” = Chinese “機場”) 辦入境手續, 果度既staff好好人, 會教點填, 用日文加少少英文, 不過佢地既英文因為日本人口音而唔係好fluent, 之後去輸送帶度拿背囊, 發現成個背囊濕透哂…..你慌唔係在HK等起飛時”dup”濕哂咩…..早知唔鬼貪方便寄”倉”啦…. =.=

不過因為本身去到日本機場已經係三點, 就算即刻揹埋backpack去sightseeing都要好hurry咁遊覽 (因為某些景點會在五六點左右關門), hurry sightseeing not my style, so我見日本關西機場有成四層樓咁高, 咁咪在機煬度揹住backpack周圍行下囉, 一來用機煬冷氣吹下個backpack, 二來睇下有冇合心水既野買嘛, 最後買左少少野飲 :P, 臨離開機場時, 發現我手提在日本係完全收唔到, 我至知道我手提在日本冇漫遊既, 可惜找完counter問, 都找不到適合我手提的mobile card, 注定係用唔到手提, 即係我要take risk (如果有potential danger, 分分鐘求救無門…..)

之後就在機場買左一張”關西thru pass — 3 days”, 呢個pass好似HK既全日通咁, 不過佢係三天全日通, 可以在任何三日內任搭火車, subway同好多巴士 (唔包最貴既 JR線), 仲有一d遊覽景點入場費優惠tim, 盛惠 5000 yen (around HKD$500) 一張, 大家唔好以為好貴, 日本關西subway同火車一個站閒閒地都around HKD$20, 你可以imagine下搭一個站地鐵要HKD20, 咁你就知唔係好貴了, 同埋如果你要成日搭車周圍去, 兼且會有機會出錯站而要再入番站去搭車的話, 呢5000 yen既pass絕對可以幫到你, 更重要既係, “任何”三日用都得, 唔需要連續三日咁用嘛 ^^, 我去日本7日, 除左第一日冇乜地方去之外, 日日都用呢個pass搭車架 ^^

買完野, 去到機場隔離既火車站, 本身第一次到日本既我, 因為唔知點用果度既買票機, 企在買票機前不遠處研究緊點用, 仲未諗住用既時候, 又一個好nice既日本女仔走來用日文問我有冇野可以幫到我 (我完全聽唔明ga, 不過get到佢係同我講呢樣野 :P), 之後我唯有用英文用佢講我唔識日文 (sorry, 雖然我母語係中文, 但我在陌生地方係本能地會用左英文講野的, 唔知點解 :P), 之後諗住佢多數會唔再理我啦, 點知, 原來佢找佢識少少英文既另一半來問我有冇野要幫手, 逐一步咁教我點買票, 仲幫我買票tim, 當然錢係我自己出架啦 XDXD, 咁都未算, 佢地一行四人 (日本女仔, 佢另一半, 佢地既母親) 見順路, 同我一齊搭火車去到一個轉車站, 全程係怕我悶, 好努力咁同我chat, 當我有幾次用好爛既日文話好worry果陣, 日本女仔好有安全感咁用日文同我講左幾次: 大丈夫 ~~~ 果時真係好開心, 估唔到一到日本就遇貴人, 仲要係剛剛去完上海旅行完回國既貴人呀 (呢樣我係同佢地chat時佢地講的) ! XDXD 佢地仲要用手提search下我在邊個車站落車去我間旅館最方便同埋幫我睇下我旅館附近有冇supermarket, 便利店同澡堂tim, 之後佢地仲好人到在轉車站幫我問職員在邊條線我可以轉車去我既旅館附近個車站 ~~~ 仲帶埋我去適當既月台度, 之後佢地仲幫我撕走我backpack下面已經冇用既機場label紙至走呀~~~ 勁nice勁好人囉~~~~ ! XDXD

可惜, 之後我就在日本發生左件好搞笑既黑仔野, 咁在貴人走了之後, 我架火車都來了, 但當我throw away 機場label紙入左火車之後, 發現車票唔見左, 諗一諗至知, 自己唔小心throw away機場label紙時連埋車票都throw away埋….我當堂九秒九跳車番去睇下可唔可以找得番啦, 但係, ofcoz 係找唔番 la, 咁我唯有用英文, 紙筆畫公仔咁同火車職員講野啦, 佢地只係勉強識睇我既body language 同畫公仔咋….Orz….好彩佢地最後都唔使我補錢, 俾張臨時車飛我用咋 (可能見我係tourist至咁好唔使補錢 :P)

到左有驚無險咁去到旅館, 俾埋7日既住宿費同保證金 (住旅館要俾你間房條key既保證金架, 怕你唔見key嘛, check out時會退番保證金的), 已經係日本時間五點幾六點了, backpack 入面d野 (衫, 褲, socks, 旅遊書)又濕鬼哂, 當堂冇mood…. 唯有睇下有冇最近我落腳點而又仲去得切既景點囉, 之後就去左大阪既通天閣了 (因為我搭幾個車站就到通天閣, 六點出發都仲可以去 XDXD), 通天閣下面仲有一間好出名既串繞店, 大排長龍架, 入面仲有中文英文同韓文menu tim, 不過由於我折騰左一大輪, 已經冇乜mood講禮貌, 所以當我走果陣, d staff同我同日文同國語講多謝時, 我係冇反應既… 😛 之後趁通天閣仲未到九點點關門時間, 就上去睇下大阪夜景了, 大阪夜景幾正架, 可惜我只係得呢一晚可以睇到夜景, 其他六日都因為時間關係睇唔到夜景

之後坐車返到旅館, 已經係日本時間十點了, 沖洗完返房訓果陣都已經當地十一點了

讀者在看完這篇文章以後，若有興趣也可以閱讀其他相關的分享文章︰

#日本 #旅遊 #遊記 #Travel #化讚為賞 #化like為coin

本身四五月放long vacation (long vacation呢個team每次都令我諗起木村拓哉好舊既電視劇 long vacation主題曲 :P), 想飛出香港去過relax trip, 加上我有幾位朋友分別三月尾and四月頭去左我既dream place — 日本 — 旅行, 聽完佢地講既見聞之後我自己都好想去日本一趟, 就咁就促成左今次四月尾至五月頭的日本7天之旅了 XDXD

去左日本呢7日真係好relax, 同上次台南之旅唔同, 今次我真係乜都唔諗, 淨係每日諗第二日要去邊度sightseeing同搭乜野車去sightseeing

雖然我唔識日文, 但果度既日本人overall都好nice, 肯幫人的, 只係好多時”我有我講英文, 佢地有佢地講日文”囉 :P, 佢地都有講少少英文答我野, 我到get到佢地意思既, so呢7日在路上都冇乜大問題發生過 XDXD

讀者在看完這篇文章以後，若有興趣也可以閱讀其他相關的分享文章︰

#日本 #旅遊 #遊記 #Travel #化讚為賞 #化like為coin

某年九月十二日及九月十三日

究竟人人眼中既台南渡假聖地墾丁, 點解我會話係驚險呢? 耐心d睇落去就知架 la XDXD

上次講到我同朋友由阿里山返高雄掃街dinner, 第二日跟手晨早搭長途車去墾丁了, 去到墾丁就即刻找我地book左既旅館落腳, 點知旅館既人話我地冇book房, 要我地攞證明~~~我果陣唔知係咪因為俾人屈而開始有點燥, 身上一時間又冇證明book左房既email證明~~~~ 好彩搞左一陣個staff 自己check番email知道我地有book房就俾左間房我地了

之後我地就在旅館附近周圍行下同格下價睇下邊度租電動單車會最抵, 我呢個冇平衡力既人試試左唔夠五秒已經被certified了, 因為本身都唔識bicycle, 更何況係電動bicycle哩~~~好在朋友開到架車, 有車尾坐 XDXD 之後我地就在電動單車上開始左我地既”幾乎忙命之旅”了

第一日我地出發去海灘同睇日落 (海灘名唔記得左 :P)

海灘之行就驚險了, 臨走行去泊電動單車的地方果時, o係我同朋友附近有一隻血氣方剛既唐狗, 佢睇中左朋友, 仲意圖run向朋友度有所企圖, 咁朋友就跋足狂奔啦, 咁本身我呢個都係好驚唐狗同埋身上冇武器既人見隻狗既target唔係我就更係企在原位唔郁等隻衰狗追唔到朋友自己走啦, 點知……隻狗追唔到朋友之後突然擰轉頭望住我一陣, 我心諗: 你隻衰狗做乜鬼望住我jei ~~~ > ~ < !? 之後佢真係run過來向我埋手, 大鑊了, 我諗住搵身邊d私家車做掩護啦, 點知隻衰狗又攝埋過來, 佢仲要向左向右快速彈下彈下準備飛過來咬我咁款, 我即刻乜都唔諗九秒九攝番出去大聲同爛”煲冬瓜”向人求救, 好彩當時我附近有三個台灣女仔, 佢地唔驚隻衰狗之餘, 當中有一個最強悍既女仔仲要幫我解圍, 隨手執起木棍朴落隻狗到嚇到隻狗唔郁一陣, 咁我就即刻九秒九靜靜地咁走去本身甩難之後行到遠一遠既朋友度, 然後秒速上電動單bill走啦

之後我地就出發去睇日落了 (睇日落地點唔記得左 :P, 只記得係墾丁好出名睇日落既景點), 果度都有唔少人等睇日落, 可惜好景不常, 天氣唔好作大雨, 睇唔到落, 我同朋友係最後一批睇唔到走人的兩個人, 咁咪唯有返墾丁大街囉, 起程番墾丁大街冇耐, 個天已經開始越來越黑了, 冇幾耐仲黑哂下大雨, 果種黑同大雨係連附近好近既其他車既車頭燈都唔能夠睇清楚果隻 =.=, 我地就係o係咁既情況下冒死趕路, 因為稍為黑仔d都會因為天雨同埋水浸而炒車死左都未必有人知果隻 (當時路上已唔係好多車, 但架架車都開得好快 =.=), 我地仲要一個雨衣兩份著, 點著? 我在車尾被雨衣包住個頭就好似係森美小美之前千奇百趣入面用”C物”笠頭透唔到氣咁款 :P, 而朋友就雨衣頂帽只係遮到”後尾枕”囉, 曾經中途休息過同打過去租車果度求救, 點知佢地話墾丁大街果邊冇雨, 話d staff出哂去同人換電動車battery, 叫我地自己ride番去~~~~ =.=, 咁我地唯有繼續上路囉, 後期我在車尾”稍”到朋友將架車開到最高速bill番去, 我由原本同佢勁嘈咁趕路, 變到唔敢出聲disturb佢, 我怕disturb佢搞到一齊炒車就唔好啦 :P, 不過我地果日都先後因為輕微炒車而飛出車外草地幾次了 😛

有驚無險咁返到墾丁大街, 死過番生之後望住既台南中秋月亮, 特別圓同特別靚 XDXD, 之後因為朋友隻腳因為長期出力騎電動單車而負傷, 去左墾丁藥房買藥膏布貼, 之後我地行左墾丁大街一陣就番旅館休息了, 果陣才第一次見到我地的香港人同房, 同我地又係一樣做backpacker XDXD

第二日去左恒春古城同出火, 恒春古城俾我既唯一感覺係一個人煙稍少的八九十年代古舊社區, 去到出火, 因為唔係晚上去睇既關係, 個火俾我既感覺係 — — “透”左好耐至”免力”強”透”到的燒烤爐火 :P, so呢兩度對我來講都冇乜特別, 之後我地就執野去高雄機場飛番HK了, 番到HK都已經係晚上了, 朋友第二朝仲要返工, 我就醒了一早請埋第二日假在家休息一天 😛

後記: 返到HK後, 我成隻左腳小腿因為在墾丁連環小炒車而開始又紅腫又瘀痛, 朋友都唔好得去邊, 佢有一隻眼因為騎電動單車時曾經俾側邊伸出來的樹枝整到, 返來唔舒服而要see doctor ar

所以我奉勸各路英雄好友, 尤其是曾經想同我一同去旅行的好友, 我去既backpacker旅行唔係講玩架, 係搵命博架~~~ :P, 你地如果只係純綷想去旅行shopping or 豪華遊就唔好預我了 😛

讀者在看完這篇文章以後，若有興趣也可以閱讀其他相關的分享文章︰

#台灣 #遊記 #Travel #化讚為賞 #化like為coin

上回講到在阿里山半夜三點幾起身出發睇日出, 果陣我比我朋友早起身少少, 於是o係佢梳洗緊果陣我就落旅館大堂視察, 估唔到, 我果陣著住一件普通短袖反領Tee, 在十度左右既低溫走來走去居然唔覺凍, 可能因為訓得少, 身體唔係咁feel得準gwa ~~~ :P, 出去大堂視察環境果陣係一個人都冇, d人係未起身, 之後我地整頓完四點左右出發果陣, 至在大堂開始見到冇人, 包括包租婆同佢女兒們打球中, 佢地著羽”擁”同我地著短袖衫加長袖薄外套變左好大對比 😛

跟住我地摸黑出發, 最慘係我攞去既大小電筒都唔聽洗, 唔係唔著就係唔光照唔到路, 要旨意哂我朋友既電筒了, 沿途都有兩批人, 夾埋大約十幾人左右同我地一樣上山睇日出, 行左兩個幾鐘, 終於上到去睇日出了, 果度有個小販變身做導賞員在日出前講阿里山日出既小道歷史同搞爛gag, 真係有少少gag 😛

到左日出果陣, 嘩~~~~, 日出真係好靚呀~~~~最好彩係小販導賞員話前兩日係有雨睇唔到日出架, 但我地果日有得睇日出呀~~~~

睇完日出之後, 望番周圍既人同景, 發現個個望落個樣變哂purple color, 變左A貨”阿凡達” 😛

之後, 慢慢行番落山, 中途經過一個叫”受鎮宮”既temple (太耐唔寫, 我都唔記得個temple係咪在呢度or第二度 :P), 在入面求左支簽 (for 工作….), 不過之後係自己返HK上網找簽文explanation, explanation係乜? 唔講, 因為唔記得, 亦唔想講 😛

之後, 行左返去旅館休息一個幾鐘, 就收拾行裝同出去食lunch, lunch完返旅館攞野搭車走去下一站 — — 奮起湖

搭車果陣, 周圍的霧由山中飄出來, 都幾靚架

之後到左奮起湖, 我起初以為係一個大湖only, 原來係一條小村同又係一大片山, 果日落小雨, 我地行山咁行去睇左入面既子母湖(大湖同小湖), 又行左成個村, 最慘係我地臨走去返去車站搭車果陣, 我PK左, 係真係PK左!? 我唔小心行左去好滑既斜路度, 一滑到就PK左, 連掛在心口度既眼鏡都跌埋, 仲要之後返轉頭搵番個眼鏡, 都唔係好記得去到果度做過乜野其他野了, 只係最記得PK左 =.=

之後就出發返去高雄, o係去番previously住過既民宿度安頓之前, 我地揹住backpacks去左行高雄夜市先, 果度真係好似大笪地架, 成條路兩邊都係小攤檔俾人買野飲買野食, 價錢都係幾十蚊台幣(大約十幾蚊HK$), 我同我朋友去食左”蚵仔煎”, 可能因為果度既人係用生煎蠔仔既方法整, 我朋友覺得佢太滑同生, not very like it :P, 之後佢亦買左一些唔記得炸乜野既小食 (真係太耐唔鬼記得了 :P), 我地行左成個高雄夜市, 之後就番民宿度過夜了, 我地住開果間係四人房, 之前去得我地住, 果晚去就多左兩個疑似係台北女仔, 應該係放假去台南travel果d, 據我同我朋友分析, 一個睇落好cool同應該唔多好相處咁既, 一個就好斯文既, anyway, 唔理了, 拿拿淋去梳洗訓覺了, 第二日仲要晨早出發去墾丁 ~~~~

勢估唔到, 去到墾丁, 竟然為我地既台南”幾乎死亡”之旅埋下伏線……… 請待下回分解

讀者在看完這篇文章以後，若有興趣也可以閱讀其他相關的分享文章︰

#台灣 #遊記 #Travel #化讚為賞 #化like為coin

台灣之旅 戀戀阿里山 某年九月十日及十一日

上回講到我同我朋友半夜去到台南旅行第一站的高雄, 因為又夜又”支力”, 加上第二朝又要晨咁早仆起身搭早車到阿里山, so我同我朋友果晚一去到民宿聽包租公advice我地少少transport suggestions後, 就”喳喳淋”咁沖涼訓覺, 不過當然係唔會點訓得著果隻啦~~~ 😛

到左第二朝, 九月十日, 我地五點四十五份起身梳洗完就行去民宿附近的公車站搭車到高雄火車站 (不是搭捷運, 因為捷運比普通火車貴”成個開”咁滯 =.=), 唔知係咪我地太早出街行, 條街係冇人ge, d shops又未開, 公車上都只係有少少人坐, 同半夜條馬路上多車到好似睇住無數既馬跑緊咁既feeling好唔同

去到火車站, 買左車飛後因為仲有時間, 就在車站附近的天橋上同我朋友吹水傾工作上的樂與怒, 一直傾到夠鐘入閘搭火車, 沿途我地又係不斷咁吹水, 之後在火車上坐左兩個鐘左右就到家嘉義火車站, 不過嘉義唔係我地既落腳站而係中轉站, 我地在火車站外面的公車站搭車去阿里山, 去公車站買飛果陣, 俾個”歐巴桑”係咁cur住我地講野, 係咁試圖說我地去坐佢個白牌車, 正所謂”阿婆走得快, 一定有古怪” :P, 慌唔係想割到我地一頸血大出血咩, 於是我係咁hea佢, 佢講乜我都係咁用爛台語講”謝謝, 不用啦”, 即使我朋友向佢八左少少阿里山既野, 我都一於hea佢 😛

之後又坐左兩個幾鐘車至去到阿里山, 中途因為風景太靚而令我地為之讚歎, 果度係”迷霧中帶點神秘的朦朧美”, 之後上到阿里山, 我地”喳喳淋”咁去我地落腳既天主堂旅舍放低野之後就去醫肚了, 果度只係有一個小中心區俾人買手信同食野, 我地去左一檔路邊檔食左兩碗麵兼休息一陣就出發去行阿里山了

初頭都好好行, 我地choose果條路舒服得來又冇乜人行, 唔使行到”滾水淥腳”咁款, 全程俾一陣白茫茫的迷霧森林包圍住, 迷朦中帶點優美, 但又看不見前面遠處的景觀, 這種環境令到我有好似在森林探秘咁既feeling, 可惜好境不常, 天氣由最初行阿里山時的毛毛細雨, 行到中斷變左狂沱大雨, 我地在阿里山中間”唔上唔落”的梗頸位, 唯有手持縮骨遮繼續行完佢了, 雖然咁樣行山唔好受, 但係總算有美境睇, 都算係”不幸中既大幸”ge :P, 可惜有少少掃興既係, 臨尾離遠聽到一大班強國旅客每到一個景點影大合照都要集體大嗌, 冇錯, 係集體大嗌!? 當時在阿里山大雨中行山的我, 心中不禁浮出好多”一字經”, “二字經”甚至”三字經”, 呢班友仔真係…..唉…. 😛

之後行完阿里山, 都六點幾七點了, 我同我朋友都變了落湯雞了, 全身都應左林峰演唱會果句: let’s get wet! 但因為太肚餓, 濕左身都唔理了, dinner左先回旅舍梳洗, 梳洗完後, 我地就睇左一陣電視, 睇我朋友好迷果套探險節目”人在野” (當年TVB Jade改果個名), 我因為damn tired, 睇左一陣就訓著左, 仲係三十秒內訓著左果隻, 之後我朋友睇多一陣就訓了

到左第三日, 零晨三點幾, 一個我平時死都唔會起到身既時間 :P, 我地又起身出發了, 今次係半夜上山找個靚位睇日山

想知我地半夜上山過程係點? 之後又去左台南邊度玩? 下回分解, 請待心等待 😛

讀者在看完這篇文章以後，若有興趣也可以閱讀其他相關的分享文章︰

#台灣 #遊記 #Travel #化讚為賞 #化like為coin

台灣之旅 高雄第一夜 某年九月九日晚

果晚我懷著複雜既心情於收工後出發到機場搭飛機到台南, 到左台南已經係晚上十一點左右, 我同我的朋友一下機就係咁徑步走去counter位辦入境手續, 之後又一個箭步走去搭台南地鐵到我地暫住的民宿附近行過去, 當時我地不知幾驚搭唔到尾班地鐵呀~~~好彩最後係尾二班車 😛

搭完地鐵, 一出到站口, 條街一個人都冇, 俾著在香港見到呢個情況, 都咪話唔驚, 不過果刻在台南都驚驚地架 :P, 於是我就同我朋友一直不停步咁向住我地暫住的民宿前行了, 沿路上果十幾分鐘路程我地見到路人三四個, 電單車同私家車就大把~~~, 真係多車都冇朋友, 我估唔到台南半夜仲有咁多車在公路上行, 係半夜~~~!

之後去到我地落腳果間民宿, 民宿包租公同佢的可愛白色小狗welcome us, 包租公在我地安頓好行李後好細心咁問我地之後的行程同俾左一些有用的transport suggestions我地, 第一晚就令我有少少”出路遇貴人”的感覺, 不過當俾房租果陣, 因為跌左錢想執番果陣俾包租公隻白色小狗以為我想打佢, 佢係咁吠同想衝向我, 嚇到我要避左佢, 果一刻, “可愛”的小狗一秒變”可怕”的小狗 😛

之後包租公回家休息, 我同朋友沖完涼都半夜一點幾要休息了, 因為第二朝要一早五點幾六點起身搭頭班車向阿里山進發, 不過, 一來因為”生保”床or其他心理因素的關係, 我果晚其實係冇乜點訓過的 😛

下回就會開始講 台南之旅 阿里山 ^^

2018年後記︰近日至知道自己搞錯，高雄是在屏東而不是台南 😛

#台灣 #遊記 #Travel #化讚為賞 #化like為coin