Tag Archives

2 Articles

社會

提防騙案 之 “租鋪”

Posted by slienceblack on

之前和大家分享過小編的口罩騙案經歷叫大家小心提防“租鋪”口罩︰

提防口罩騙案 之 “租鋪”口罩!

今天小編再分享一下這間「黑店」近期的一二事,讓大家在光顧這「黑店」或關聯店號前先自行衡量一下風險。

首先分享的是,這間「黑店」9月初向之前曾在他們平台落單的客戶發出了一個所謂「千字文」電郵感謝支持者的包容及忍耐,電郵內容中有幾點值得商榷︰

一)聲稱「我們所有訂單終於全部出貨了!」

但綜合其他苦主分享的實情是︰

  • 當不少客人被他們拖貨太久要求退貨時他們聲稱已出貨而拒絕所有退款要求,但未能提供有效的送貨編號供客戶向送貨公司查核;
  • 之後又聲稱送貨公司系統(未有進一步情報說明他們指的是順豐還是Zeek)有問題而再度拖延;
  • 擅自更改送貨公司而不通知客戶,因更改送貨公司而產生的額外送貨費用還要由客戶去負擔;

二)聲稱「因為本公司的處理不善,令大家都有不少不良好的體驗,但同時亦感激各位諒解我們是初成立公司,由第一次經營此生意,中間我們不斷摸索,縱使有很多不熟悉和意外,導致當中出現了多次失誤,但我們也一次一次的成長和進步,希望愈做愈好 !」

但綜合其他苦主分享的實情是︰

所謂的「成長和進步」,恐怕只是拖延/拒絕退款出貨時所用的藉口的「成長和進步」了,恐怕只是刪除/隱藏苦主們在其社交平台追討及不利他們的訊息的手法「成長和進步」了。

他們先前是推說自家退款系統固障未能退款(但在小部分客戶不斷鍥而不捨地多番追討欠款並向一些部門投訴及一些媒體報料後卻能用退款系統去退款);後來進化到推說因已送貨而不會退款(但未有提供有效的送貨編號以供查核),再推說是人家送貨公司的系統有問題;近期更進化到向要求退款的客人推說若客人不自行收貨,送貨公司於2-3個月後會銷毀貨品,變相迫客人即使對服務貨品早已不滿意並已要求退款都只能選擇收貨了事。

而他們由先前間中派員檢查並刪除/隱藏苦主們在其社交平台追討及不利他們的訊息,到後期令苦主們在其社交平台追討問責他們的訊息「即出現即刪掉」令其不見天日,讓其他不知內情的潛在客戶被蒙在鼓裡,到更期更索性將他們的某些已被發現曾有多位苦主留言追討問責他們的posts都隱藏掉,並且不再有更新消息。

三)聲稱「經過這次經驗後,我們已經深深吸取了此次的教訓,將來必定會愈做愈好,不會再讓各位失望。最後,希望在將來的時光裡,你們仍然繼續支持我們,給予我們繼續為大家服務的機會。」

但綜合其他苦主分享的實情是︰

他們對待客戶由始至終都一直用懶得回應的態度來應對,直到現在還是態度不變,令客人對他們不再是失望而是憤怒和絕望。還希望客戶繼續支持及給予機會?他們是開玩笑「搞爛gag」嗎?

四)聲稱電郵內容是千字文

但實情是︰電郵內容只有471字。(小編對「千字文」這幾個字較敏感,真係會數下字數架!)

此外要分享的是,”租鋪”這「黑店」近日向之前曾在他們平台落單的客戶發出電郵推介另一間賣小食的網店「Foodie King放題」,未知此網店會否是”租鋪”這「黑店」見未能再繼續利用口罩詐財後的另一「傑作」,大家心必須小心提防。

#香港 #口罩 #騙案 #社會 #化讚為賞 #化like為coin

讀者如喜歡這篇文章 ,可於文章最下方按下Likebutton以示鼓勵及支持,若讚賞公民請先登入再按下Likebutton ,最多可按5至6下,而其他人士也可以於網絡了解LikeCoin及考慮是否註冊成為讚賞公民,若想成為讚賞公民可按以下連結︰https://likerland.app.link/?event=app_referral&referrer=tracy2018(下載APP登記註冊並通過短訊驗證後,你我還可有機會各獲 100 LikeCoin 作奬勵)

社會

提防口罩騙案 之 “租鋪”口罩!

Posted by slienceblack on

於網上訂口罩時需提防口罩騙案, 除左已出哂名既一合口罩之外, 仲有另一間食人血饅頭既”租鋪”口罩!

我於2月14日經由網上商店 https://hkrentastore.com/ 用$139訂一盒成人口罩, 呢檔野冇如期4月中交貨, 並一直用各種理由推搪延遲交貨, 而佢地Facebook專頁也由當時起開始不斷刪除/隱藏其他客人追款的留言! 所以表面睇落佢地d post既comments似係好多人都有貨但其實唔少人追佢貨追佢退款既comments俾佢地火速刪除/隱藏左 (包括我同其他苦主), 留低既comments有幾多係同佢地”做媒”既都未知…

我6月14日email要求退款, 佢地電郵回應話系統固障未能退款, 然後未有其他退款方案提供, 我等到7月16日再email要求經轉數快退款 (因有苦主嘈完佢地之後用轉數快退左), 當時店方於電郵內承諾 “會盡快於一至兩星期之內退款”, 但最後冇退款!

我到8月3日再email追問佢地何解仲未如期退款, 並要求一星期內退款, 佢地8月4日就電郵reply轉而話10–15個工作天內可發口罩, 並提及 “發貨和退款會同步進行的”, 我堅持退款, 因為對他們已完全失去信心, 我仲信佢地有貨咩!? 之後即使我同其他苦主一直電郵追問並警告說會報海關、消委會、小額錢債、大眾媒體等來嚇佢地, 他們一直態度不良及賴皮, 串77咁話歡迎用合法手段向佢地追討或向傳媒報料, 完全唔怕法律同媒體!?

直到我追問到8月8日並提供我的銀行戶口俾佢地有多一個方法退款, 並電郵多番追問及曾質疑佢地何解同我都係同是用一間銀行既戶口唔可以經ebanking轉帳及何解咁耐都未能退款, 但他們都冇回應, 只電郵說”HC??? 已退款 謝謝!” (HC???係佢地聲稱既過數編號) 但當天我沒有收到過他們的退款, 其他苦主都有類似情況!

我再電郵追問時, 他們要求我等到8月10日都唔見有過左數就再搵佢地, 但8月10日都冇收到過那筆款項! 於是我不斷追問, 佢地最後電郵說, “你好 抱歉 我們明天會致電HSBC客服查詢為何退不到款 謝謝!”, 而直到8月11日我仲未收到佢地退款, 佢地whatsapp亦只係中途回覆左句”出緊貨忙緊 等緊同事回覆 叫左佢跟進的”, 然後乜都冇, 電郵多番追問佢地都冇覆!

其間都曾多次以whatsapp追問, 但佢地只一味要求經電郵查詢, 對whatsapp追問不理不睬已讀不回, 甚至會block追問佢地退錢既客人, 因為其他苦主話已俾佢地block左! 而佢地亦在沒有成人口罩而被大量客人要求退款但還未退款的同時, 加推中童口罩兜售, 相信已有唔少仲未知情既小童家長訂左佢地口罩而唔知中伏!

若果你地同佢訂過口罩但又攞到貨或退得番錢既, 咁你地真係好好彩, 因為好多苦主同我一樣仲追緊佢地錢!?

講真, 錢, 我預左冇, 有人同佢地訂左佢十盒或以上至少成4位數既都仲未追得番, 佢地又聲稱日日處理幾百個退款order好忙仲嫌人地嘈佢地退錢變相想”排隊打尖”搞退錢 (來自其他苦主既分享), 我果一盒既錢算得係乜呀!?

我share出來只係想你地同你地既親戚朋友知道呢檔野係食人血饅頭既!? 唔想你地好似我咁被佢地呢班人呃, 因佢地最近俾人預訂中童口罩但淨係成人口罩都已冇貨俾兼仲有成千上萬個退款order未處理! 若果你地有人訂左或想訂呢檔野既口罩, 千萬要三思呀!

唔好問我做乜咁stupid唔只呢檔野在高登連登好出名係食人血饅頭, 好多苦主同我一樣平時少上高登連登, 我都係事後上高登連登網至知…唯今之計, 可以報都報左 (報左乜就唔講嘞), 之後只能keep住得閒就email轟炸佢地同嘈佢地問幾時退錢…嘈到佢地肯退錢為止…唔係真係唔知仲可以做乜…

有關商店的資料 (部份資料由其他苦主提供):

公司網址: https://hkrentastore.com/

公司Facebook專頁: 租鋪

租鋪

轉中童口罩申請表] 因收到很多未收到貨的支持者人表示想要中童口罩,而加開放申請轉中童口罩!提交申請表後7個工作天內絕對會收到貨,謝謝! 另外成人口罩我地都好努力出貨中,請再比多少少時間我地,之前印度突然封關,我地係十萬火急既情況下係香港設廠用左唔少時間,但現在已經一切開始運作順利,當中困難實在太多,不一一細訴了,但絕對無欺騙大家既成份。 有關訂單查詢請send email 比 sales@hkrentastore.com,inbox/ cm 我地會跟唔到架 ** 只限Order Number 45000 之後申請,敬請留意,謝謝! 租鋪中童三層即棄耳掛式外科口罩 包裝:1盒50個 (10個1包) 尺寸:145mm x 90mm 顏色:白色 -ASTM F2100 Level 1 -BFE ≥99%, PFE ≥95% -高透氣度 < 4.0 -有效阻擋0.1µm大小病毒粒體 -有效阻擋飛沫及液體 出貨時間:提交表單預訂後7天內會經由順豐/Zeek 出貨

公司電話: 59809046

公司地址: 火炭協興工業中心8樓C11室

負責人: 梁樂聞 (其相關公司名稱: Neon City Limited)

後記:

直到今日佢地依然係問極唔應, 老奉苦主要俾錢佢呃咁!? 由第一波疫情爆等到而家第三波疫情爆左嘞, 都冇貨冇退款!?

佢地連人地十幾盒成4位數既錢都唔退, 一盒半盒佢地跌散紙都跌左既錢又唔退 !? 明係大小通吃, 食左錢唔嘔番出來!? 你地可能覺得我咁少錢就咪L咁大聲嘈, 但我嘈唔係因為錢既問題, 而係因為佢地既不良銷售手法, 唔知仲呃左為數有幾大量既人! 仲要有D可能係訂左中童口罩俾小朋友既家長! 唔可以俾佢再呃其他人既錢 ! 正如之前上TVB東張西望爆一合口罩單野既人咁, 都只係被呃左一百幾十, 但問題係想揭露佢既不良手法!

訂口罩防疫既錢都呃, 咁陰質!? 佢地真係要小心尾後果2年嘞!?

#香港 #口罩 #騙案 #社會 #化讚為賞 #化like為coin