Yearly Archives

86 Articles
香港教育

黑色沉默系列 — 香港學與教第十三章 — 和子女溝通的藝術

Posted by slienceblack on

曾幾何時，香港政府的社會福利署在2001年的某個宣傳片有句口號︰子女好與壞，在乎溝通與關懷。但又有多少對父母能真正懂得和子女溝通的藝術而不會錯「口」好心做壞事呢？

和子女溝通都要講求藝術？

父母可能會覺得「同子女講野使乜鬼野爛鬼藝術咁”痾Gor”呀！我愛點同佢地講咪點同佢地講囉！佢地唔生性唔聽話咪喝鬼佢地鬧鬼佢地囉！唔通仲要好似BB咁呵佢地呀！」可悲的是，正正就是因為不少父母都有這個想法，造就了不少疏離的親子關係……與人溝通是高深的藝術，和子女溝通更是一門更高深的藝術，稍一拿捏不得宜或不夠準確，親子關係只會步入慢慢惡化的開端而「返唔到轉頭」。

和子女溝通如何講求藝術？小編認為不外乎以下三點︰

1. 和子女溝通，用詞不善行不通。

不少父母因為習慣和別人粗鄙地說話、夾雜粗言穢語甚至是一些比粗口更難聽的毒舌侮辱說話，令他們和子女溝通時也直接用了那些措詞，不論他們是否處於憤怒情緒中。例如︰有父母想查詢子女何時回家會說「你地捨得『死』『撚』番來未呀！？」或「你幾時至肯『躝』返屋企呀！？你個死仔包/死囡包！？」 — — 簡單尋常的一句「你地大約幾點左右回來呀？」就這樣被粗鄙用詞、夾雜粗言穢語甚至是一些比粗口更難聽的毒舌侮辱說話而變得不尋常及複雜化。

若父母和子女根本是十分親近像朋友般對等地相處，而和子女粗鄙地說話、夾雜粗言穢語甚至是一些比粗口更難聽的毒舌侮辱說話時是早知子女不會介意並帶著開玩笑語氣的話，那還不算太壞。但父母和子女根本是頗生疏並平常與子女有身分尊卑之分、關係不對等有隔膜，加上粗鄙地說話、夾雜粗言穢語甚至是一些比粗口更難聽的毒舌侮辱說話時的語氣是認真並惡言相向的話，子女的心中會不禁會覺得「你當我係乜野呀！？畜牲呀！？定係死人呀！？」，子女心中不忿但又敢怒不敢言，日積月累後就不會在有意欲和父母溝通了，最多只是敷衍應對幾句便算！

父母可能會推說「咁我讀書少嘛！我工作時同其他人都係咁講野架啦！唔好話而家D後生D細路受唔住鬧！？咁唔滿意有本事既咪躝（讀音是西冷個冷既音）屍趌（讀音是Gut）路囉！？」讀書少或工作圈子都不能成為平白無事對子女粗鄙地說話甚至夾雜粗言穢語的理由，因為要學懂互相尊重不需要讀很多書或從事很高尚工作才可以的。

要避免和子女溝通時用詞不善，便要嘗試避免和子女溝通時粗鄙地說話、夾雜粗言穢語甚至是一些比粗口更難聽的毒舌侮辱說話。子女感到被尊重，應對父母的語氣態度便會自動自覺變得平和並有意欲和父母溝通及做事有交帶。

2. 和子女交談，語氣表情不能似審犯。

父母切忌用檢察官或警察的審犯語氣或表情和子女交談，因為這樣做會令子女覺得備受偏見、誤解甚至是故意針對，覺得再和父母談話都是多餘的，因為感覺被當成囚犯甚至未審先判。

若然子女覺得父母只會帶「有色眼鏡」看待自己，就會慢慢和父母變得疏離及不會和父母再談任何事，因為他們心中會想「反正我講乜你地都係唔聽一味只係覺得自己諗既只係（事實）架啦！咁我做乜要浪費自己時間去同你地講野呢？你地自己諗飽佢囉！」。

父母要知道，子女有時是很靈敏的（不是敏感而是靈敏，因子女是Feel中了而非Feel錯了），他們能夠判斷到感覺到父母的表情語氣是出於關心、想了解，還是出於「審犯」、責難。

3. 和子女對話，切忌重覆惹厭煩。

舉一個日常生活的例子︰阿媽煲了湯水給阿囝飲，阿媽在阿囝剛回家後問了第一次，阿囝明確表示不飲湯水；阿媽在隔了一陣子後又重問一次，阿囝有點不耐煩地再明確表示不飲湯水；但再隔了一陣子後，又再第三度問一次，阿囝就會開始憤怒地表示已明確表示過不飲湯水了，叫阿媽不要再每事煩。

相信大家都會有過類似的經驗，就是同一件事，父母會提最少兩至三次，有些父母是因為忘記了之前問過，有些則是想借問多幾次企圖令子女改變注意傾向做他們期望的事情。所以你們即是你們已明確答了不只一次，令你們心中有點悶氣、不耐煩，有時甚至會感到憤怒，覺得父母「講極都唔聽係咁問，俾個錄音機你好唔好！？係都要迫我（呢樣果樣）」。

因此，父母切忌當「人肉錄音機」將同一個問題或說話不斷向子女重覆地說，因為這樣會令子女覺得厭煩而不想聆聽，更遑論要他們去回應或和父母溝通。

看到這裏，父母可能會覺得為何我們要為子女每每避重就輕，說話要小心表情、語氣、用詞呢？我們可是長輩呢！

正正是因為父母是長輩，才有能力懂得如何避重就輕地和子女相安無事心平氣和地相處。子女其實都是思想十分簡單的，父母若是真心對他們關懷，他們能夠感受到並會相應對父母好。

曾幾何時，香港政府的社會福利署在2001年的某個宣傳片有句口號︰子女好與壞，在乎溝通與關懷。只要父母懂得溝通的藝術，妥善表現出自己對子女的真心關懷，子女自然會好。

讀者如喜歡這篇文章 ，可於文章最下方按下Likebutton以示鼓勵及支持（若LikeCoin用戶請先登入再按下Likebutton ，最多可按5下，而其他人士也可以了解LikeCoin及考慮是否註冊使用LikeCoin ）

而加入 LikeCoin 回饋創作者計劃，更有免費獲得coin的活動：

  1. 註冊一個 LikeCoin ID (邀請人請填： tracy2018)
  2. 確認已登入 LikeCoin (確認方法)
  3. 點擊五下拍手(操作參考)
  4. 完成後，你我都會獲得免費的 LikeCoin (可用來交換以太幣或現金)

讀者在看完這篇文章以後，若有興趣也可以閱讀其他相關的分享文章︰

黑色沉默系列 — 香港學與教第十二章 — 成績差只因笨、懶惰、不努力讀書？
黑色沉默系列 — 香港學與教第十一章 — 父母應否當街責罵子女或過份偏坦子女？
黑色沉默系列 — 香港學與教第十章 — 讓子女去興趣班
黑色沉默系列 — 香港學與教第九章 — 香港補習社及補習導師
教與學系列及愛情吹水篇 之 中學生應否談性、談戀愛？
黑色沉默系列 — 香港學與教第八章 — 校園欺凌
黑色沉默系列 — 香港學與教第七章 — 「香港家庭教育」父母應對不同類型子女分類篇
黑色沉默系列 — 香港學與教第六章 — 「香港家庭教育」子女分類篇續篇
黑色沉默系列 — 香港學與教第五章 — 「香港家庭教育」子女分類篇
黑色沉默系列 — 香港學與教第四章 — 「香港家庭教育」父母分類篇之後續
黑色沉默系列 — 香港學與教第三章 — 「香港家庭教育」父母分類篇
黑色沉默系列 — 香港學與教第二章 — 「How ? What ? Why ?」和「香港中學教育」
黑色沉默系列 — 香港學與教

#Education #教育 #香港 #化讚為賞 #化like為coin

嬉笑怒罵/社會/科技

抽水馬桶文章 之 由劇集《兄弟》看網絡世界發展

Posted by slienceblack on

未知大家可曾收看剛播完的TVB劇集《兄弟》呢？雖然劇集內的一些內容過於「膠」、「離地」及誇張，如在VR世界用腦電波召喚亡靈（勁過問米婆 :-P），不過劇集內部分概念和網絡世界發展不無道理，值得大家去思考一下。

首先，劇集中有一個概念令我印象難忘，就是「得網絡、得天下」！

遠的不說，就近期的中美5G爭霸戰引發的一連串政治外交風波可見，哪個國家在這場網絡戰中處於優勢擁有話語權，便能在網絡世界發展中取得領導地位，以至對科技發展、經濟發展等有更大的助力，從而提升國際地位及影響力。若果網絡世界的發展不重要，列強可須你爭我奪、互不相讓？若果網絡世界的發展不重要，中國又何須考慮長遠要自主研發用於電子通訊設備的芯片而不再繼續依靠向美國進口芯片？由此可知，只要某個國家「得網絡」，就能在國際間的領導地位上穩穩地「站得住腳」，從而猶如有「得天下」的氣勢。

另一方面，在現今世界大部份人的日常生活都離不開網絡的情況來說，「失網絡、失天下」，皆因失去網絡對人們日常生活造成種種不便。

試想想，若全世界都沒有了網絡，你的手機、電腦、IPad等都只能打電話而不能上網、追劇、睇片、睇新聞，你的生活會如何？肯定的是，你的消費活動會十分不便，因為所有電子錢包如WeChat Pay、AliPay等都不能用，連八達通、用晶片的信用卡也不能用，更不能網購，你只能用現金去行街到實體商店購物；你的娛樂少了最少一半，因沒能上網「閒遊」；你會少了和朋友家人聯絡，因Whatsapp、Facebook等都不能用，只能打電話，為省電話費會少聯絡一些不算很相熟的親朋；隱蔽青年們會哀嚎，因為他們再不能把自己留在網絡世界，要再次回到對他們來說是殘酷的現實世界；你的Ipad可能會變成一件擺設；你只能看報紙才能了解世界發生的事。

其次，劇集中另一個令我印象難忘的概念，就是「野心家將來利用網絡世界可以操控人心甚至殺人於無形」！

試想想，若野心家組織一隊黑客大軍由網絡世界作為切入點去攻擊世界所有和網絡相關的設施及股票外滙市場，甚至任意盜取修改你的所有資料，令世界一片混亂，現對網絡世界這樣的一面，你還能事不關己般不去想想，這個世界將會變成如何？

此外，只要大家稍為Google一下，不難發現全世界歷來都有不少打機引發（急性）心臟病發猝死及過份沉迷打機以致「被洗腦」殺雙親或其他人的例子。若果野心家找團隊開發一些VR遊戲，讓玩家受刺激過度而心臟病發身亡，或輕易讓不少玩家沉迷於遊戲而分不清虛擬世界及真實世界，受虛擬世界影響而分不清現實世界的是非黑白、「被洗腦」受制於人，而野心家只會像「馬雲上身」一樣事不關己地申辯自己只是提供了一件工具，他人即使以工具做壞事是他人個人取向與他本人無關……現對網絡世界這樣的一面，你還能事不關己般不去想想，這個世界將會變成如何？

再者，在現今的網絡世界，即使沒有利用VR，人心也可輕易被操控，殺人也可以無形，只是暫時未成為網絡大眾關注反思的焦點而已。只須在網絡世界利用「網絡欺凌」、「人肉搜尋」、「虛假新聞/消息」等小伎倆，某團人便可以輕而易舉地從心理上去摧毀他們看不順眼的某君或者想拿某君來消遣一下排解悶氣，甚至把某君推向自殺的絕路，間接殺人而不會直接弄污自己雙手，更可不負責任地說是某君太「玻璃心」心靈太弱抵不住打擊，而不是自己的問題甚至不會覺得自己有過錯……現對網絡世界這樣的一面，你還能事不關己般不去想想，這個世界將會變成如何？

雖然大家可能會對劇集《兄弟》、中美5G爭霸戰等都不大關心，但最少也需對你日常生活中已離不開的網絡世界應用有著一點點的反思及有著一點點的謹慎。

讀者如喜歡這篇文章 ，可於文章最下方按下Likebutton以示鼓勵及支持（若LikeCoin用戶請先登入再按下Likebutton ，最多可按5下，而其他人士也可以了解LikeCoin及考慮是否註冊使用LikeCoin ）

而加入 LikeCoin 回饋創作者計劃，更有免費獲得coin的活動：

  1. 註冊一個 LikeCoin ID (邀請人請填： tracy2018)
  2. 確認已登入 LikeCoin (確認方法)
  3. 點擊五下拍手(操作參考)
  4. 完成後，你我都會獲得免費的 LikeCoin (可用來交換以太幣或現金)

讀者在看完這篇文章以後，若有興趣也可以閱讀其他相關的分享文章︰

抽水馬桶文章 之 簡談貨幣交易發展及電子支付發展的利弊
抽水馬桶文章 之 香港常用的電子支付工具
抽水馬桶文章 之 電子支付的社會滲透

#科技 #社會觀察 #生活 #化讚為賞 #化like為coin

健康

抽水馬桶文章 之 抽時間補眠勝過不斷食補品、營養補充品？

Posted by slienceblack on

香港人大多生活十分忙碌，除了工作外還需出席不少Social活動，以至捱壞身子，有些人更要不斷食補品或營養補充品來維持身體健康或阻止身體惡化。但大家又有沒有想過，可能只需在假期時簡單的抽時間補眠，就可以改善身體狀況呢？以下分享小編一位朋友的個別例子給大家參考一下。

小編這位朋友因為長年累月的忙碌工作及其他事務而犠牲了健康，試過捱到胃同肝都有小毛病，有段時間更須長期服藥控制病情，精神也差了變得有點神經緊張。雖然最近轉了一份相對沒有以前般忙碌的工作令胃和肝以及精神的情況有所改善，但已捱壞了的身子令他的氣管敏感舊患隨天氣驟變而復發後連續幾個月也未有改善，跟以往復發後一個半月左右自然康復的情況大大不同，雖然每次都有病向淺中醫但這次卻好像幫助不大。

而氣管敏感問題也令他在剛過去的2天聖誕假期未能相約朋友外出，即使有邀約也大多婉 拒 ，需留在家中休息。由於他實在太疲累了，他選擇了當一個懶貓，除了準備飯食、用膳、及晚上看一、兩套劇集外，其餘時間都找周公補眠，那2天晚上也出奇地早了一點於晚上十一、十二點左右便休息（他日常最早也需在近半夜1時左右才能休息）。那2天假期過後，他感覺他的氣管敏感問題突然大有改善，幾乎能不藥而愈。

由於他的氣管敏感問題已積了好幾個月，他相信這個突然改善的情況不是他的心理作用或是那2天的天氣和暖了所致，而是他把那2天的時間用來休息補眠讓身體休息所致。因此他決定以後在工作以外也盡量爭取時間休息補眠，減慢身體變差的速度。

雖然香港人大多生活十分忙碌，除了工作外還需出席不少Social活動，但身子一旦差了就「番唔到轉頭」，因此若能抽到時間便最好盡量補眠或閉目養神放空一下，讓自己身心都得以休息一下，否則便需大花金錢買補品或營養補充品來食，變相依賴食補品或營養補充品來保命了。

讀者如喜歡這篇文章 ，可於文章最下方按下Likebutton以示鼓勵及支持（若LikeCoin用戶請先登入再按下Likebutton ，最多可按5下，而其他人士也可以了解LikeCoin及考慮是否註冊使用LikeCoin ）

而加入 LikeCoin 回饋創作者計劃，更有免費獲得coin的活動：

  1. 註冊一個 LikeCoin ID (邀請人請填： tracy2018)
  2. 確認已登入 LikeCoin (確認方法)
  3. 點擊五下拍手(操作參考)
  4. 完成後，你我都會獲得免費的 LikeCoin (可用來交換以太幣或現金)

#香港 #生活 #健康 #化讚為賞 #化like為coin

嬉笑怒罵/社會/科技

抽水馬桶文章 之 手機電子支付終有一日會取代現金？

Posted by slienceblack on

除著手機電子支付科技不斷發展及變得普及，人們的消費形態看似已漸漸變為由手機電子支付主導。甚至有些人不禁會想︰手機電子支付終有一日會否取代現金，出現「無現金社會」？

早前小編在另一文章提到手機電子支付文化開始滲入日本這個現金主義社會，令一些日本神社加裝了能使用支付寶交易的工具。而在12月13日，由日本SoftBank與Yahoo共同出資的電子支付服務「PayPay」宣布，自12月4日展開的預計要進行4個月的100億日圓回饋活動已經提早結束，因為此次活動的消費者的反應超乎預期，100億日圓回饋金已經用罄。說不定，手機電子支付在不久的將來有機會在日本這個現金主義社會中急速發展。

而由於手機電子支付及虛擬貨幣因為去中心化的概念令不法分子有機會利用這些技術來「洗黑錢」，因此俄羅斯近日擬立法禁止外國電子支付平台直接向俄羅斯公民提供服務，對象包括內地熱門的「支付寶」或「微信支付」，未獲許可的電子支付平台只有外國人可以使用，以便打擊洗黑錢活動。

另一方面，手機電子支付的應用依賴穩定的手機網絡，當手機網絡不穩定、「網絡大塞車」甚至網絡中斷一段時間，就會引來災難性的手機支付癱瘓，南韓早前就已出現過這個情況，令市民生活帶來嚴重不便，原因就是因為市民及商店大多依賴手機電子支付技術來交易，身上只有少量現金。

由以上幾個例子可見，手機電子支付雖然為人們帶來很多方便，但因為手機電子支付技術不能離線操作及需依賴網絡，要靠以現金交易來「包底」，因此長遠來說手機電子支付不會把現金取而代之。

再者，手機電子支付的發展對不諳科技只能以現金交易的人們來說是「本來無一物」，只能用手機電子支付來交易更會引起他們的反彈，令他們覺得「只能用現金交易就是低人一等會被瞧不起嗎！？你們手機內的是錢而我手上的就不是錢嗎！？」。最近帶領手機電子支付潮流的中國內地就因為衍生商家拒收現金的亂象，引發民眾抱怨。經中國官方整治後在5個月內已處理了602個案例，例如阿里巴巴旗下的超市本只能用應用程式結帳，現也設立現金收銀櫃枱。

中國有一句老掉牙的講法︰凡事講求平衡。內地手機電子支付的開發原意是用來補足人們要長時間排銀行或提款機提錢來交易的不便，而不是要取代現金用作交易。因此手機電子支付將來只會和現金同時並存，同時成為人們的主要交易方法。

新聞來源︰

日本PayPay電子支付 100億日圓消費回饋金短短10天內用罄
https://tw.news.yahoo.com/%E6%97%A5%E6%9C%ACpaypay%E9%9B%BB%E5%AD%90%E6%94%AF%E4%BB%98-100%E5%84%84%E6%97%A5%E5%9C%93%E6%B6%88%E8%B2%BB%E5%9B%9E%E9%A5%8B%E9%87%91%E7%9F%AD%E7%9F%AD10%E5%A4%A9%E5%85%A7%E7%94%A8%E7%BD%84-032003456.html

俄羅斯擬修法規管外國電子支付平台 支付寶、微信支付等亦受限制
https://www.hk01.com/%E5%A4%96%E5%AA%92%E8%A6%96%E9%BB%9E/269527/%E4%BF%84%E7%BE%85%E6%96%AF%E6%93%AC%E4%BF%AE%E6%B3%95%E8%A6%8F%E7%AE%A1%E5%A4%96%E5%9C%8B%E9%9B%BB%E5%AD%90%E6%94%AF%E4%BB%98%E5%B9%B3%E5%8F%B0-%E6%94%AF%E4%BB%98%E5%AF%B6-%E5%BE%AE%E4%BF%A1%E6%94%AF%E4%BB%98%E7%AD%89%E4%BA%A6%E5%8F%97%E9%99%90%E5%88%B6

首爾全城 Unplug 電子支付幾全面癱瘓
https://www.pcmarket.com.hk/2018/11/29/%E9%A6%96%E7%88%BE%E5%85%A8%E5%9F%8E-unplug-%E9%9B%BB%E5%AD%90%E6%94%AF%E4%BB%98%E5%B9%BE%E5%85%A8%E9%9D%A2%E7%99%B1%E7%98%93/

行動支付太強勢 官方整頓商家拒收現金
https://china.hket.com/article/2228164/%E8%A1%8C%E5%8B%95%E6%94%AF%E4%BB%98%E5%A4%AA%E5%BC%B7%E5%8B%A2%20%E5%AE%98%E6%96%B9%E6%95%B4%E9%A0%93%E5%95%86%E5%AE%B6%E6%8B%92%E6%94%B6%E7%8F%BE%E9%87%91

讀者如喜歡這篇文章 ，可於文章最下方按下Likebutton以示鼓勵及支持（若LikeCoin用戶請先登入再按下Likebutton ，最多可按5下，而其他人士也可以了解LikeCoin及考慮是否註冊使用LikeCoin ）

而加入 LikeCoin 回饋創作者計劃，更有免費獲得coin的活動：

  1. 註冊一個 LikeCoin ID (邀請人請填： tracy2018)
  2. 確認已登入 LikeCoin (確認方法)
  3. 點擊五下拍手(操作參考)
  4. 完成後，你我都會獲得免費的 LikeCoin (可用來交換以太幣或現金)

讀者在看完這篇文章以後，若有興趣也可以閱讀其他相關的分享文章︰

抽水馬桶文章 之 電子支付的社會滲透
抽水馬桶文章 之 簡談貨幣交易發展及電子支付發展的利弊
抽水馬桶文章 之 香港常用的電子支付工具

#電子支付 #社會 #生活 #化讚為賞 #化like為coin

香港教育

黑色沉默系列 — 香港學與教第十二章 — 成績差只因笨、懶惰、不努力讀書？

Posted by slienceblack on

不少家長都有一個先入為主的錯誤觀念，就是「小朋友成績差，一定係佢地笨、懶惰、不努力讀書，唔係點會人讀佢地又讀，人地有高分又唔見佢地有？」，但事實又是否如此？

家長先要知道，

正所謂「人比人、比死人」，不能草率地將自己子女和其他人的子女作片面的比較，因為那樣對子女不公平。試想想，若子女心中想的是「點解人地父母做到呢樣果樣，又唔見我父母做到呢？一定係佢地自私同唔愛鍻我！咁我將來長大也不會愛佢地照顧佢地！」，你們又覺得將你們和其他父母這樣片面地比較又公平嗎？世上每個人都是不同的獨立的個體，不能拿來互相比較。你們的子女可能未必是世上一等一最好的，但卻是和你們最合適的子女；正如你們可能未必是世上一等一最好的父母，但卻是你們子女的最合適的父母。

家長也要知道，

子女不是被複製的機械人，不能每件事情都做到和其他人完全一樣。子女成績差，不要先入為主認為他們必定是「笨、懶惰、不努力讀書」，而要在沒有預設立場下和子女一同探索是因為「笨、懶惰、不努力讀書」還是因為學習內容太深而不明白、老師太惡害怕發問自己不明白的地方、未能找到理解學習內容的方法、答題大意不小心、臨場表現失準等……子女成績差可以受很多不同旳環境及人為因素所影響，父母不能只以偏慨全地下判斷，反而要細心和子女客觀分析他們成績差的原因，一同平心靜氣地尋找處理方法。

而家長更要知道，

正如老舊的俗語說「十隻手指有長短」，人人各有不同的長處和短處，父母不要一味只懂追究子女成績差，而是要發掘子女的長處短處，鼓勵他們發揮長處，嘗試改善短處；即使短處最後未能改善，最少子女也找到自己的長處，將來也能有機會發揮所長。亦正如老舊的俗語說「條條大路通羅馬」，將來即使子女不能像父母所期望般踏上「順利入讀著名大學的著名學科並成功畢業」這條康莊大道，也可以從其他方面發展自己的才能，如入讀演藝課程當演藝人，學跳舞當個舞者等，人生路可能比他人繞得有點遠、走得有點久、過得有點苦，但只要有決心及堅毅，也能無悔地步向適合自己光明的前路。

家長在社會中為家庭為生活而爭扎求存時痛過跌過失意過，因此想子女盡量走上「順利入讀著名大學的著名學科並成功畢業」這條康莊大道而少走冤枉難行的崎嶇路是不難理解的。但若這條路不是子女自己真心想要行的話，那子女只會「心裏流著淚行康莊道」，只是空有軀殼地生存而非有血有肉地生活；但若子女走的路是自己真心想要行的路，雖然會繞得有點遠、走得有點久、過得有點苦，就算再苦也能甘心地捱過去跨過去，因為他們會「捱過苦、方知甜」。

家長要是真心疼愛子女，就不要怕他們在人生路上跌跌撞撞而受傷，因為受過傷後會成長，從而能面對日後的風浪；不要忘記，他們從BB時學習走路，也是在跌跌撞撞下學懂的。作為父母只能做的，除了客觀地沒有預設立場地提供意見給子女參考外，就是在子女心中疲累或受傷時，借紙巾，耳朵及肩膊給子女訴苦，適時安慰，that’s it & that’s all。

讀者如喜歡這篇文章 ，可於文章最下方按下Likebutton以示鼓勵及支持（若LikeCoin用戶請先登入再按下Likebutton ，最多可按5下，而其他人士也可以了解LikeCoin及考慮是否註冊使用LikeCoin ）

而加入 LikeCoin 回饋創作者計劃，更有免費獲得coin的活動：

  1. 註冊一個 LikeCoin ID (邀請人請填： tracy2018)
  2. 確認已登入 LikeCoin (確認方法)
  3. 點擊五下拍手(操作參考)
  4. 完成後，你我都會獲得免費的 LikeCoin (可用來交換以太幣或現金)

讀者在看完這篇文章以後，若有興趣也可以閱讀其他相關的分享文章︰

黑色沉默系列 — 香港學與教
黑色沉默系列 — 香港學與教第二章 — 「How ? What ? Why ?」和「香港中學教育」
黑色沉默系列 — 香港學與教第三章 — 「香港家庭教育」父母分類篇
黑色沉默系列 — 香港學與教第四章 — 「香港家庭教育」父母分類篇之後續
黑色沉默系列 — 香港學與教第五章 — 「香港家庭教育」子女分類篇
黑色沉默系列 — 香港學與教第六章 — 「香港家庭教育」子女分類篇續篇
黑色沉默系列 — 香港學與教第七章 — 「香港家庭教育」父母應對不同類型子女分類篇
黑色沉默系列 — 香港學與教第八章 — 校園欺凌
教與學系列及愛情吹水篇 之 中學生應否談性、談戀愛？
黑色沉默系列 — 香港學與教第九章 — 香港補習社及補習導師
黑色沉默系列 — 香港學與教第十章 — 讓子女去興趣班
黑色沉默系列 — 香港學與教第十一章 — 父母應否當街責罵子女或過份偏坦子女？

#Education #教育 #香港 #化讚為賞 #化like為coin

工作

打工仔痛苦篇 之 老細，你玩哂啦！

Posted by slienceblack on

人人都想自己的老細會是一個好老細，或最少會是一個人道的老細，但可惜社會的現實係，「人人都想有一個好老細，唔通人人都會有一個好老細咩！？」，人人在現實遇到的老細，都有可能是下面其中一款，令打工仔除了在心內吶喊「老細，你玩哂啦~~~」之外，就是千萬句粗口在心中無限輪迴，直到退休，或直到你忍夠受夠交信走人或「被離開」的那一刻。

第一款︰「Mean（刻薄）到噴汁型老細」

這款老細是「我不懂人道是甚麼」的人，為了員工能按自己要求而不理員工死活，例如颱風「山竹」吹襲令香港交通癱瘓，但依然要你在轉掛三號風球後兩小時內用自己的方法準時返工，否則扣糧扣假的老細。對這些老細來說，他們是員工的「恩主」，哪個員工不聽他們指令都可隨時辭退，能很快取而代之的員工大有人在，「多一個唔多，少一個唔少」。而靠工作「搵食」否則手停口停的員工，在別無選擇別無他法之下，只能忍著怨氣捱下去。

第二款︰「轉Idea快過轉另一半型老細」

這款老細呢一刻決定了一個Idea下一刻就會推翻自己剛決定的Idea；例如，上午決定了用Plan A下午可能會決定改用Plan B，再之後一日又會決定改用Plan C或用回Plan A。他們永遠不會清楚自己的決定是甚麼，再加上他們會不聽別人意見並自以為自己最了解事情要如何處理，認為「我地話OK就得架la！」。因此，他們員工就無奈地「被拖著」去兜圈，又或者因為怕老細會很快改變主意而做事舉足不前。

第三款︰「失憶型老細」

這款老細比員工更失憶，即使是前一日和員工交待的事都會完全忘記，而堅持自己沒有交待過然後諉過於員工。員工往往「硬食死貓」而不能發作，除非每次都私下錄音才能保障自己。

而這款老細有些是天然性事事失憶，有些則是選擇性失憶，選擇性對一些不利自己的事情失憶，而間接把事情推向員工處理，推得一乾二淨。

第四款︰「擺員工上枱型老細」

這款老細都有個通病，都愛「吹大左個頭」，然後出了岔子就「擺員工上枱」由員工處理，務求令工作禍患的「火勢」不會蔓延到自己身上。

我聽說過一個例子，某公司要代理某種貨品必須先要有員工考取貨品生產商的極高難度的認證許可，但因公司老細不了解清楚就已偷步向幾名大客戶賣出了貨品，還信口開河向大客戶胡說自己公司有熟知貨品並有權代理的專家，讓大客戶都信以為真。最後「擺員工上枱」由員工處理，只能苦了員工在一邊考取貨品生產商的極高難度的認證許可，一邊戰戰競競地在大客戶面前冒充專家來解答問題。最後員工吃不消交信離開公司。

第五款︰「我領功你領野型老細」

這款老細完美演繹了經典日劇《半澤直樹》中的金句「下屬的功勞被上司佔有，上司的過失是下屬的責任」。凡對自己仕途有利的就強佔據為己有，凡會對自己仕途有絲毫不利的就強行推諉給員工並責難員工。這些老細只會視員工為自己「上位」晉升的踏腳石。

第六款︰「心情如天氣幻變型老細」

這款老細的喜怒哀樂心情永遠比天氣更幻變無常，令員工每日除了應付繁重工作外，還要時刻提高警覺地去揣摩「聖」意以免觸怒「龍」顏。在這款老細眼中，員工「辦事不力猶可恕，令老細震怒不可活」，在這款老細之下工作，懂做人處世比懂處理事情更重要。

第七款︰「豬隊友型老細」

這款老細能力不足，可能老細的地位也是靠著一些關係而獲得，卻每每不知道天高地厚地向員工指手劃腳提意見改主意，以致員工心有不滿，尤其是一些恃才傲物、懷才不遇的員工，更對這款老細深深不忿。

第八款︰「似番個人的老細/絕種好老細」

這款老細的「產量」較少，頻臨絕種。這款老細處理人道，會嘗試平衡員工及自己的長遠利益務求達至雙贏，不會為眼前利益而犠牲員工，遇到紛爭或客戶投訴會先透徹了解事情才處理事情及追究責任，不會胡亂向員工「開刀」問責，更不會把自己的責任甚至過錯推諉給員工「食死貓」。這款老細可謂可遇不可求。

正所謂「一樣米養百樣人」，世間的老細又可止以上幾種較突出的「奇葩」呢！可惜的是，不論你目前的老細是何等的「奇葩」，在未找到新工作令你由一個地獄跳去另一個新地獄之前，你只能除了在心內吶喊「老細，你玩哂啦~~~」之外，就是千萬句粗口在心中無限輪迴。

明天記得準時返工la，打工仔！

讀者如喜歡這篇文章 ，可於文章最下方按下Likebutton以示鼓勵及支持（若LikeCoin用戶請先登入再按下Likebutton ，最多可按5下，而其他人士也可以了解LikeCoin及考慮是否註冊使用LikeCoin ）

而加入 LikeCoin 回饋創作者計劃，更有免費獲得coin的活動：

  1. 註冊一個 LikeCoin ID (邀請人請填： tracy2018)
  2. 確認已登入 LikeCoin (確認方法)
  3. 點擊五下拍手(操作參考)
  4. 完成後，你我都會獲得免費的 LikeCoin (可用來交換以太幣或現金)

#香港 #工作 #生活 #化讚為賞 #化like為coin

遊記

日本某年紅葉之旅 第十六至十八天

Posted by slienceblack on

某年 11月28日 星期四

由於我和同行的朋友K君各有所好, 於是就協定在東京呢兩日分頭漫遊了

呢一日我去左行築地市場買手信俾家人 (俾朋友既手信一早買好左, 而家人想要既得呢度至有), 買完周圍行下, 仲食埋lunch至肯走, 因為真係可以食到好飽又唔係話太貴, 我認為~~~ ^^

之後去左行明治神宮, 果度入面既景唔錯架, 值得慢慢行同慢慢影相的 ~~~ 所以我都留左好耐至走 ~~~ 之後去左行代代木公園, 果度d景好正, 而且地方大, 我都慢慢行慢慢影相咁留左成三個鐘 :P, 不過我最愛都係行國家級公園好似係國營昭和紀念公園同新宿御苑, 因為d景係最正同埋地方最大既 XDXD

之後去左表參道dinner, dinner完因為要等表參道Xmas燈飾亮燈 (去日本之前search過話呢度11月尾12月頭會亮燈, 果日見到一大堆人以為有人做show等下八下, 點知俾我等到佢亮燈, 幾開心呀~~~ XDXD), 所以在表參道等左成粒鐘至走, 亮燈果下真係好正, 好多人歡呼, 我個人比較hea”嘩~~~”左聲就算, 不過就影左幾張相至走 😛

某年 11月29日 星期五

其實要去既東京景點已經去得七七八八, 所以呢一日可以再慢慢行下了

朝早去左淺草寺, 勢估唔到平日都咁多人去果度, 仲要有唔少係學生, 乜果邊d學生咁好可以成日去本地picnic ge > ~ < 😛

之後去左涉谷lunch同行CD舖睇碟同掃碟, 雖然睇到一d我最愛既組合SPEED既碟, 但果d只租唔賣….好可惜….不過都buy左3隻SPEED既碟同埋Arashi 2隻碟, 我每次去旅行都冇乜野買, 最大出血都係買呢d二手平價 CDs 😛

之後去左代官山, 純粹只係去到此一遊式咁行下, 果度冇乜野睇, 可能我唔係讀fashion人, 所以對於呢個fashion人潮聖地冇乜感覺 (後來就呻笨了, 因為返來之後醒起唔記得左去代官山附近既惠比壽…=.=)

最後去多次表參道dinner同睇燈飾, 在果度留左好耐同行左好耐, 終於俾我等到佢d燈轉色影多幾張相 XDXD, 中途撞正佢果度做music station super live, 我見得閒就留低在場外等開場聽下邊個唱歌啦, 點知….係AKB48, 仲要係咪咀播聲果隻唱歌, 算吧啦~~~, 即走人去第二度影燈飾 :P, 之後見到佢地唱完歌由後台出來門口等車, 我掂行掂過冇留低望佢地, 因為對佢地冇乜興趣 (騎呢利申: 當時自己ringtone雖然有AKB48某首歌既Ringtone, 但只係因為果首歌既旋律幾好, 而唔係因為迷佢地我, 我年紀大唔識欣賞 :P), 之後在對面馬路見到佢地整隊人成群黑影咁在燈飾下既景象構圖有d feel, 離遠影左張「人在街燈下」既相就走了 😛

某年 11月30日 星期六

呢一日係日本旅行最後一日, 我呢一日都冇影相, 好似係去左東京車站內周圍行下, 行到lunch之後會合朋友K君, 就搭新幹線返大阪, dinner完就搭飛機返HK了, 回到HK係12月1日零晨, 好彩仲趕到通宵巴士回家 ~~~ ^^

讀者如喜歡這篇文章 ，可於文章最下方按下Likebutton以示鼓勵及支持（若LikeCoin用戶請先登入再按下Likebutton ，最多可按5下，而其他人士也可以了解LikeCoin及考慮是否註冊使用LikeCoin ）

而加入 LikeCoin 回饋創作者計劃，更有免費獲得coin的活動：

  1. 註冊一個 LikeCoin ID (邀請人請填： tracy2018)
  2. 確認已登入 LikeCoin (確認方法)
  3. 點擊五下拍手(操作參考)
  4. 完成後，你我都會獲得免費的 LikeCoin (可用來交換以太幣或現金)

讀者在看完這篇文章以後，若有興趣也可以閱讀其他相關的分享文章︰

日本某年紅葉之旅 前傳
日本某年紅葉之旅 第一天
日本某年紅葉之旅 第二天
日本某年紅葉之旅 第三天
日本某年紅葉之旅 第四至五天
日本某年紅葉之旅 第六至七天
日本某年紅葉之旅 第八至九天
日本某年紅葉之旅 第十天
日本某年紅葉之旅 第十一天
日本某年紅葉之旅 第十二至十五天

遊記 Archives – slienceblack

由於第二朝會有兩位朋友由HK飛來日本大阪, 然後我地會三人行跟手飛去福岡展開九州遊, 咁我又唔想waste the money去hostel住幾粒鐘only, 於是就在機場過夜訓機場 la~~~ 大家唔使擔心關西機場過夜唔安全~~~首先我已經冇穿冇爛咁返左來好耐先 ~~~ :P, 其次就係果度真係好安全~~~! ^^ 果度夜晚會有police孖咇每隔個幾兩個鐘就巡場一次, 仲會同所有過夜人士登記資料, 仲會好溫柔咁提示大家要小心財物 (我係講堅架, 真係好nice架~~~), 最重要既係, 過夜人士都為數唔少, 大部分都係HK七八十後, 加少部分係鬼佬, 再加”小貓三兩隻”既台灣人, 所以唔會有事 XDXD 唯一不足之處係, 張長椅唔夠濶, 再加上我好alert自己既財物, 成晚都好醒訓, 訓下醒下咁, 就係咁就過左一晚了 ^^

#日本 #旅遊 #遊記 #Travel #化讚為賞 #化like為coin

遊記

日本某年紅葉之旅 第十二至十五天

Posted by slienceblack on

某年 11月24日 星期日

果日朝在機場會合左2個朋友S君及K君後, 我即刻搭內陸機到九州福岡展開九州遊了 ^^

果日集中行福岡, 先去中洲川端運河城, 但唔係食拉面先, 而係去朋友S君好想去既姆明cafe食野, 朋友仲好開心咁同姆明公仔影相, 隔離枱既日本人仲好nice咁豪左佢個位既公仔俾我朋友影相tim ~~~ XDXD

之後我地行去隔離既姆明精品店, 俾我見到一個咖啡杯幾正價錢又ok, 咁就買左等俾我另一個朋友做手信 ~~ XDXD

之後我地行左中洲川端商店街同櫛田神社, 果度有唔少著左和服既小朋友同埋家人來參拜, 好得意架~~~ 晚上就去左漫步大濠公園, 最後去左運河城度食拉面la ~~~ XDXD, 晚上回到旅館, 我同女性朋友S君孖鋪, 而另一位男性朋友K君就一支獨秀自己訓

果幾日九州之旅, 我地沿途都不停咁串來串去係咁吹水, 主要都係兩位朋友互串, 唔知點解幾開心見到佢地互動咁好感情 XDXD, 不過間中我同女性朋友S君搭車講野大聲左少少, 俾那一位著重東洋禮儀的朋友K君間中”殊~~~”來提示, haha~~~ 我地太hyber la, 失禮哂~~~ 😛

某年 11月25日 星期一

果日去同兩位朋友去九州郊區睇紅葉, 但我已經唔記得左果度叫乜名了 (請恕我中年腦退化 :P)

果日天氣陰天有點毛毛雨, 但不減我地郊遊既心情, 我地果日在果度留左半日左右, 欣賞到好多唔同狀態既楓葉景致, 我仲記得o係果度見到乳房神社, 俾D媽媽祈求多奶水餵BB既 (好似唔係俾女人求心口大既 :P), o係果度仲可以遠望到九州, 個view唔錯架~~~ ^^

由於呢個郊區範圍大, 我地行完返去福岡市區都夜晚了, 就去搵左路邊檔食拉面, 之後穿過天神地下街到地鐵站搭車返hostel了 ^^

某年 11月26日 星期二

這一天, 出戰熊本~~~~ ^^ 呢日我地幾個坐新幹線去九州行既重點之一 — — 熊本

第一站去熊本城, 成個熊本城範圍好大, 好似仲大過大阪城, 我地果日在城內範圍周圍行同周圍影, 果度冇乜紅葉, 反而有唔少幾靚既黃葉~~~~我都影左唔少黃葉相 😛

在熊本城大約行左兩個幾鐘, 就搭車去第二個景點 — — 水前寺, 果度相對熊本城冇咁多人去, 亦冇東京既公園咁大咁多野睇, 不過果度d 景都唔算差~~~ ^^

晚上dinner完回到博多站, 站外已經著左Xmas燈飾, 我忍唔住影左幾張相至繼續走~~~ 我個人幾愛睇同影日本既燈飾, 所以一見到會忍唔住影 😛

某年 11月27日 星期三

呢一日係最後一日留九州, 由於我對九重夢吊橋既強大好奇心, 於是果一日同2位朋友分開行, 自己去左九州大分行九重夢吊橋, 本身以為去果度都算方便既, 點知….原來唔方便….我來回都要搭的士, 的士費呢d衰野就唔好再提了….

不過不得不讚日本的士大哥大部分都對遊客好好人好helpful, 我去果陣搭的士, 的士大哥好似feel到我緊張, 係咁用佢有限兼唔醎唔淡既英文同我吹水, 仲要話我個樣睇落好後生, 好似16歲, 果下真係開心死我呢個而成年左好耐既人 ~~~ XDXD (事實證明, 我真係好baby face :P); 我走果陣因為冇車, 幾經辛苦至在詢問處找到staff幫手call 的士, 個的士大哥又好好人, 見我全程望住車外既鄉郊景色係咁”嘩~~嘩~~”聲係咁影相, 唔單止唔話我, 而且仲幫手搵靚景指俾我睇等我影相 (之前去果程果位的士大哥都有咁做) ~~~ 真係nice到爆 ~~~ XDXD

去到九重夢吊橋, 同我之前諗既萬紫千紅景象完全唔同, 不過果度係另一種蒼桑壯烈既紅葉景, 係另一番景致, 又唔係冇收獲, 而係另一種體會另一種收獲 ^^, 行行下吊橋, 天氣開始差, 仲下雨, 在果度又大風又下雨, 第一次覺得凍到想講粗口 :P, 但仍然堅持行哂成條橋睇哂d景至走, 話哂山長水遠來到嘛~~~~

行完吊橋之後, 就返去會合兩位久違了的朋友, 一齊搭飛機離開九州返大阪了, 回到大阪關西機場後, 朋友S君就立刻入閘搭飛機返HK了, 而我同另一朋友K君在關西機場食完dinner之後就拿拿淋坐車到大阪難波坐通宵車到東京, 差d趕唔到車 :P, 之後訓下醒下咁坐左8個鐘車, 第二朝醒左都仲好吽, 連朋友K君話到左都冇乜反應 😛

機場插曲, 果晚原本朋友S君可以同我地一齊dinner至入閘飛返HK既, 但因為日本staff好似話佢個行李度有酒 (其實只係得番好少份量, 幾啖左右), 於是就要佢即刻入閘詳細check, 就後check完俾佢throw away盒酒就過到關, 但出唔番閘了….好慘…. 不過我呢一程去日本搭左幾次機都俾人要求詳細check左兩三次, 次次都係佢地d staff反應過敏or check唔好, 每次都搞到唔好意思咁放我走….呢個都算係成個trip入面有點不happy既野了

讀者如喜歡這篇文章 ，可於文章最下方按下Likebutton以示鼓勵及支持（若LikeCoin用戶請先登入再按下Likebutton ，最多可按5下，而其他人士也可以了解LikeCoin及考慮是否註冊使用LikeCoin ）

而加入 LikeCoin 回饋創作者計劃，更有免費獲得coin的活動：

  1. 註冊一個 LikeCoin ID (邀請人請填： tracy2018)
  2. 確認已登入 LikeCoin (確認方法)
  3. 點擊五下拍手(操作參考)
  4. 完成後，你我都會獲得免費的 LikeCoin (可用來交換以太幣或現金)

讀者在看完這篇文章以後，若有興趣也可以閱讀其他相關的分享文章︰

日本某年紅葉之旅 前傳
日本某年紅葉之旅 第一天
日本某年紅葉之旅 第二天
日本某年紅葉之旅 第三天
日本某年紅葉之旅 第四至五天
日本某年紅葉之旅 第六至七天
日本某年紅葉之旅 第八至九天
日本某年紅葉之旅 第十天
日本某年紅葉之旅 第十一天

遊記 Archives – slienceblack

由於第二朝會有兩位朋友由HK飛來日本大阪, 然後我地會三人行跟手飛去福岡展開九州遊, 咁我又唔想waste the money去hostel住幾粒鐘only, 於是就在機場過夜訓機場 la~~~ 大家唔使擔心關西機場過夜唔安全~~~首先我已經冇穿冇爛咁返左來好耐先 ~~~ :P, 其次就係果度真係好安全~~~! ^^ 果度夜晚會有police孖咇每隔個幾兩個鐘就巡場一次, 仲會同所有過夜人士登記資料, 仲會好溫柔咁提示大家要小心財物 (我係講堅架, 真係好nice架~~~), 最重要既係, 過夜人士都為數唔少, 大部分都係HK七八十後, 加少部分係鬼佬, 再加”小貓三兩隻”既台灣人, 所以唔會有事 XDXD 唯一不足之處係, 張長椅唔夠濶, 再加上我好alert自己既財物, 成晚都好醒訓, 訓下醒下咁, 就係咁就過左一晚了 ^^

#日本 #旅遊 #遊記 #Travel #化讚為賞 #化like為coin

遊記

日本某年紅葉之旅 第十一天

Posted by slienceblack on

某年 11月23日 星期六

呢一日由於下午要搭新幹線去大阪, 所以唔諗去太多景點

第一站去台場, 晨早流流去台場其實係有d冷門, 但我怕晏少少去到會開始多人, 未必攞到啱feel既位置影景, 所以我早上去, 當係晨運 :P, 果日天氣好好, 可以好悠閒咁行下影下景, 行左大半個鐘至一個鐘左右, 就出發去全日我最想去既地方 — — 新宿御園

呢一度地方好大, 足以行半日至大半日, 雖然佢既景致冇我之前去既國営照和紀念公園咁壯觀咁正, 但都唔係差太遠~~~~ o係公園一路漫步一路欣賞周圍既大自然景色同林林總總既人一家大小咁悠然自得地picnic, 個心真係會舒暢好多架~~~ 至少我就係咁la~~~~ XDXD 就係咁行下坐下再行下影下, 咁就留左半日la ~~~ XDXD

之後三點幾四點, 出發搭新幹線 去大阪了, 經過4個幾鐘既新幹線車程, 終於來到大阪la (應該係回到大阪至啱, 因為之前係在大阪玩幾日先 :P), 之後去買幾日後既通宵巴士飛 (之後會有機會由大阪坐通宵車返東京, 預早買定至有位), 見仲有少少時間, 就去左心齋橋食拉面了, 果晚冇行街只係去左面檔食完就走人了

下一站係大家都估唔到既關西機場~~~何解呢? 我唔係提早著草返HK, 只係在果度過一晚夜jei~~~ 😛

由於第二朝會有兩位朋友由HK飛來日本大阪, 然後我地會三人行跟手飛去福岡展開九州遊, 咁我又唔想waste the money去hostel住幾粒鐘only, 於是就在機場過夜訓機場 la~~~ 大家唔使擔心關西機場過夜唔安全~~~首先我已經冇穿冇爛咁返左來好耐先 ~~~ :P, 其次就係果度真係好安全~~~! ^^ 果度夜晚會有police孖咇每隔個幾兩個鐘就巡場一次, 仲會同所有過夜人士登記資料, 仲會好溫柔咁提示大家要小心財物 (我係講堅架, 真係好nice架~~~), 最重要既係, 過夜人士都為數唔少, 大部分都係HK七八十後, 加少部分係鬼佬, 再加”小貓三兩隻”既台灣人, 所以唔會有事 XDXD 唯一不足之處係, 張長椅唔夠濶, 再加上我好alert自己既財物, 成晚都好醒訓, 訓下醒下咁, 就係咁就過左一晚了 ^^

之後第二朝等到我兩位朋友來到, 就渣渣淋飛去九州 la ~~~

讀者如喜歡這篇文章 ，可於文章最下方按下Likebutton以示鼓勵及支持（若LikeCoin用戶請先登入再按下Likebutton ，最多可按5下，而其他人士也可以了解LikeCoin及考慮是否註冊使用LikeCoin ）

而加入 LikeCoin 回饋創作者計劃，更有免費獲得coin的活動：

  1. 註冊一個 LikeCoin ID (邀請人請填： tracy2018)
  2. 確認已登入 LikeCoin (確認方法)
  3. 點擊五下拍手(操作參考)
  4. 完成後，你我都會獲得免費的 LikeCoin (可用來交換以太幣或現金)

讀者在看完這篇文章以後，若有興趣也可以閱讀其他相關的分享文章︰

日本某年紅葉之旅 前傳
日本某年紅葉之旅 第一天
日本某年紅葉之旅 第二天
日本某年紅葉之旅 第三天
日本某年紅葉之旅 第四至五天
日本某年紅葉之旅 第六至七天
日本某年紅葉之旅 第八至九天
日本某年紅葉之旅 第十天

遊記 Archives – slienceblack

然後就坐車返東京JR車站商店街度dinner, dinner完六點左右等子彈車, 跟住開始黑仔了, 點解呢? 因為等左好耐都冇去新大阪既車, 果度月台又無位坐, 我就企左o係度企到七點半左右至上到車….仲要係行得最慢果架車…去到新大阪已經十一點幾十二點, 之後等JR轉車到hostel, 中途由於擔心hostel 關門唔俾入（有些hostel有門禁, 過左十二點就關門唔俾人入, 我呢間都係…）, 係咁打電話去hostel叫等埋我, 但係試左好多次, 都試唔到點打去hostel, 於是諗住用whatsapp找fds諗住d fds諗唔到計都可以吹下水冇咁驚, 最後斷斷續續咁撞方法試打到十一點幾十二點, 終於打到俾hostel當夜班果位台灣藉既伙記, 佢肯等埋我至收工休息, 太好了, 謝天謝地~~~最後將近半夜一點至返到去, 佢同我講我咁夜至搭到JR返到去好正常, 因為新聞話夜晚有人跳軌, 唔知係咪我搭果幾程車其中一程呢…@@

#日本 #旅遊 #遊記 #Travel #化讚為賞 #化like為coin

遊記

日本某年紅葉之旅 第十天

Posted by slienceblack on

某年 11月22日 星期五

呢一日去左東京郊區高尾山一日遊加晚上skytree欣賞夜景

之前已經好想去高尾山, 因為上網睇過資料話呢度無論睇紅葉定睇景都好正, 真係聞名不如見面, 唔係好正, 係超正~~~~ XDXD

由於要由東京市區搭2, 3個鐘頭JR車至去到, 所以果日都七點幾八點出發在東京搭JR火車, 去到十點幾, 一去到高尾山車站已經有唔少人準備行山, 去出名景點郊遊有樣好, 就係跟大隊實冇死錯人, 就算唔識行盲中中咁跟住多數既人行緊既路都一定去到目的地 XDXD

之後跟左大隊去車站度轉車上山, 可以選擇坐cable car或者吊車, 我呢d鐘意搏既當然坐吊車啦 :P, 本身個人有少少畏高 (睇唔出哩~~~), 所以全程久唔久都渣實扶手, 仲要做高危動作 ~~~ 唔係搖來搖去搏跌落車, 而係單手渣相機影相 (睇到呢度大家可能會係咁”車”我~~~ 但我係講堅的, 若果我稍為手震或跣手, 部相機都會粉身碎骨架la…因為我唔係下下渣得穩 :P) 我之所以咁搏咁影相, 係因為由吊車望上去既視野好正~~~不枉我揀坐吊車, 可以影下前面紅葉相, 又可以影下後面東京城市遠眺既風景相 ~~~~ 就係咁一路坐一路影住相咁上到去山上了

上到去, 我見到有唔少人都上去一個小型瞭望台度, 咁我當然唔執輸上埋一份啦~~~上到去一望~~~我係咁”嘩~~~好正呀~~~”咁款, 因為望出去既紅葉城市景觀, 真係正到十級核爆, 可惜我果部只係普通DC, 影出來既相未足以顯示果度有幾咁正爆~~~所以, 大家去日本東京, 尤其是紅葉季節, 真係不妨去下高尾山~~~ XDXD

o係個瞭望台都”嘩~~~”完一輪, 就落台去下一道追紅葉la ~~~ 沿途一路行都會有唔少唔同色彩既楓樹景致~~~之後去到一個廟,去左跟其他人一樣排隊敲鐘轉大石 (HK興轉風車, 果度係轉大石, 都係轉下求好運果d~~~), 冇乜紅葉, 好快去左第二度 😛

一路跟住遊客大隊走, 去到一個景點, 再一次令我”嘩~~~好正呀~~~”, 果度俾我見到一大片高山, 仲要離遠望到富士山, 勁多人停低睇同影相同野餐, 我就先在果度附近既小店度食烏冬填一填肚至出去影相, o係果度又係留左好耐慢慢欣賞完至走~~~不得不提, 果度其實都有唔少紅葉架, 不過俾唔少人佔據哂有利位置影相, 所以唔係影左好多 😛

就係咁留左大半日, 臨走前再坐多次吊車, 再影多幾張相 😛

在東京dinner完, 見時間尚早, 就去左skytree度欣賞夜景了, 果度既夜景個人覺得同東京鐵搭都係差唔多咁正, 但如果二選一我會揀skytree, 因為高d嘛~~~ 😛 (我係一個有少少畏高但又鍾意上高既地方遠眺風景既人~~~都幾矛盾架~~~:P), 欣賞完夜景, 在skytree下欣賞多一陣Xmas 燈飾至走

臨尾諗住搏下去上野睇下仲有冇店開門做生意, 當然係收哂檔咁滯啦, 我去到果陣成八點幾九點了…唯有下回請早啦~~~ :P, 跟住即刻搭車返hostel了~~~ ^^

讀者如喜歡這篇文章 ，可於文章最下方按下Likebutton以示鼓勵及支持（若LikeCoin用戶請先登入再按下Likebutton ，最多可按5下，而其他人士也可以了解LikeCoin及考慮是否註冊使用LikeCoin ）

而加入 LikeCoin 回饋創作者計劃，更有免費獲得coin的活動：

  1. 註冊一個 LikeCoin ID (邀請人請填： tracy2018)
  2. 確認已登入 LikeCoin (確認方法)
  3. 點擊五下拍手(操作參考)
  4. 完成後，你我都會獲得免費的 LikeCoin (可用來交換以太幣或現金)

讀者在看完這篇文章以後，若有興趣也可以閱讀其他相關的分享文章︰

日本某年紅葉之旅 前傳
日本某年紅葉之旅 第一天
日本某年紅葉之旅 第二天
日本某年紅葉之旅 第三天
日本某年紅葉之旅 第四至五天
日本某年紅葉之旅 第六至七天
日本某年紅葉之旅 第八至九天

遊記 Archives – slienceblack

然後就坐車返東京JR車站商店街度dinner, dinner完六點左右等子彈車, 跟住開始黑仔了, 點解呢? 因為等左好耐都冇去新大阪既車, 果度月台又無位坐, 我就企左o係度企到七點半左右至上到車….仲要係行得最慢果架車…去到新大阪已經十一點幾十二點, 之後等JR轉車到hostel, 中途由於擔心hostel 關門唔俾入（有些hostel有門禁, 過左十二點就關門唔俾人入, 我呢間都係…）, 係咁打電話去hostel叫等埋我, 但係試左好多次, 都試唔到點打去hostel, 於是諗住用whatsapp找fds諗住d fds諗唔到計都可以吹下水冇咁驚, 最後斷斷續續咁撞方法試打到十一點幾十二點, 終於打到俾hostel當夜班果位台灣藉既伙記, 佢肯等埋我至收工休息, 太好了, 謝天謝地~~~最後將近半夜一點至返到去, 佢同我講我咁夜至搭到JR返到去好正常, 因為新聞話夜晚有人跳軌, 唔知係咪我搭果幾程車其中一程呢…@@

#日本 #旅遊 #遊記 #Travel #化讚為賞 #化like為coin